පොළොන්නරුව දිස්ත්රික්කයේ හිටපු පාර්ලිමේන්තු මන්ත්රී අමරකීර්ති අතුකෝරළ සහ ඔහුගේ ආරක්ෂක නිලධාරියාට පහරදී ඝාතනය කළ බවට එල්ල වූ චෝදනාවට වරදකරුවන් 12 දෙනෙකුට මරණ දඬුවම ගම්පහ ස්ථීර ත්රිපුද්ගල මහාධිකරණය නියම කර ඇත.
අදාල නඩුව ගම්පහ ස්ථිර ත්රිපුද්ගල මහාධිකරණයේ දී පෙබරවාරි 11 වන දින විභාග වූ අවස්ථාවේ නඩුවේ අවසන් තීන්දු ප්රකාශයට පත් කරමින් අදාල පුද්ගලයන්ට මෙසේ මරණ දඬුවම් නියම කර ඇත. අදාල නඩුව 2023 වර්ෂයේ සිට අඛණ්ඩව විභාග වූ අතර සහන් මාපා බණ්ඩාර, රශ්මි සිංගප්පුලි හා රසන්ත ගොඩවෙල යන මහාධිකරණ ත්රිපුද්ගල විනිසුරු මඬුල්ල විසින් එම නඩුවේ තීන්දුව මෙසේ ප්රකාශයට පත්කර තිබිණි.
2022 වසරේ මැයි 9 වැනි දින අමරකීර්ති අතුකෝරාල හා ඔහුගේ ආරක්ෂක නිලධාරී පොලිස් සැරයන් ජයන්ත ගුණවර්ධන මන්ත්රිවරයාගේ මෝටර් රථයෙන් අරලිය ගහ මන්දිරයේ පැවැති ජන හමුවකට සහභාගි වී ආපසු පොළොන්නරුව බලා යමින් සිටියදී නිට්ටම්ඹුවේදී පිරිසක් විසින් මන්ත්රීවරයාව සහ ඔහුගේ ආරක්ෂක නිලධාරියාව ඝාතනය කර තිබිණී.
සිද්අධියට අදාල විමර්දාශන අපරාධ පරීක්ළෂණ දෙපාර්තමේන්තු විසින් විමර්ශන සිදු කළ අතර අදාල ස්ථානයේ තිබුණු සීසීටීවී දර්ශන සාක්ෂි පදනම් කර ගනිමින් සැකකරුවන් හඳුනාගෙන අත්අඩංගුවට ගෙන තිබුණු අතර එම සැකකරුවන් අතරින් 41 දෙනෙකුට එරෙහිව නඩු පවරා තිබිණි.
අධි චෝදනා 14ක් යටතේ නීතිපතිවරයා විසින් විත්තිකරුවන් 41 දෙනාට එරෙහිව මෙම නඩුව පවරා තිබූ අතර එම විත්තිකරුවන්ගෙන් 13 වැනි සහ 31 වැනි විත්තිකරුවන් නඩු විභාගය අතරදී මියගොස් තිබූ අතර, 39 වැනි සහ 40 වැනි විත්තිකරුවන් අධිකරණය මගහැර පලාගොස් තිබිණි.
මෙම නඩුව තීන්දුව සඳහා ජනවාරි 14 වැනිදා කැඳවූ අවස්ථාවේදී දැඩි කොන්දේසි සහිත විත්තිකරුවන් 37 දෙනෙකු ඇප මත මුදාහැර තිබිණී.
