රජයේ සේවකයන් සිය රාජකාරී ඉටුකිරීමේදී ඉහළ නිලධාරීන් ලබාදෙන වැරදි අණ ක‍්‍රියාත්මක කළ යුතු නැති බවට මීට පෙර අධිකරණය විසින්ම තහවුරු කර ඇති කරුණ ශේෂ්ඨාධිකරණය යළිත් වරක් තහවුරු කර තිබේ.
ඒ පසුගිය අගෝස්තු 27 වැනිදාය. අගවිනිසුරු ජයන්ත ජයසූරිය, විනිසුරු ප‍්‍රීති පද්මන් සූරසේන හා විනිසුරු ගාමිණී අබේසේකර යන ශේෂ්ඨාධිකරණ විනිසුරු මඩුල්ල එම තහවුරු කරීම සිදුකර තිබෙන්නේ පොලිස් පරීක්ෂණවරුන් දෙදෙනෙකු ඉදිරිපත්කළ මූලික අයිතිවාසිකම් පෙත්සමක් පිළිබඳ තීන්දුව ප‍්‍රකාශයට පත් කරමින්ය.


2010 වර්ෂයේදී එම මූලික අයිතිවාසිකම් පෙත්සම ගොනු කර ඇති අතර ඒ සඳහා යුක්තිය ඉටුවන විට වසර නවයක් ගෙවී ගොස් ඇත. පෙත්සම්කරුවන් වන එම්.එස්.කේ. වික‍්‍රමනායක 2010 වසරේදී කුරුණෑගල පොලීසියේ මූලස්ථාන පොලිස් පරීක්ෂක වශයෙන් කටයුතු කර ඇති අතර ඞී.සී.පී. කුමාරසිංහ එම පොලීසියේම පරිපාලනය බාර පොලිස් පරීක්ෂකවරයා වශයෙන් කටයුතු කර ඇත.


මේ පෙත්සම්කරුවන් දෙදෙනාගේ මූලික අයිතිවාසිකම් කඩවී ඇතැයි තීරණය කර ඇති ශේෂ්ඨාධිකරණ විනිසුරු මඬුල්ල එක් පෙත්සම්කරුවෙකුට රුපියල් දශලක්ෂය බැගින් වන්දි ගෙවන ලෙස නියෝග කර ඇත. ඒ එම පෙත්සමේ පළමු, දෙවන හා තෙවන වගඋත්තරකරුවන් සාමූහිකවය.
පෙත්සමේ පළමු වගඋත්තරකරු එවක පොලිස්පති මහින්ද බාලසූරියය. දෙවන වගඋත්තරකරු එවක පොලීසිය භාර අමාත්‍යාංශයේ ලේකම්වරයා හෙවත් ආරක්ෂක අමාත්‍යාංශයේ ලේකම්වරයාය. තෙවන වගඋත්තරකරු එවක කුරුණෑගල ජ්‍යෙෂ්ඨ පොලිස් අධිකාරීවරයා වශයෙන් කටයුතු කළ වාස් ගුණවර්ධනය.


අංක 81 / 2010 නමැති මේ මූලික අයිතිවාසිකම් පෙත්සමත් ඒ සඳහා ලබාදුන් ශේෂ්ඨාධිකරණ තීන්දුවත් වැදගත් වන්නේ මේ පෙත්සමට පසුබිම් වන සිද්ධිය නිසාය.


නීතියට ගරු කරන බවට නීතියේ ආධිපත්‍යය පිහිටුවන බවට හා එක නීතියක් පවත්වාගෙන යන බවට අද පොරොන්දු ලබාදෙන එදා පාලකයන් වූ රාජපක්ෂවරුන්ගේ නීතියට පයින් ගැසීමේ, නීතියේ ආධිපත්‍යයට ඔච්චම් කිරීමේ හා රාජපක්ෂලාට වෙනම නීතියක් පවත්වාගෙන යෑමේ පාලනයක අශෝබන චිත‍්‍රයක් මේ මගින් යළි මතක් කර දෙන නිසාය.
මෙම සිදුවීමට අදාල දිනය වන්නේ 2010 ජනවාරි 23 වැනිදාය. එම දිනය ජනාධිපතිවරණ මැතිවරණයට දින තුනකට පෙර දිනයය. එම වර්ෂයේ ජනාධිපතිවරණය පැවැත්වූයේ ජනවාරි 26 වැනිදාය.


