සිරිලිය සවිය සංවිධානයට අයත් විමර්ශනයක් වෙනුවෙන් පොලිස් මූල්ය අපරාධ කොට්ඨාශයට කැඳවනු ලැබූ හිටපු ජනාධිපති මහින්ද රාජපක්ෂගේ බිරිඳ වන ශිරන්ති රාජපක්ෂ පැය කිහිපයක ප්රකාශයක් ලබාදීමෙන් පසු පිටව ගියේ පෙබරවාරි 03 දිනය. ඒ සම්බන්ධයෙන් ඊට පෙර ඇයව කැඳවා තිබුණ ු අතර එහිදී ඇය ඒ සඳහා කල් ඉල්ලා සිටියාය. එදිනම නාමල් රාජපක්ෂටත් අපරාධ පරීක්ෂණ දෙපාර්තමේන්තුව වෙත පැමිණෙන ලෙස දැනුම් දී තිබුණ අතර ඒ සංවිධානාත්මක අපරාධ කල්ලි නායකයකු වන විදේශගතව සිටියදී අත්අඩංගුවට ගෙන ශ්රී ලංකාවට ගෙන එන ලද කෙහෙල්බද්දර පද්මේට ඇති සම්බන්ධයක් පිළිබඳ ප්රකාශයක් සටහන් කර ගැනීම සඳහාය.
ඒ නිසාම අපරාධ පරීක්ෂණ දෙපාර්තමේන්තුව හා පොලිස් මූල්ය අපරාධ කොට්ඨාශය පිහිටි කොළඹ කොටුව යෝක් වීදිය ශ්රී ලංකා පොදුජන පෙරමුණ වෙනුවෙන් පැමිණි පිරිස්වලින් පිරී තිබූ අතර ඔවුන්ට මාර්ගය හරහා පොලිස් මූල්ය අපරාධ කොට්ඨාශය හා අපරාධ පරීක්ෂණ දෙපාර්තමේන්තුව පිහිටි ප්රදේශයට ඒමට නොහැකි ආකාරයට පොලිස් නිලධාරීන් ස්ථානගත කිරීමද සිදුකර තිබුණි.
මේ අතර ශ්රී ලංකා පොදුජන පෙරමුණ ශිරන්ති රාජපක්ෂව පොලිස් මූල්ය අපරාධ කොට්ඨාශයට කැඳවීම සම්න්ධයෙන් නිවේදනයක් නිකුත් කර ඇති අතර එම නිවේදනය එම කැඳවීමට අදාළ විස්තරාත්මක කරුණු දැක්වීමක් ලෙස හඳුන්වා ඇත.
සිරිලිය සවිය 1980 අංක 31 දරන ස්වෙච්ඡා සමාජ සංවිධාන පනත යටතේ ස්ථාපිත ස්වෙච්ඡා සමාජ සේවා සංවිධානයක් බවද, 2006 වසරේ දෙසැම්බර් මස 08 දින ලියාපදිංචි අංක ත්ඛ – 111201 යටතේ නීත්යානුකූලභාවය ලබා ඇති බවද එම නිවේදනයේ සඳහන් කරයි. සිරිලිය සවිය සංවිධානයේ ප්රමුඛ අභිලාශය වූයේ දරිද්රතාවය දුරු කිරීම අරමුණු කර ගනිමින් මහජන සහන සේවාවන් සහ සුභ සාධන ව්යාපෘති ක්රියාත්මක කිරීම බවද, එතෙක් පැවති ආයතන ව්යුහයන්ගෙන් ආවරණය නොවන පොදු සාමාජ සත්කාරක සේවාවන් සහ ප්රදානයන් සිදුකිරීම කෙරෙහි සිරිලිය සවිය සංවිධානය ප්රමුඛ අවධානය සිදුකර තිබූ බවද එහි සඳහන් කර ඇත.
