x ජනවාරිවරුන්ට අවශ්‍ය 2015 ජයග‍්‍රහණය ඉදිරියට ගෙනයන ප‍්‍රතිපත්තියකි.
x දේශපාලන පක්‍ෂයකින් නොවන ජනාධිපතිවරණ අපේක්‍ෂකයකු ඉදිරියට පැමිණීමට හොඳටම ඉඩ තිබේ.
x එවැනි අපේක්‍ෂකයකුට ලක්‍ෂ කිහිපයක ඡුන්ද එකතු කර ගැනීම අපහසු දෙයක් නොවේ.

නා යක භික්‍ෂුවක, හිට්ලර් කෙනකුු රටට ඉල්ලා ගෙවී ගියේ මාස කිහිපයක් පමණකි. දැන්, ආර්යාවක ලෙස තමාම සිංහාසනාරූඪ කරගත් මහත්මියකද කරළියට පැමිණ ඇත. ‘ආ’ යන්න ‘භා’ යන්න කිරීමට ආණ්ඩුවේ මාධ්‍ය මෙහෙයවන්නන් කොයිතරම් මහන්සි වුණත්, තමා අනාගත නායකයාගේ ආර්යාව යැයි, ජලනි පේ‍්‍රමදාස මහත්මිය කී වචනය නැවත ආපසු ඇද ගන්නට නොහැකි වන සේ ජනමනස තුළ කිඳා බැස තිබෙන බව පෙනේ. ඒ, තිගැස්මක්ද සහිතවය.


එසේ වන්නේ ආර්යාවන්ට රටේ ඉතිහාසයක් තිබෙන නිසාය. එය හුදු පෞද්ගලික ඉතිහාසයක් නොවේ. දේශපාලන ඉතිහාසයකි. බලය හා අත්තනෝමතිකත්වය පිළිබඳ ඉතිහාසයකි.


පළමු විධායක ජනාධිපති ජේආර් ජයවර්ධනගේ බිරිඳ එලීනා ජයවර්ධන ඒ කාලයේ රජයේ මාධ්‍ය හැඳින්වූයේ ‘ජයවර්ධන ආර්යාව’ යනුවෙනි. එහෙත්, කවුරුත් දන්නා පරිදි එලිනා ජයවර්ධන මහත්මිය, සිය ජීවිතයෙන්ම තමා මවාගත් ‘ආර්යාකම’ක් නැති සාමාන්‍ය ගැහැනියක බව ඔප්පු කර, නිහතමානිව ජනාධිපති නිල නිවෙසින් නික්ම ගියාය. ඊට පසු අපට හමුවන්නේ පේ‍්‍රමදාස ‘ආර්යාව’යි. සමාජ ස්තරායනය අනුව තමාට කිසිදා අත්පත් කරගැනීමට නොලැබෙන මහන්තත්තයක්, හුදෙක් දේශපාලන බලයේ ආනුභාවයෙන් ආලේප කරගත් හේමා පේ‍්‍රමදාස මහත්මිය, ඊනියා ආර්යාකමට සරිලන්නට ජීවිතය සාටෝපවත්ව ගෙවන්නට ගොස්, රටේම ඇති කළ කලබැගෑනිය මෙන්ම හාස්‍යයද සුළුපටු නැත. ඒ ඇගේ සැමියා ජනාධිපතිකම් කළ අවුරුදු හතරක් වැනි කෙටි කාලයක් තුළදීය. අශ්ව රේස්, ටෙනිස් ක‍්‍රීඩා හා ඡුායාරූප ශිල්පීන් ඝාතන වැනි අතීතයට එකතු වුණු සිදුවීම් ඒ ඉතිහාසයේ කිලිටි සලකුණුය. යම් හෙයකින් ආර් පේ‍්‍රමදාස ජනාධිපතිවරයා ධුර කාල දෙකක් ගතකෙළේ නම්, පේ‍්‍රමදාස මහතා විසින් රටේ ඇතිකරන්නට ඉඩ තිබුණු භීෂණයට අමතරව, හේමා පේ‍්‍ර්මදාස ආර්යාව විසින්ද ඇතිකරන්නට තිබුණු බිය සහ අවුල නොසලකා හළ නොහැකිය.


ඉන්පසු ආර්යාවක හමුවන්නේ මහින්ද රාජපක්‍ෂ පාලනයේදීය.
මහින්ද රාජපක්‍ෂ ජනාධිපති ධුරයේ කටයුතු කළ අවුරුදු නවයක කාලය තුළ, ශිරන්ති රාජපක්‍ෂ මහත්මිය පිල් විදහා නටන්නට ගොස් සමාජය ඉදිරියේ ඇතිකර ගත් විනාශකාරී ප‍්‍රතිරූපයද නැවතත් මතක් කළ යුතු නැත. කාල්ටන් මොන්ටෙසෝරිවල සිට සිරිලිය ගිණුම් හරහා වසීම් තාජුදීන් ඝාතනය දක්වා පරාසයක, ඇගේ කෙරුවාව ගැන තොරතුරු තිබේ.