එදින එනම් ජනවාරි 23 වැනිදා සවස 4 ට පමණ කුරුණෑගල දිශාව බාර නියෝජ්‍ය පොලිස්පති ( මැතිවරණ * අනුර සේනානායක කුරුණෑගල පොලීසියට දැනුම්දී ඇත්තේ ඡුන්ද පත‍්‍රිකා රැුගෙන නාවික හමුදාවට සම්බන්ධ වාහනයක් පැමිණෙන බවත් එය අත්අඩංගුවට ගන්නා ලෙසත්ය. ( එම අවධියේ කුරුණෑගල දිසාව බාර නියෝජ්‍ය පොලිස්පතිවරයා ලෙස කටයුතු කර ඇත්තේ මහේෂ් සමරදිවාකරය. ඔහු සිටියදී මැතිවරණ කටයුතු සඳහා හැයි අනුර සේනානායකව පත්කර තිබේ. *


ඒ අනුව පොලිස් පරීක්ෂකකුමාරසිංහ පොලිස් කණ්ඩායමක් සමඟ ඒ සඳහා පිටත්ව ගොස් ඇත. ඔවුන් වැහැර ප‍්‍රදේශයේ මාර්ග බාධකයක් යොදා එම නාවික හමුදා ලොරිය අත්අඩංගුවට ගැනීමට සූදානමින් සිට ඇත. මෙම මාර්ග බාධකය දැක නාවික හමුදා ලොරිය අතුරු පාරකට හරවා ඇත. පසුව පොලිස් කණ්ඩායම අතුරු පාරට ගොස් එම ලොරිය පරීක්ෂා කර තිබේ. එහි පෙනෙන්නට තිබී ඇත්තේ විශාල මත්පැන් බෝතල් ප‍්‍රමාණයක් හා පත‍්‍රිකා මිටි තොගයක්ය. මේ මත්පැන් ප‍්‍රවාහනය සඳහා බලපත‍්‍රයක් තිබී නැත. එම නිසා නාහ 6284 අංක දරණ ලොරියත් එහි සිටි නාවික හමුදා සාමාජිකයන් තිදෙනාවත් අත්අඩංගුවට ගෙන ඇත. එසේ අත්අඩංගුවට ගත් නාවික හමුදා සාමාජිකයන් වන්නේ එවක නායක ගබඩා සහකාර එස්.එල්. සේරසිංහ ( නාවික හමුදා අංක එස්.එස්. 29053 *, ප‍්‍රවාහන සහායක යූ.ජී. පේ‍්‍රමරත්න ( නාවික හමුදා අංක ඊ.ඞී. 21930 * හා සාමාන්‍ය නැවි එම්.ඩබ්.අයි.එස්. බණ්ඩාර ( නාවික හමුදා අංක ඊ.ඊ. 80162 * යන අයය.