එමෙන්ම සිරිලිය සවිය සංවිධානයෙන් ඉටුකරන ලද පොදු සමාජ සත්කාරක සේවාවන් පිළිබඳව එහි ප්රතිලාභීන් සහ අනෙකුත් බාහිර පාර්ශවකරුවන් විසින් පළකර ඇති කෘතවේදී ප්රතිචාර එම සංවිධානයේ කාර්යභාරයේ වටිනාකම තහවුරු කරන ප්රබලතම සාක්ෂිය බවද, අදටත් උපකාර අවැසි දිවයිනේ විවිධ ප්රදේශවල ජනතාව එම සංවිධානයේ සේවාවන් අපේක්ෂාවෙන් විවිධ ඉල්ලීම් ඉදිරිපත් කරමින් පවතින බවද එහි සඳහන් වේ.
සිරිලිය සවිය ගිණුම් අංකය 143100146235069 වූ අතර එය සැකයට බඳුන් වීමට හේතු වී තිබුනේ එම ගිණුම පවත්වාගෙන යෑම සඳහා ලබාදී තිබූ තොරතුරු හේතුවෙනි
2006 වසරේ සිට රටේ ප්රමුඛතම ස්වෙච්ඡා සමාජ සේවා සංවිධානයක් ලෙස කීර්තියක් දිනා සිටි එම සංවිධානය පිළිබඳව 2015 බලයට පත්වූ රජය හෙවත් යහපාලන ආණ්ඩුව විමර්ශන ආරම්භ කළ බවත්, ඒ අනුව ශිරන්ති රාජපක්ෂ හා අනෙකුත් ප්රධාන නිලධාරීන් අවස්ථා ගණනාවකදී අපරාධ පරීක්ෂණ දෙපාර්තමේන්තුව, පොලිස් මූල්ය අපරාධ කොට්ඨාශය හා අල්ලස් හෝ දූෂණ චෝදනා විමර්ශන කොමිසම වෙත ප්රකාශ ලබාදීමෙන් විමර්ශන සඳහා උපරිම සහයෝගය ලබාදී ඇති බවද සඳහන් කරයි.
2015 වසරේ ආරම්භ කරන ලද විමර්ශන හේතුවෙන් සිරිලිය සවිය සංවිධානයේ මෙහෙයුම් කටයුතු අකර්මණ්ය වූ බවද, සිය මෙහෙයුම් කටයුතු යළි ආරම්භ කිරීම සඳහා සිරිලිය සවිය සංවිධානය නෛතික ක්රියාමාර්ගයන් වෙත අවතීර්ණ වුවද, ඇතැමි විමර්ශකයින්ගේ අත්තනෝමතික ක්රියා හේතුවෙන් එකී උත්සාහයන් ව්යාර්ථ වූ බවද, අවසානයේ අසරණභාවයට පත්වූයේ සිරිලිය සවියෙන් උපකාර අපේක්ෂා කළ අහිංසක පොදු මහජනතාව බවද එහි සඳහන් කර තිබේ. එමෙන්ම දිගු නිහඬතාවයකින් අනතුරුව වසර 11කට පසු සිරිලිය සිවිය පිළිබඳ යළි විමර්ශනයක් සඳහා ශිරන්ති රාජපක්ෂ කැඳවීම දේශපාලන මර්ධනයක් බව තේරුම් ගැනීම අපහසු නැති බවද එහි සඳහන් කර තිබේ.
සිරිලිය සවිය ගිණුම් වාර්තා සම්බන්ධයෙන් යළිත් කරුණු විමසා ඇති බවද එය හාස්යයට කරුණක් වන්නේ 2015 වසරේදී සිදුකරන ලද විමර්ශනයේදී අදාළ ගිණුම් වාර්තා, පොත්පත් හා ලිපි ලේඛන පොලිස් මූල්ය අපරාධ කොට්ඨාශය විසින්ම භාරයට ගෙන තිබීම නිසා බව එහි සඳහන් කර තිබේ.