ඒ දෙදෙනාට ස්තුතිවන්නට, අද ‘ආර්යාව’ යන්න පාවිච්චි කෙරෙන්නේ ගෞරවනීය අර්ථයකින් නොවේ. විකාර සහගත හා භයානක මුහුණුවරකිනි. එනිසා, දැන් නැවතත් ආර්යාවන් ගැන මතුවන කතාව, හුදු වචන පටලැවිල්ලකට එහා ගිය දේශපාලන අනතුරක් ලෙස දැනුවත් සමාජය පිළිගත යුතුය. 2015 ජනවාරිවරුන් කළ වෙනස, හිට්ලර්ලාට එරෙහිව මෙන්ම ආර්යාවන්ටද එරෙහිව කළ වෙනසක් නිසාය. රට යළිත් කුමන හේතුවක් නිසාවත් හිට්ලර්ලාට නතු නොවිය යුතුවාක් මෙන්ම ආර්යාවන්ද රටට අවශ්‍ය නැත.


ඉදිරි ජනාධිපතිවරණය සඳහා සජිත් පේ‍්‍රමදාස මහතා බලවත් ලෙස සූදානම් වෙයි. මංගල සමරවීර ඇමතිවරයාගේ දේශපාලන ජීවිතයට අවුරුදු තිහක් සපිරීම නිමිත්තෙන් පසුගිය සතියේ මාතරදී පැවැති උත්සවය සජිත් පේ‍්‍රමදාස මහතා ජනාධිපතිවරණ අපේක්‍ෂකයා හැටියට දේශපාලන වශයෙන් බෞතීස්ම කිරීම සඳහා සංවිධානය කරන ලද්දක් බව පෙනීගියත්, කුමන හේතුවක් නිසා හෝ එය ඒ ආකාරයෙන්ම සිදු නොවීය. අන්තිමේදී වැඩපිළිවෙළ සජිත් පේ‍්‍රමදාස මහතාගේ කතාවකට පමණක් සීමා වූ බවක් පෙනිණ. අනාගත ජනාධිපතිවරයකුගේ කතා ශෛලියක් ආරූඪ කරගෙන ඔහු කළ කතාව, හැමදාම ඔහු කරන අරුත් සුන්, සමාන පද රාශියකින් යුක්ත කතාවම මිස අන් කිසිවක් නොවීය. ආර්ථිකය ගැනත්, තමාගේ ආර්ථික ප‍්‍රතිපත්තිය හැටියට ඔහු කී දේත් අලූත් සත්‍යයන් නොවේ. රටේ ආදායමෙන් වැඩි ප‍්‍රතිශතය සුළුතරයටක් භුක්ති විඳින බවත්, අඩු ප‍්‍රතිශතය බහුතරයක් භුක්ති විඳින බවත්, තමා සමාජවාදයටත් ලිබරල්වාදයටත් නැති ආර්ථික ක‍්‍රමයක් ඇතිකරන බවටත් ඔහු කී කතාවේ කිසිම අලූත් විග‍්‍රහයක් තිබුණේ නැත. සජිත් පේ‍්‍රමදාස මහතාට පෙර දෙමළ සන්ධානයේ නායක ආර් සම්පන්දන් කළ කතාව, දෙමළ මිනිසුන්ගේ දුක් ගැනවිල්ල හා කෝපය, පසුගිය දශක පහක පමණ කාලය තුළ සිදුවූවාක් මෙන්ම, නැවතත් ප‍්‍රකාශ කළ අවස්ථාවක් විය. එහෙත්, නැවත වරක් මිනිසුන් කම්පනය කරවන බලයක් ඒ කතාවට තිබිණ. සම්පන්දන් මහතාගේ කතාව අවසානයේ දහසකට වැඩි වූ සභාවේ සිටි සියලූම දෙනා අසුන්වලින් නැගිට ඔහුට ගෞරවය දැක්වූයේ ඒ කතාවෙන් ඇතිවුණු සහකම්පනය නිසාය.

එහෙත් පුදුමයකට මෙන් සම්පන්දන් මහතාට පසුව කතාකළ සජිත් පේ‍්‍රමදාස මහතා වචනයකින්වත් සම්පන්දන් මහතාගේ කතාවට ප‍්‍රතිචාරයක් නොදැක්වීය. එක්කෝ සම්පන්දන් මහතාගේ කතාව අතරතුර ඔහු හැමදාමත් හැම තැනකමත් බැ?රුම් සාකච්ඡුාවක් යන අතරතුර කරන පරිදි, සිය ජංගම ¥රකථනයේ රාජකාරියේ යෙදී සිටියේය. නැතිනම්, සම්පන්දන් මහතාගේ කතාව ප‍්‍රතිචාර දැක්විය යුතු තරමේ වැදගත් දෙයක් නොවන බව සිතුවේය.