අත්අඩංගුවට ගත් ලොරිය හා පිරිස කුරුණෑගල පොලීසියට ගෙන එන අතරවාරයේදී කුරුණෑගල නාවින්න වටරවුම අසලදී එවක ජනාධිපති සම්බන්ධීකරණ නිළධාරියෙකු වශයෙන් කුරුණෑගල ප‍්‍රදේශයේ චණ්ඩිපාට් දමමින් සිටි ‘ප‍්‍රභාත්’ නමැත්තෙකු පැමිණ ලොරිය සමඟ පිරිස බේරාගැනීමට උත්සාහයක් දරා ඇත. එම අතරවාරයේදී එවක කුරුණෑගල ජ්‍යෙෂ්ඨ පොලිස් අධිකාරී වාස් ගුණවර්ධනද පොලිස් පරීක්ෂක කුමාරසිංහට කතාකර ලොරිය හා පිරිස පොලීසියට ගෙනනොයන ලෙස දැනුම්දී ඇත. එහෙත් ඊට අවනත නොවෙමින් පොලිස් පරීක්ෂක කුමාරසිංහ ලොරිය හා පිරිස පොලීසියට රැුගෙන ගොස් ලොරියේ ඇති භාණ්ඩ බිමට බාමින් පරීක්ෂා කිරීම් සිදුකර ඇත.
එම කටයුතු පරීක්ෂා කිරීම සඳහා එවක කුරුණෑගල ප‍්‍රදේශයේ නීතිඥයෙකු ලෙස කටයුතු කළ ෆිලීසියස් පෙරේරා නැමැත්තාද, විපක්ෂ පාර්ලිමේන්තු මන්ත‍්‍රීවරයෙකුව සිටි ගාමිණී ජයවික‍්‍රම පෙරේරාද පොලීසියට පැමිණ ඇත. ඊට ටික වෙලාවකට පසු එවක ඇමති ජයරත්න හේරත් ඇතුළු පිරිසක් පොලීසියට පැමිණ මේ රාජකාරී කටයුත්තට බාධා කරමින් හැසිරී ඇත. ආණ්ඩුවේ ඇමතිගේ පිරිස් හා විපක්ෂයේ මංත‍්‍රීගේ පිරිස අතර බහින්බස්වීම් සිදුවී තිබේ.


එම සිදුවීම් වන අවස්ථාව වනවිටත් ලොරියේ ඇති පත‍්‍රිකා මිටි බිමට බා මත්පැන් බෝතල්ද බිමට බාමින්සිට ඇත. එම ලොරියේ ඡුන්ද පත‍්‍රිකා ලෑල්ලට යටින් ඇති බවට වූ තොරතුර අනුව ලෑල්ල ගලවා බැලීමට පරීක්ෂණ කණ්ඩායම් කටයුතු කරමින් සිට ඇත. එහෙත් එය සිදුකිරීමට ඔවුන්ට අවස්ථාව ලැබී නැත. ජ්‍යේෂ්ඨ පොලිස් අධිකාරී වාස් ගුණවර්ධන එම ස්ථානයට පැමිණ ලොරියෙන් බා තිබූ මත්පැන් ඇතිළු පත‍්‍රිකා නැවත ලොරියට පටවන ලෙස නියෝග කර තිබේ. පොලිස් පරීක්ෂඛ කුමාරසිංහ එම නියෝගය නීතිවිරෝධී බැවින් සිදුකළ නොහැකි බව . ජ්‍යේෂ්ඨ පොලිස් අධිකාරී වාස් ගුණවර්ධනට පවසා ඇත. එම අවස්ථාවේදී ඊට පෙර කුරුණෑගල නාවින්න හන්දියේදී ලොරිය හා පිරිස මුදාගැනීමට උත්සාහ කළ ජනාධිපති සම්බන්ධීකරණ ලේකම්වරයෙකු ලෙස හඳුන්වාගත් ‘ප‍්‍රභාත්’ නමැත්තා ‘මූ තමයි ඔක්කොම කරන්නේ විසිහයෙන් පසු බලාගමු’ යනුවෙන් පොලිස් පරීක්ෂක කුමාරසිංහට තර්ජනය කර තිබේ. කුමාරසිංහ එයට පිළිතුරු දෙමින් කියා ඇත්තේ ඔහු බය නැති බවයි. එම තර්ජන කිරීම් අතරවාරයේ එම ස්ථානයට මූලස්ථාන පොලිස් පරීක්ෂක වික‍්‍රමනායක පැමිණ ඇත.