එම සිදුවීම් පෙළ දේශපාලන වෛරයකින් තොරව කියවා බැලීමේදී මනා ලෙස ඔප්පු වන්නේ ප්රතිවාදීන් මර්ධනය කිරීමේ සාහසික ප්රයත්නය තවදුරටත් අඛණ්ඩව ක්රියාත්මක වෙමින් පවතින බව යැයිද එහි වැඩිදුරටත් සඳහන් කර තිබේ.
ශිරන්ති රාජපක්ෂ මහත්මිය හිටපු ජනාධිපතිවරයකු වූ මහින්ද රාජපක්ෂගේ බිරිඳ වූවාට ඇය ශ්රී ලංකා පොදු ජන පෙරමුණ නම් දේශපාලන පක්ෂයේ සාමාජිකාවක් හෝ එහි එහි නිලතල දරන්නියක් බව මෙතෙක් වාර්තා වී නැත. එවන් තත්වයක් තුළ දේශපාලන පක්ෂයක් මේ ආකාරයේ නිවේදනයක් නිකුත් කිරීමම ප්රශ්නකාරිය. සැබැවින්ම එය රාජපක්ෂ පවුලේ පක්ෂයක් නිසා එසේ නිවේදනයක් නිකුත් කළා විය හැකිය. කෙසේ වෙතත් මෙම සිරිලිය සවිය සංවිධානයට අයත් ගිණුම හා ඊට අදාළ තොරතුරු පිළිබඳ අවධානය යොමු කිරීමේදී අපට ලැබෙන්නේ මෙවන් තොරතුරු සමුදායකි.
හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ විසින් ඇයගේ සමාජ සත්කාරක ව්යාපෘතිය වශයෙන් හඳුන්වමින් පවත්වාගෙන ගිය සිරිලිය සවිය සංවිධානය එහි ගිණුම පවත්වාගෙන ගොස් තිබුනේ මහජන බැංකුවේ සුදුවැල්ල ශාඛාවේය. සිරිලිය සවිය ගිණුම් අංකය 143100146235069 වූ අතර එය සැකයට බඳුන් වීමට හේතු වී තිබුනේ එම ගිණුම පවත්වාගෙන යෑම සඳහා ලබාදී තිබූ තොරතුරු හේතුවෙනි. ඒ සම්බන්ධයෙන් මුලින්ම හෙළිදරව්වක් සිදුකළේ 2015 පෙබරවාරි 08 වැනිදා දින සහිතව නිකුත් වූ රාවය පුවත්පතේ වන අතර ඒ ලියුම්කරු විසිනි. පොලිස් විමර්ශන ආරම්භ කෙරුණේ එම හෙළිදරව්වෙන් පසුය.
ශිරන්ති රාජපක්ෂගේ ජාතික හැඳුනුම්පත් අංකය වශයෙන් 222222222 ඩද, ඒඑම්ජේඒ කුමාරිගේ ජාතික හැඳුනුම්පත් අංකය වශයෙන් 111111111 v ද, කේකේ දිසානායගේ ජාතික හැඳුනුම්පත් අංකය වශයෙන් 587060958 v ද සඳහන් වේ.
එම ගිණුම ආරම්භ කිරීම සඳහා අසම්පූර්ණ හා ව්යාජ තොරතුරු ලබාදී තිබුන අතර එසේ අසම්පූර්ණ තොරතුරු ලබාදී තිබියදී එම ගිණුම ආරම්භ කිරීමට ඉඩදුන්නේ කෙසේද යන්න පිළිබඳව එම හෙළිදරව්වෙන් ප්රශ්න කරනු ලැබීය.
මහජන බැංකුවේ සුදුවැල්ල ශාඛාවේ ඇති සිරිලිය සවිය ගිණුමේ මුදල් ලබා ගැනීමේ බලය එස් රාජපක්ෂ හෙවත් ශිරන්ති රාජපක්ෂ, ඒඑම්ජේඒ කුමාරි හා කේකේ දිසානායක යන අයගේ නමට තිබුණි.
