සරත් වීරසේකරගේ ප්‍රචාරක වැඩසටහනකට තමා සහභාගි වූයේ එය ප්‍රචාරණ වැඩසටහනක් බව නොදැන බවත්, නැවත මැතිවරණ කාලසීමාව තුළ එවැනි වැඩසටහන්වලට සහභාගි නොවන බවත් ආරක්ෂක අමාත්‍යාංශයේ ලේකම් විශ්‍රාමික මේජර් ජෙනරාල් කමල් ගුණරත්න මැතිවරණ කොමිසමට ලිඛිතව දැනුම්දී ඇත.

මැතිවරණ කාලසීමාවේදී වැඩසටහන්වලට සහභාගි නොවීමට වගබලාගන්නා බව ඔහු දැනුම්දී ඇත.

මැතිවරණ කොමිෂන් සභාව මේ පිළිබඳ කරුණු විමසමින් යොමු කරන ලද ලිපියකට පිළිතුරු දෙමින් කමල් ගුණරත්න මහතා මේ බව දැනුම් දී තිබේ.

ටාජ් සමුද්‍ර හෝටලයේදී ජුලි 18 දින කොළඹ ආනන්ද විද්‍යාලයේ ආදි සිසුන් හා විද්‍යාලයේ ගුරුවරුන් පිරිසකගේ සහභාගිත්වයෙන් සංවිධානය කර තිබූ ‘උත්තම විරු- අනඳ සර’ නම් උත්සවයකට ගුණරත්න මහතා සහභාගි වී තිබේ. එම වැඩසටහන පොදුජන පෙරමුණේ අපේක්ෂක සරත් වීරසේකර ප්‍රවර්ධනය සඳහා සංවිධානය කර තිබුණි.■