වික‍්‍රමනායක මූලස්ථාන පොලීස් පරීක්ෂකවරයා එහිදී පවසා ඇත්තේ පොලීසියට පැමිණ මේ ආකාරයට පොලීසියට තර්ජනය කරමින් හැසිරෙනවානම් නිල ඇඳුම් ඇඳගෙන සිටීමෙන් පලක් නැති බවයි.
කෙසේ හෝ නැවත ලොරියට බඩු පටවා ජ්‍යේෂ්ඨ පොලිස් අධිකාරී වාස් ගුණවර්ධන සැකකරුවන් සමඟ ලොරියද මුදාහැර තිබේ. එහෙත් එම ලොරියේ ඇති බඩු බාන අවස්ථාවේ ඒ සෑම එකකම සාම්පල් පොලීසිය ලබාගෙන තිබේ. එහි තිබූ බුක්ලට්වල මාතෘකාව ලෙස තිබී ඇත්තේ ‘හඳුනාගත්තොත් ඔබ මා’ යනුවෙන්ය. අත්පත‍්‍රිකාවේ තිබී ඇත්තේ ‘කවුද මේ’ යනුවෙන් වූ ලියවිල්ලක්ය. මේ ලියවිලි දෙකෙන්ම මඩ ගසා ඇත්තේ එම ජනාධිපතිවරණයේ මහින්ද රාජපක්ෂගේ ප‍්‍රධාන තරගකරුවා වූ සරත් ෆොන්සේක මහතාටය.


පොලිස් පරීක්ෂක කුමාරසිංහ එම අත්අඩංගුවට ගැනීම පිළිබඳව ලබාගත් සාම්පලද ඇතුලත්ව පොලිස් සටහන් පොතේ සටහනක් යොදා ඇත. ඊට එරෙහිව උසස් පොලිස් නිළධාරීන්ට සටහන් තැබීමට ඇති පොලිස් සටහන් පොතේ ජ්‍යෙෂ්ඨ පොලිස් අධිකාරී වාස් ගුණවර්ධන සටහනක් තබා ඇත. ඒ එම මුදාහැරීම ඔහු සිදුකළ බව සඳහන් කරමින්ය.


එම මූලික අයිතිවාසිකම් පෙත්සමේ පෑ 9 වශයෙන් සඳහන් ජ්‍යෙෂ්ඨ පොලිස් අධිකාරී වාස් ගුණවර්ධනගේ එම ප‍්‍රකාශය සඳහන් වී ඇත්තේ මේ ආකාරයෙන්ය. ‘මෙම අවස්ථාවේදී නි.පො. අනුර සේනානායක මයා මාගේ දුරකථනයට කථාකර පොලිස්පතිතුමා විසින් නීතිපතිගෙන් මෙය ප‍්‍රවාහනය කිරීම වරදක්ද යන්න විමසා බැලූ බවත් එවැනි පෝස්ටර් ප‍්‍රවාහනය කිරිම වරදක් නොවන බැවින් එම ලොරි රථය හා පෝස්ටර් මුදාහරින ලෙසට මාහට උපදෙස් දෙන ලදී.’


එම සිද්ධියෙන් පසුවදා නියෝජ්‍ය පොලිස්පති අනුර සේනානායක මූලස්ථාන පොලිස් පරීක්ෂක වික‍්‍රමනායක හා පොලිස් පරීක්ෂක කුමාරසිංහ විනය විරෝධීව හැසිරුණ බවට සටහනක් යොදා ඇත. එම සටහනට සමහරවිට හේතුවන්නට ඇත්තේ අධිකරණයට ඉදිරිපත්වී කර තිබූ 9 සටහනේ ඇති වාස් ගුණවර්ධනගේ මෙම සටහන විය හැකිය. එම අවස්ථාවේ එම ස්ථානයේ සිටි මූ.පො.ප. වික‍්‍රමනායක විසින් ‘මෙම නිල ඇඳුම තවදුරටත් ඇඳලා වැඩක් නැත. මේක ගලවලා ගෙදර යනවා කියා මා ඉදිරිපිටදී ඉතාමත් ආවේගශීලීව කථාකර නිල ඇදුමේ උඩ කොටස ගලවා මා හට පෙන්වා එම ස්ථානයෙන් පිටව යන ලදී.’ මේ සටහන් අනුව ඉහළ පොලිස් නිළධාරීන් වැඩ පටන්ගෙන තිබුණේ ජනවාරි 26 ජනාධිපතිවරණය මහින්ද රාජපක්ෂගේ ජයග‍්‍රහණයෙන් අවසන්වීමෙන් පසුය. මූලස්ථාන පොලිස් පරීක්ෂක වික‍්‍රමනායකව කළුතර පොලිස් අභ්‍යාස විද්‍යාලයට කාර්යභාරයක් නොමැතිව මාරුකර තිබුණි.

