රාජ්ය දේපළ සාවද්ය පරිහරණය, අසත්ය තොරතුරු ඉදිරිපත් කර නිලධාරීන් නොමඟ යවා එතනෝල් බලපත්රයක් ලබා ගැනීම, රජයට බඳු මුදල් නොගෙවීම සහ මුදල් විශුද්ධිකරණය චෝදනා සම්බන්ධයෙන් සිදුකෙරෙන විමර්ශනවලට අදාළව හිටපු අමාත්ය ජොන්ස්ටන් ප්රනාන්දු මහතා සහ ඔහුගේ පුත් ජෙරොම් කෙනෙත් ප්රනාන්දු ජනවාරි 05 වන දින මූල්ය අපරාධ විමර්ශන කොට්ඨාශය හමුවේ පෙනී සිටීමෙන් පසු අත්අඩංගුවට ගෙන ඇත.
ප්රනාන්දු මහතා සමුපකාර හා අභ්යන්තර වෙළඳ අමාත්යවරයා ලෙස කටයුතු කළ සමයේ ලංකා සතොස ආයතනයේ ප්රවාහන කළමනාකරු ලෙස සේවය කළ ඉන්දික රත්නමලල මහතා මෙම සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර තිබුණේ සතොසට අයත් ලොරි රථයක් අවභාවිත කිරීමේ අදාල චෝදනාවලට ආධාර අනුබල දීමේ චෝදනා යටතේය.
කොළඹ අමරසේකර මාවතේ පිහිටි සමාගමක් පිළිබඳව 2015 වර්ෂයේ නොවැම්බර් මූල්ය අපරාධ කොට්ඨාෂයට ලැබුණු නිර්ණාමික පැමිණිල්ලක් මත අදාල විමර්ශන ආරම්භ කර තිබුණු අතර ජොන්සටන් ප්රනාන්දු මහතාගේ පුත් ජොහාන් ප්රනාන්දුගේ ප්රයෝජනය සඳහා හිටපු අමාත්යවරයාට අයත් එතනෝල් සමාගමක් විසින් සතොස ලොරියක් භාවිතා කිරීමට ඉඩ සැලසීම සඳහා ව්යාජ ලියකියවිලි සකස් කිරීමේ චෝදනාව මත ඔහු රක්ෂිත බන්ධනාගාරගත කරන ලදී.
