පශ්චාත් සීමාවාසික වෛද්‍ය පත්වීම් ලැයිස්තුව ප‍්‍රකාශයට පත් කළහොත් ඊට එරෙහිව වැඩ වර්ජනයක නිරත වන බව කී රජයේ වෛද්‍ය නිලධාරීන්ගේ සංගමය එම ලැයිස්තුව ප‍්‍රකාශයට පත් නොවීම නිසා සිය වැඩවර්ජන තීන්දුව පසුපසට ගෙන තිබේ.


ඉහත තර්ජනයත්, තීන්දුව පසුපසට ගැනීමත් රෝගීන් වෙනුවෙන් නොවන බව නම පැහැදිලිය.


පශ්චාත් සීමාවාසික පත්වීම් යනු පුහුණුවෙන් පසු වෛද්‍යවරයෙකුට ලැබෙන පළමු පත්වීමය. නැත්නම් රජයේ රෝහලකට ලැබෙන රැුකියාවය. එම රැුකියා ලබාදෙන්නේ සෞඛ්‍ය අමාත්‍යාංශයෙන්ය. රජයේ වෛද්‍ය නිලධාරීන්ගේ සංගමයේ වර්ජන තර්ජනයෙන් කියාපාන්නේ රජයෙන් ලබාදෙන රැුකියාවක් ඊට පෙර ඔවුන්ගේ අනුමැතියට ලක් කළ යුතු බවය.


මේ ආකාරයට රජයේ අනෙකුත් පත්වීම් සම්බන්ධයෙනුත් වෘත්තීය සමිති තර්ජනය කරන්නට පටන් ගතහොත් ඇතිවිය හැකි තත්වය කුමක් වේද?
දැනට රජයේ විශ්වවිද්‍යාලයකට තේරී පත්වීමෙන් පසු රජයේ රැුකියාවක් අනිවාර්යයෙන්ම ලැබෙන්නේ වෛද්‍යපීඨවලට තේරී පත්වන සිසුන්ට පමණි. වෛද්‍යපීඨ පුහුණුවෙන් පසු ඔවුන්ට රජයේ රෝහල්වලට ලැබෙන්නේ සීමාවාසික පත්වීම්ය. එයද වෛද්‍ය විද්‍යාල පුහුණුවේම කොටසකි. පශ්චාත් සීමාවාසික පත්වීම යනු ඉන්පසු ලබාදෙන රාජ්‍ය සේවයේ පත්වීමය.


මේ සීමාවාසික පුහුණුව සඳහා ලැයිස්තු සකස් කරන්නේ් උසස් අධ්‍යාපන අමාත්‍යාංශය විසින්ය. පශ්චාත් සීමාවාසික පත්වීම් ලැයිස්තු සකස් කිරීමේදී දේශපාලන ඇඟිලි ගැසීම් සිදුනොවෙතැයි අපට සහතික දිය නොහැකිය.
එහෙත් ඇත්ත කාරණය වන්නේ කාලාන්තරයක් තිස්සේම පශ්චාත් සීමාවාසික පත්වීම් ලැයිස්තුව තමන්ට වුවමනා ආකාරයට සකස් කිරීමට රජයේ වෛද්‍ය නිලධාරීන්ගේ සංගමය කටයුතු කරමින් සිටින බවය. හිටපු සෞඛ්‍ය ඇමතිවරුන්ද ඊට ඉඩදී කරබාගෙන සිට ඇති බවය.


මේ පශ්චාත් සීමාවාසික පත්වීම් සඳහා රජයේ වෛද්‍ය නිලධාරීන්ගේ සංගමය මෙතරම් වලිකන්නේ ඇයි? ඇත්ත වශයෙන්ම රජයේ වෛද්‍ය නිලධාරීන්ගේ සංගමයේ බලය ඇති කණ්ඩායම නැවත තෝරාපත්කරන ඡුන්ද යාන්ත‍්‍රණය එය වන බැවින්ය. එය බාහිර සමාජය එතරම් නොදන්නවාට වෛද්‍ය සමාජය දන්නා කාරණයකි. එස්.බී. දිසානායක හිටපු අමාත්‍යවරයා කී පරිදි සමෘද්ධිය ශ‍්‍රීලනිපයේ ඡුන්ද මැෂිම වී තිබුණා සේය.


රජයේ වෛද්‍ය ක්ෂේත‍්‍රයේ ඇති වෛද්‍යවරුන්ගේ සංගම් යනු රජයේ වෛද්‍ය නිලධාරීන්ගේ සංගමය පමණක් නොවේ. එසේනම් අනෙකුත් වෛද්‍ය සංගම්වලටත් එම අවස්ථාව හිමිවිය යුතුය.


සෞඛ්‍ය ක්ෂේත‍්‍රයේ මේ අශෝභන තත්වය මේ ආකාරයට නොවුණත් හෙද ක්ෂේත‍්‍රයේද දක්නට ලැබේ. හෙද විදුහලේ පුහුණුව අවසන් කරන හෙදියන්ට රජයේ පත්වීම් ලැබෙන්නේ වෘත්තීය සමිතිද මුල්කර ගනිමින්ය.x