පාස්කු ඉරිදා ත්රස්ත ප්රහාරයට සම්බන්ධ පුලස්තිනි මහේන්ද්රන් හෙවත් ‘සාරා ජස්මින් මියගොස් නොමැති බවට තොරතුරු එළිවී ඇති බවට කරුණු මේ වන විට පාස්කු විමර්ශන සම්බන්ධයෙන් පවත්වනු ලබන විමර්ශන අංශ මගින් අනාවරණය කරගෙන ඇති බව මහජන ආරක්ෂක නියෝජ්ය අමාත්ය ආනන්ද විජේපාල මහතා පවසා ඇත.
සාරා ජස්මින් මෙරටින් ඉන්දියාවට පලාගොස් එහි රැදී සිටින බවට සැකයක් ඇති බවත් ඇයව සෙවීමට රතු වරෙන්තුවක් නොගන්නේ ඇයි ද යන්න පිළිබඳවත්, ඇය සම්බන්ධයෙන් පවතින විමර්ශනවල ප්රගතිය පිළිබඳවත් පාර්ලිමේන්තු මන්ත්රී මුජිබර් රහුමාන් මහතා යොමු කළ ප්රශ්නයකට පිළිතුරු දෙමින් අමාත්යවරයා ඒ මහතා මේ බව පැවසූවේ 2026 ජනවාරි 07 වන දින පාර්ලිමේන්තුවේ අදහස් දක්වමින් මේ බව පවසා තිබිණි.
මීට පෙර පැවති රජයක් සමය සාරා ජෙස්මින් මියගොස් ඇති බව තහවුරු කිරීමට උත්සාහ කළද, ඇය මියගොස් නැති බවත් ඇයව අත්අඩංගුවට ගැනීම සඳහා අවශ්ය වන්නේ නම් විවෘත වරෙන්තුවක් ලබා ගැනීමට කටයුතු කරන බවය.
ඇය ඉන්දියාවේ රැඳී සිටින බවට මෙතෙක් නිල තොරතුරු වාර්තා වී නොමැති වුවද, ඒ පිළිබඳව විමර්ශන ක්රියාත්මක බවත් පාස්කු ප්රහාරය පිටුපස කිසියම් දේශපාලන හෝ වෙනත් කුමන්ත්රණයක් තිබුණේද යන්න පිළිබඳව මෙම රජය යටතේ විශේෂ අවධානයක් යොමු කර ඇති බවත් ඒ මහතා පැවසීය. තවද විමර්ශනවලට බාධාවක් විය හැකි බැවින් ඇතැම් සංවේදී තොරතුරු මේ මොහොතේ පාර්ලිමේන්තුවට හෙළි කළ නොහැකි බවත් ඒ මහතා පැවසීය.
සාරා ජෙස්මීන් ඉන්දියාවේ සිටින බවට අමාත්ය නලින්ද ජයතිස්ස මහතා පවා විපක්ෂයේ සිටියදී ප්රකාශ කළ බවත් විදේශගතව සිටි පාතාල සාමාජිකයන් ගෙන්වීමට කටයුතු කරන ආකාරයෙන්ම සාරා ජෙස්මීන්වද මෙරටට ගෙන්වීමට කටයුතු කළ හැකි බවත් ඇයව මෙරටට ගෙන්වීමටද විවෘත වරෙන්තුවක් නොගන්නේ ඇයිද යන්න එම අවස්ථාවේදී පාර්ලිමේන්තු මන්ත්රි මුජිබුර් රහුමාන් මහතා වීමසීමක් කළ අතර ආරක්ෂක නියෝජ්ය අමාත්ය අරුණ ජයසේකර මහතා වෙනුවෙන් පිළිතුරු ලබාදුන් ආනන්ද විජේපාල පවසා සිටියේ ඉදිරියේදී අධිකරණ ක්රියාමාර්ග සහ වරෙන්තු ලබාගැනීමට රජය කටයුතු කරන බවය.
