ත්රිකුණාමලය බුදුපිළිම සිද්ධිය සම්බන්ධයෙන් අත්ඩංගුවට ගත් පූජ්ය බලංගොඩ කස්සප හිමියන් ඇතුළු පිරිස පෙබරවාරි 11 වන දින දක්වා රක්ෂිත බන්ධනාගාර ගත කිරීමට ත්රිකුණාමලය මහේස්ත්රාත්වරයා නියෝගයක් නිකුත් කර ඇත.
පෙබරවාරි 09 දින අදාල පිරිසව ත්රිකුණාමලය මහේස්ත්රාත් අධිකරණයට ඉදිරිපත් කළ අවස්ථාවේදී අදාල පිරිසව මෙසේ යළි බන්ධනාගාර ගත කිරීමට නියෝග කර ඇත. ත්රිකුණාමලය කොටුව පාරේ පිහිටි ශ්රී සම්බුද්ධ ජයන්ති බෝධිරාජ විහාරස්ථානයේ විහාරාධිපති ත්රිකුණාමලය කල්යාණවංශ තිස්ස හිමි, පූජ්ය බලංගොඩ කස්සප හිමි, පූජ්ය ත්රිකුණාමලය සුඛිතවංශ තිස්ස හිමි සහ පූජ්ය නන්ද හිමියන් ඇතුළු 10 දෙනෙකු මෙසේ රක්ෂිත බන්ධනාගාර ගත කර ඇත.
