19 වැනි ආණ්ඩුක‍්‍රම ව්‍යවස්ථා සංශෝධනයට එරෙහිව අවි අමෝරාගෙන සිටින ජනාධිපතිවරයා කිව්වේ” ඉදිරි ජනාධිපතිවරණයට පෙර හෝ ඉන් පසු වහාම 19 වැනි සංශෝධනය ඉවත් කළහොත් මිස රටට ඉදිරි ගමනක් නැති බවයි’
මේ කතාවත් එක්කම” ‘19 වැනි සංශෝධනය අහෝසි කිරීමක්’ ගැන බොහෝ දෙනා කතාකරන්නට පටන්ගත්හ’ සමහර පත්තර සිය ප‍්‍රවෘත්ති සිරස්තල හැටියට යොදාගත්තේද ‘19 අහෝසි කිරීමට යයි‘ වැනි වචනය’ ඒ වචන හා කරුණු භාවිතය සලකන විට” 19 වැනි සංශෝධනය නිකම්ම නිකම් අහෝසි කළ හැකියැයි වැරදි අදහසක් සමාජගත වන්නට ඉඩක් තිබේ’


අනෙක් වැරදි අදහස නම්” 19 අහෝසි කළ විට 18ට යනු ඇත යන්නයි’ ඇත්ත වශයෙන්ම දැන් ව්‍යවස්ථාවේ 18ක් නැත’ ඒ එය අහෝසි කළ නිසා නොවේ’ 18න් ඇතුළත් කළ වගන්ති ඉවත් කර හෝ ඒ වෙනුවට වෙනත් වගන්ති ව්‍යවස්ථාවට ඇතුළත් කර සම්මත කරගෙන ඇති නිසාය’ එය කළේ 19නි’
එනයින්” ‘19වැනි සංශෝධනය අහෝසි වේ’ යනුවෙන් තීරණය කළ පමණින්” කී පමණින් එයද අහෝසි නොවේ’ එය අහෝසි කර ගෙනඑන්නේ කුමක්ද යන්න නිශ්චිතව නොදක්වා ආණ්ඩුක‍්‍රම ව්‍යවස්ථාවේ වගන්ති අහෝසි කළ නොහැකිය’ උදාහරණයක් හැටියට” පාර්ලිමේන්තුව විසුරුවා හැරිය හැක්කේ අවුරුදු හතරහමාරකට පසුවයැයි 19හි සඳහන් විධිවිධානය (ව්‍යවස්ථාව*” නිකම්ම අහෝසි කළ නොහැකිය’ ඒ ව්‍යවස්ථාව නිකම්ම අහෝසි කළහොත් බලවත් ව්‍යවස්ථාමය අර්බුදයක් නිර්මාණය වේ’ එනම්” ජනාධිපතිවරයාට පාර්ලිමේන්තුව ඕනෑම වේලාවක විසුරුවා හැරිය හැකිද? නැතිනම් කිසිම අවස්ථාවක විසුරුවා හැරිය නොහැකිද? යන්නයි’ ඒ නිසා එම ව්‍යවස්ථාව අහෝසි කරන්නේ නම්” ඊට විකල්ප ව්‍යවස්ථාවක් ඇතුළත් කළ යුතුය’ මේ අනුව’ 19හි විධිවිධාන ඉවත් කළ හැක්කේ 20කිනි’ 19 අවසන් කළ විට” 18ට නිරායාසයෙන් යන්නේද නැත’ 18ක් අපේ ව්‍යවස්ථාවේ නැති නිසාය’ 17ට යන්නේද නැත’ 17ක්ද ව්‍යවස්ථාවේ නැත’


ඒ නිසා 19 අහෝසිකළ හැක්කේ 20ක් ගෙනඒමෙන් පමණකි’ ඒ 20” මේ දවස්වල සංවාදෙයේ තිබෙන 20 නොවන්නටද ඉඩ තිබේ’ හැබැයි 20ක් සම්මත කරගන්නටත් පාර්ලිමේන්තුවේ තුනෙන් දෙකක අනුමැතියක් හා සමහර විට ජනමත විචාරණයකදී ජනතා අනුමැතියක් අවශ්‍ය වෙයි’


19 සිට යායුත්තේ කුමන දිසාවකටද? ජනාධිපතිවරයා 19 අහෝසි කළ යුතුය යන්නෙන් අදහස් කරන්නේ” සිය බලතල අඩුකිරීම අවලංගු කොට නැවතත් බලය තහවුරු කර දිය යුතු බවයි’ එහෙත්” 19 ගෙනෙන්නට මුල්වුණු බහුතරයගේ අදහස” 19න් ඇතිවුණු අවුල ලෙහාගත හැකි ක‍්‍රම දෙකක් තිබෙන බවය’ එකක්” ජනාධිපති ධුරයේ බලතල යළිත් වැඩිකරන තත්ත්වයට යෑමයි’ නැතහොත්” සම්පූර්ණයෙන් පාර්ලිමේන්තු බලය තහවුරු වන තත්ත්වයට යෑමයි’ ප‍්‍රජාතන්ත‍්‍රවාදී ප‍්‍රතිසංස්කරණවාදීන්ට තෝරාගන්නට ඇත්තේ පළමුවැන්න නොව දෙවැන්නයි’ ඒ අනුව” 20කින් කළ යුතුව ඇත්තේ තවදුරටත් විධායක ජනාධිපතිධුරය අහෝසිකරන ගමනේ ඉදිරියට යෑමයි’ ජනතා විමුක්ති පෙරමුණ දැනට ඉදිරිපත්කර ඇති 20 වැනි සංශෝධනයේද අරමුණ එයයි’


20 වැනි සංශෝධනයකින් පවා ලංකාවේ ව්‍යවස්ථා අර්බුදයට සම්පූර්ණ පිළිතුරක් නොලැබේ’ ඒ නිසා” අර්ථවත්ම පියවර නම්” පාර්ලිමේන්තු ක‍්‍රමයකට යන අලූත්ම ව්‍යවස්ථාවක් ඇතිකර ගැනීමයි’x

x තිවංක සපරමාදු