සංස්කරණය කර විකාශනය කරන ලද හිමිනමකගේ ප‍්‍රකාශයක් හේතුවෙන් ජනාධිපති ගෝඨාභය රාජපක්ෂට අපහාසයක් සිදුවී ඇතැයි කියමින් ස්වර්ණවාහිනී ආයතනයේ සේවකයන් තිදෙනෙකුගේ වැඩ තහනම් කර ඇත.

ශ‍්‍රී පාද වන්දනා සමය ආරම්භවීම නිමිත්තෙන් දෙසැම්බර් 11 වැනි පොහොය දින ශ‍්‍රී පාදස්ථානාධිපති බෙංගමුවේ ධම්මදින්න හිමිගේ ප‍්‍රකාශයක් ස්වර්ණවාහිනිය විකාශය කර ඇති අතර එම සංස්කරණය කළ ප‍්‍රකාශයෙන් ජනාධිපතිවරයාට අපහාසයක් වී ඇති බව නිගමනය කර ඇත.

සංස්කරණයේදී ධම්මදින්න හිමිගේ ප‍්‍රකාශය තුළ ‘කාලකණ්ණි’ යන වචනය ජනාධිපතිවරයා යන වචනය සමග එකට විකාශය වීම මෙම අපහාසයට හේතුවී ඇත.

ඒ අනුව එම ප‍්‍රවෘත්තිය පළවූ දිනට පසු දින සහකාර කළමනාකරු වජිර සුමේධ යසරත්න, ප‍්‍රවෘත්ති සංස්කාරිකා තිළිණි පෙරේරා හා වීඩියෝ තාක්ෂණික ශිල්පිනී රසාදරී නෙරංජලාගේ වැඩ තහනමට ලක් කර ඇත.

එදින සිට අද දක්වා මේ පිළිබඳව පරීක්ෂණයක් පවත්වා නැති අතර මේ වැඩ තහනම වූ කලි සේවයෙන් ඉවත් කිරීමකට සමාන යැයි එහි සේවකයෝ පවසති.

ස්වර්ණවාහිනියේ කළමනාකරණ අධ්‍යක්ෂ වශයෙන් කටයුතු කරන්නේ ජේ ශ‍්‍රී රංගා මහතාය.