තරිඳු උඩුවරගෙදර

ඒ කාබද්ධ විපක්ෂයේ සිටින වාසුදේව නානායක්කාර, තිස්ස විතාරණ, දිනේෂ් ගුණවර්ධන ඇතුළු පැරණි වමේ පක්ෂ නායකයන් සහ මැද මාවතේ අදහස් දරන කණ්ඩායම් ගෝඨාභය රාජපක්ෂ වැනි දැඩි අදහස් දරන පුද්ගලයෙකු ඒකාබද්ධ විපක්ෂයේ පොදු අපේක්ෂකයා ලෙස ඉදිරිපත් කිරීම සම්බන්ධයෙන් අකැමැත්තෙන් සිටින බව ඒකාබද්ධ විපක්ෂයේ ජ්‍යෙෂ්ඨ පක්ෂ නායකයෙක් අනිද්දා සමඟ පැවසීය.
දැඩි මිලිටරිවාදී අදහස් හේතුවෙන් ගෝඨාභය පිළිබඳව එම නායකයන් අතර අකැමැත්තක් ඇතැයි ඔහු පෙන්වාදුන්නේය.
ඒකාබද්ධ විපක්ෂයේ සිටින ඇතැම් පක්ෂ පමණක් නොව ශ‍්‍රීලනිපයේ ඉහළ පෙළේ සාමාජිකයන් අතර පවා ගෝඨාභය රාජපක්ෂ පිළිබඳ අකැමැත්තක් තිබෙන බවද ඔහු කීය. ජාතිකවාදී කණ්ඩායම් අතරින් ගෝඨාභය රාජපක්ෂගේ නම යෝජනා වුවත් ඇතැම් ජාතිකවාදී කණ්ඩායම් පවා ගෝඨාභය රාජපක්ෂගේ මිලිටරිවාදයට අකැමැත්තක් දක්වන බව වැඩිදුරටත් පැවසීය.
මෙම කාරණය තවමත් පක්ෂ අභ්‍යන්තරයේ සාකච්ඡුාවට ලක්වී නැති නිසා එම අදහස දරන පුද්ගලයන් පිළිබඳව නිවැරදිවම කිව නොහැකි වුවද සැලකිය යුතු පිරිසක් ගෝඨාභය රාජපක්ෂට කැමැත්තක් නොදක්වන බවද එම ප‍්‍රකාශකයා පැවසීය.
රාජපක්ෂ පාලන පාලන සමයේදී ජනාධිපතිවරයා ලෙස වුව ගෝඨාභය රාජපක්ෂ පාලනය කරගැනීමට මහින්ද රාජපක්ෂ මහතාට නොහැකි වූ බව ජනාධිපතිවරයාට සමීපව කලක් දේශපාලනය කළ තම කණ්ඩායමට අත්දැකීම් ඇති බවත් මහින්ද රාජපක්ෂ මහතාද එය හොඳින් දන්නා බවත් එම ප‍්‍රකාශකයා පැවසීය. තමන්ට පාලනයක් නැති පුද්ගලයෙකුට ජනාධිපති ධුර අපේක්ෂකත්වය ලබාදීමට මහින්ද රාජපක්ෂ මහතා එකඟ වේදැයි සැක සහිත බවද ඔහු වැඩිදුරටත් පැවසීය.
තවමත් ජනාධිපති අපේක්ෂකයා පිළිබඳව ඒකාබද්ධ විපක්ෂය සාකච්ඡුා කර නොමැති නිසා සමාජය තුළ ගෝඨාභය රාජපක්ෂ පිළිබඳව සංවාදයක් ඇතිව තිබුණත් ඒ පිළිබඳව පක්ෂ අභ්‍යන්තර සාකච්ඡුා ආරම්භ වූ පසුව ගෝඨාභය රාජපක්ෂ වෙනුවට වෙනත් නමක් යෝජනා වීමේ ඉඩක් ඇතැයි ඔහු කීය.