මැද පෙරදිග පවතින යුද්ධයත් සමඟ ඇති වී ඇති ඉන්ධන ගැටලුව හේතුවෙන් ඊට මුහුණදීම සඳහා රජයේ සේවකයින්ට මාර්තු 17 සිට සෑම සතියකම බදාදා දිනවල නිවාඩු ලබාදීමට රජය තීරණය කර ඇති බව අත්යවශ්ය සේවා කොමසාරිස් ජනරාල් ප්රභාත් චන්ද්රකීර්ති මහතා පවසා ඇත.
ඒ රජයේ ප්රවෘත්ති දෙපාර්තමේන්තුවේදී විශේෂ ප්රවෘත්ති සාකච්ඡාවක් පවත්වමිනි.
තවද බදාදා හැර අනෙකුත් වැඩකරන සතියේ දින 4දී ද කොපමණ සේවකයින් ප්රමාණයක් සේවා ස්ථානයට ගෙන්වා ගැනීමට අවශ්ය ද යන්න සම්බන්ධයෙන් අවශ්ය තීරණය ගැනීම සම්බන්ධයෙන් රාජ්ය ආයතන ප්රධානීන්ට අවසර ලබා දී ඇති බවත් සියලුම රාජ්ය උත්සව කටයුතු තාවකාලිකව නවතා දැමීමට රජය තීන්දු කර ඇති බවත් ඒ මහතා පවසා ඇත.
රජයේ සේවකයින්ට අමතරව, සියලුම රජයේ පාසල්, විශ්ව විද්යාල සහ අධිකරණ සඳහා බදාදා දින නිවාඩු දිනයක් ලෙස ප්රකාශයට පත් කර ඇති අතර පෞද්ගලික ආයතන ද එය අනුගමනය කරන ලෙස රජය පෞද්ගලික ආයතන හිමිකරුවන්ගෙන් ඉල්ලීමක් කර ඇති බව වාර්තා වේ. තවද විශ්ව විද්යාල වල අධයාපන කටයුතු සූම් තාක්ෂණය ඔස්සේ පැවැත්වීමටත් මේ වන විට අවසර ලබා දී ඇති බවත් වාර්තා වේ.