ගිණුමේ කොන්දේසි අනුව එස් රාජපක්ෂ සමඟ ඒඑම්ජේඒ කුමාරි හෝ කේකේ දිසානායක යන දෙදෙනාගෙන් එක් අයකු අත්සන් කිරීමෙන් එම ගිණුමෙන් මුදල් ලබාගැනීමේ හැකියාව තිබුණි.
එම ගිණුමට ලබාදී ඇති තොරතුරු අනුව එස් රාජපක්ෂ හෙවත් ශිරන්ති රාජපක්ෂගේ මෙන්ම අනෙක් දෙදෙනාගේ ද ලිපිනය වශයෙන් සඳහන් වන්නේ කාල්ටන් බංගලාව, තංගල්ල යන ලිපිනයයි. එමෙන්ම මෙම ගිණුම ආරම්භ කිරීමේ බලපැවරුමේ එස් රාජපක්ෂගේ ජාතික හැඳුනුම්පත් අංකය වශයෙන් 222222222 ඩද, ඒඑම්ජේඒ කුමාරිගේ ජාතික හැඳුනුම්පත් අංකය වශයෙන් 111111111 ඩද, කේකේ දිසානායගේ ජාතික හැඳුනුම්පත් අංකය වශයෙන් 587060958 ඩ ද සඳහන් වේ.
ශිරන්ති රාජපක්ෂගේ මෙන්ම ඒඑම්ජේඒ කුමාරිගේ ජාතික හැඳුනුම්පත් අංක කෙසේවත් පිළිගත නොහැකි ව්යාජ ඒවා බව පැහැදිලිය. එහෙත් එම ව්යාජ හැඳුනුම්පත් අංකවලට අදාළ ජාතික හැඳුනුම්පත් පිටපත් ආදී ලේඛන කිසිවක් එම ගිණුම සම්බන්ධයෙන් බැංකුව ෂතුව තිබුනේ නැත. කේකේ දිසානායක නමින් මහජන බැංකුවේ ඇති වෙනත් ගිණුමක හැඳුනුම්පත් අංකයද මෙම ගිණුම සඳහා ලබාදී තිබූ හැඳුනුම්පත් අංකයට වඩා වෙනස් බව බැංකුව හඳුනාගෙන තිබුණි. එම හෙළිදරව්ව සිදුකරන විට සිරිලිය සවිය ගිණුමේ රුපියල් මිලියන 43.8ක මුදලක් තිබුණි.
සිරිලිය සවිය සංවිධානය රාජ්ය නොවන සංවිධානයක් වශයෙන් රාජ්ය නොවන සංවිධාන ලියාපදිංචි කරන ජාතික ලේකම් කාර්යාලයේද ලියාපදිංචි කර තිබූ අතර එහි අංකය වූයේ 111201 යි. එහි ලියාපදිංචි ලිපිනය ලෙෂ සඳහන් කර තිබුනේ කාල්ටන් බංගලාව තංගල්ල යන්නයි. එමෙන්ම එම ලියාපදිංචියේදී සිරිලිය සවිය සංවිධානය එය සම්බන්ධකර ගත හැකි පුද්ගලයකුගේ නමක් ඉදිරිපත් කර නොතිබූ අතර දූරකතන අංකය වශයෙන් ඉදිරිපත් කර තිබුනේ 0114733200 යන දූරකතන අංකයයි. එම අංකය ජනාධිපති මන්දිරයට අයත් දූරකතන අංකයක් විය.
එමෙන්ම අන්තර්ජාලය පිරික්සූ විට ව්යාපාරික නාමාවලිවල පෙන්නුම් කළේද සිරිලිය සවිය, ජනාධිපති මන්දිරය, කොළඹ යන ලිපිනයයි.