පොලිස් පරීක්ෂක කුමාරසිංහව කන්තලේ හා ත‍්‍රිකුණාමලය යන පොලිස් ස්ථාන දෙකටම එකවර මාරුකර තිබුණි. මේ දෙදෙනාව ඉන්පසු මාර්තු 9 හා 11 දිනවලදී වැඩ තහනමට ලක් කර ඇත. ඒ ඉහත ලොරිය අත්අඩංගුවට ගැනීමේ සිද්ධිය පදනම් කරගනිමින්ය. මේ වැඩ තහනම් චෝදනාව මූල යංචා හෝ රාජ්‍ය විරෝධී කටයුත්තක් නොවන නිසා වැඩ තහනමේදී ඔවුන්ට වැටුපෙන් භාගයකට හිමිකමක් ඇත. එහෙත් එම වැටුප් භාගයද ඔවුන් දෙදෙනාට හිමිවී නැත.
සේවයේ පිහිටුවන ලෙස ඔවුන් කරනු ලබන ඉල්ලීම් නොසලකා හැර ඇත. විනය විරෝධී කටයුත්තක් මේ දෙදෙනා සිදුකර නැති බවට පොලිස් විමර්ශන ඒකකය ලබාදුන් වාර්තාවද නොසලකා හැර ඇත.


වැඩතහනම් කිරීම සම්බන්ධයෙන් හා නැවත සේවයේ නොපිහිටුවීම සම්බන්ධයේ මේ දෙදෙනා මූලික අයිතිවාසිකම් පෙත්සම් ඉදිරිපත් කර ඇත. නැවත ඔවුන්ව සේවයේ පිහිටුවා ඇත්තේ ඉන්පසුවය. ඒ 2011 වර්ෂයේ පෙබරවාරි හා මාර්තු මාසවලදීය.


මූලික අයිතිවාසිකම් පෙත්සමට පදනම්වූ සිද්ධියේ කථාව එසේ වුවත් අදටත් මේ කථාව අවසන් නැත. ඒ එම ලොරියෙන් ලබාගත් සාම්පල සම්බන්ධයෙන් පොලිස් පරීක්ෂඛ කුමාරසිංහ තැබූ සටහන් පිළිබඳව එතැන් සිට අවුරුදු 9ක් ගෙවීයන මේ දක්වා ශ‍්‍රී ලංකා පොලීසිය ගත් ක‍්‍රියාමාර්ග කුමක්ද යන්නය. ලොරිය සමඟ අත්අඩංගුවට ගත් නාවික හමුදා සාමාජිකයන් අතරින් එස්.එල්. සේරසිංහ නමැති නාවික හමුදා සාමාජිකයා අදටත් නාවික හමුදාවේ සුළු නිළධාරියෙකු වශයෙන් කටයුතු කරයි. එක් අපේක්ෂකයෙකු ප‍්‍රවර්ධනය කරමින් අනෙක් අපේක්ෂකයාට මඩ ගසමින් නිර්මාණය කළ බුක්ලට් හෝ අත්පත‍්‍රිකා ප‍්‍රවාහනය සඳහා නොවේ. මත්පැන් ප‍්‍රවාහනයද ඔවුන්ගේ කාර්යයක් නොවේ. ඒ නිසා ඇත්ත අවශ්‍යතාවයක් තිබේනම් නාවික හමුදාවටද මේ පිළිබඳව දැන් වුවද පරීක්ෂා කළ හැකිය. එහෙත් මෙතෙක් නොවූ එම පරීක්ෂණ ඉදිරියට සිදුවේදැයි කොහෙත්ම සිතිය නොහැකිය.x