මෙම වර්ෂයේදී ලබාදුන් වත්කම් සහ බැරකම් ප්රකාශ මේ වනවිට සංස්කරණය කර ජනතා ප්රවේශය සඳහා වෙබ් අඩවියේ පළකරමින් සිටින බවත්, තවමත් එම ක්රියාදාමය අවසන් වී නැති බවත්, අල්ලස් හෝ දූෂණ චෝදනා විමර්ශන කොමිසම මාධ්ය නිවේදනයක් නිකුත් කරමින් සඳහන් කරයි.
එම ක්රියාවලිය අවසන් වීමෙන් පසුව භාරනොදුන් අයගේ ලැයිස්තුව ඉදිරියේදී පළකරන බවත් එහි සඳහන් කරයි.
2023 අංක 9 දරන දූෂණ විරෝධි පනත අනුව ඉදිරිපත් කරනු ලබන වත්කම් සහ බැරකම් ප්රකාශ සඳහා ජනතා ප්රවේශය ලබා දිය යුතු බව එම පනතේ 88 වන වගන්තියේ පැහැදිලිවම දක්වා ඇති බවත්, එම ජනතා ප්රවේශය ලබාදිය යුතු ආකාරයද එම වගන්තියේම දක්වා ඇති බවත් එම නිවේදනයේ සඳහන් කරයි.
මධ්යගත ඉලෙක්ට්රොනික පද්ධතියක් සකස් කර නොමැති බැවින් අතින් ලබාගත් සියලු දෙනාගේ වත්කම් සහ බැරකම් ප්රකාශ එම වගන්තිය ප්රකාරව ජනතා ප්රවේශය ලබාදීම ප්රායෝගිකව කළ නොහැකි බැවින් කොමිෂන් සභාව තීරණය කරනු ලැබූ ශ්රී ලංකා ජනරජයේ පූර්වතා ලැයිස්තුවේ 1 සිට 14 දක්වා තනතුරුවලට අදාළ පුද්ගලයන්ගේ වත්කම් සහ බැරකම් ප්රකාශ සඳහා ජනතා ප්රවේශය ලබාදී ඇති බවත් එහි වැඩිදුරටත් සඳහන් කරයි.
- ඉඳුවර බණ්ඩාර