සිරිලිය සවිය ගිණුම පිළිබඳව පොලිස් විමර්ශන ආරම්භ කිරීමට පෙර ඒ පිළිබඳව වූ මාධ්ය අනාවරණයෙන් පසු එම ගිණුමේ තිබුණ මුදල් ආපසු ලබා ගැනීම සඳහා ශිරන්ති රාජපක්ෂ උත්සාහයක් ගෙන තිබුණ අතර එම ගිණුමේ විස්තර පිළිබඳ කරුණු අනාවරණය නිසා ඇතිවූ උණුසුම් තත්වය හේතුවෙන් බැංකුව පාර්ශවයෙන් ඒ සඳහා අවස්ථාව ලබාදුන්නේ නැත.
සිරිලිය සවිය ගිණුම පිළිබඳ එම කරුණු අනාවරණය වීමෙන් පසු ප්රසිද්ධියට පත්කර තිබූ ගිණුම් අංකය ඔස්සේ ඒ සඳහා ප්රවේශ වීමේ හැකියාව ඇති මහජන බැංකු නිලධාරීන් ගිණුමට ප්රවේශ වී එහි ඇති තොරතුරු පිරික්ෂා තිබුණි. එසේ එම ගිණුමේ තොරතුරු පිරික්ෂා තිබූ එම නිලධාරීන්ගේ වැඩ තහනම් කරමින් ඔවුන්ට එරෙහිව විනය පරීක්ෂණ පැවැත්වීමට බැංකුවේ ඉහළ නිලධාරීන් කිහිප දෙනෙකු පියවර ගෙන තිබුණි. ඒ සම්බන්ධයෙන් එවක මහජන බැංකුවේ සභාපතිවරයා වශයෙන් කටයුතු කළ හේමසිරි ප්රනාන්දු පවා දැනුවත්ව නොසිටි අතර එම බැංකු නිලධාරීන්ට එරෙහිව කටයුතු කිරීම අවසානයේ වළකා ගැනීමට හැකි වූයේ එවක මහජන බැංකු සභාපති හේමසිරි ප්රනාන්දු හා ලංකා බැංකු සේවක සංගමයේ මැදිහත්වීම හේතුවෙන්ය. ඒ වන විටත් නව ආණ්ඩුවක් බලයට පත්වී තිබියදීත් රාජපක්ෂවරුන් වෙනුවෙන් කටයුතු කළ හැකි තත්වයක් බැංකුව තුළ ඉස්මතු වී තිබුණි.
එසේ යහපාලන ආණ්ඩු කාලයේ ආරම්භ කර අතරමඟ නවතා දැමූ එම සිරිලිය සවිය ගිණුම පිළිබඳ විමර්ශන දැන් යළිත් ආරම්භ වී තිබෙන බව ශිරන්ති රාජපක්ෂ මහත්මිය යළි පොලිස් මූල්ය අපරාධ කොට්ඨාශයට ප්රකාශයක් ලබාදීම වෙනුවෙන් කැඳවීමෙන් පෙන්නුම් කරයි. මෙතෙක් ඒ පිළිබඳ විමර්ශන යළි ආරම්භ නොවුයේ දේශපාලන බලපෑම නිසා බව පැහැදිලිය. දැන් එය අහෝසි වී ඇත්නම් සිරිලිය සවිය ගිණුම සම්බන්ධයෙන් අධිකරණයට කරුණු වාර්තා කිරීමක් මෙන්ම තවත් කරුණුද ඉදිරියේදී අපට දැක බලාගත හැකි වනු ඇත. ඒ එම ගිණුමේ තොරතුරුවලට ඔබ්බෙන් ජනාධිපති මන්දිරය හා එහි ඇති දූරකතන අංක වැනි රාජ්ය දේපල ද අවභාවිත කිරීමේ තත්වය තුළය.
පැය 4ක ප්රකාශයක් ලබා දීමෙන් පසු ශිරන්ති රාජපක්ෂ FCIDයෙන් පිටව යයි