කොහොම නමුත්, එදා එහි සිටි බොහෝ දෙනා වික්‍ෂිප්තව සිටියේ, මංගල සමරවීර වැනි ඉදිරි ගාමී දැක්මක් ඇති කෙනකු, මේ තරම් පසුගාමී, වැඩවසම් චින්තනයක් සහිත සජිත් පේ‍්‍රමදාස වැන්නකු කර තබාගෙන යන හේතුව කුමක්ද යන්න තේරුම් කරගත නොහැකිවය. තවමත් එය ප‍්‍රහේලිකාවකි.
පසුගිය සතියේ ජනාධිපතිවරයාද සහභාගිවුණු මහජන රැුස්වීමකදී, මරණ දඬුවම යළිත් ක‍්‍රියාත්මක කිරීම අනුමත කරමින් සජිත් පේ‍්‍රමදාස මහතා කළ කතාව, ඔහුගේ පසුගාමී චින්තනය නැවතත් සංකේතවත් කෙළේය. එවැනිම සභාවකදී, සෑම පන්සලකටම කුඹුරු ඉඩමක් දෙන බවට ඔහු කළ ප‍්‍රකාශයද, භික්‍ෂූන් අතරම හාස්‍යයට ලක්වී ඇති ආකාරය දැනගන්නට තිබේ.


මේ විහිළු කතාවලට අමතරව, සජිත් පේ‍්‍රමදාස මහතා බිහිසුණු අදහස් කිහිපයක්ද මෑත කාලයේ කිව්වේය. ජාතික ආරක්‍ෂාව සඳහා මානව අයිතිවාසිකම් දෙවැනි තැනට දැමිය යුතුය යන්න එයින් එක් කතාවකි. ත‍්‍රස්තවාදය වැළැක්වීමේ පනත තවත් ශක්තිමත් කොට පවත්වාගත යුතුය යන්න තවත් කතාවකි. මරණ දඬුවම ක‍්‍රියාත්මක කිරීම අවශ්‍යය යන්න එහි අලූත්ම කතාවයි. (ගෝඨාභය රාජපක්‍ෂ සැකකරුවන්ට මරණ දඬුවම් දුන්නේ ‘ආයුධ පෙන්වීමට ගොස් බෝම්බයක් දමා ගැසීම හේතුවෙන් ආත්මාරක්‍ෂාව සඳහා වෙඩි තබන්නට සිදුවිය’ යන තිරනාටකය යටතේය.* මේ සියලූ කතා හිට්ලර්වරුන්ගේ කතාය. වෙඬරුවේ උපාලි නායක හිමියන් බලාපොරොත්තු වන නායකයා වු හිට්ලර් පන්නයේ ගෝඨාභය රාජපක්‍ෂ කියන්නේද මේ කතාමය. ඉතින්, සජිත් සිංහාසනාරූඪ කරමින්් තවත් ගෝඨාභය කෙනකුම රටේ අනාගතය සඳහා තෝරාගත යුතුද?


මේ සියලූ ආකාරයෙන් පසුගාමී සජිත් පේ‍්‍රමදාස කෙසේ හෝ ජනාධිපතිවරණ අපේක්‍ෂකයා විය යුතු බවට තදින්ම වැඩකරන එජාපයේ මැතිඇමතිවරු රාශියක් සිටිති. ජනාධිපතිවරණය දිනන්නට සජිත් අවශ්‍යමය යන්න ඔවුන්ගේ විශ්වාසයයි. සජිත් අපේක්‍ෂකයා වුණොත්,


ගෝඨාභය රාජපක්‍ෂ පැරදවීම සඳහා අනෙක් සියලූම දෙනාට ඔහු වටා අනිවාර්යයෙන්ම රොක් වන්නට සිදුවන්නේයැයි ද ඔවුන්ට වෙනත් විකල්පයක් නැතැයිද, සජිත් කර උඩ තියාගෙන යන්නන්ගේ උද්දච්ච තර්කය වී තිබේ. එහෙත්, ඔවුන් සලකා නොබලන වැදගත් කාරණයක් මතු කළ යුතුය.
2015 ජයග‍්‍රහණය පසුපස සිටියේ එජාපය, දෙමළ සන්ධානය, ජවිපෙ හා අනෙකුත් දේශපාලන පක්‍ෂ පමණක් නොවේ. ඒ කිසිම පක්‍ෂයකට අයත් නොවන, ‘ජනවාරිවරු’ ලක්‍ෂ ගණනක්ද ඒ පිටුපස සිටියෝය. සජිත් පේ‍්‍රමදාස යනු එජාපයේ, නිදා සිටින හෝ රනිල් වික‍්‍රමසිංහට කැමති නැති හෝ පාක්‍ෂිකයන් පිරිස එකතුකරගත හැකි, නැගිටුවිය හැකි අපේක්‍ෂකයා වන්නට පුළුවන. එහෙත්, ‘ජනවාරිවරුන්’ එකතු කරගන්නට කිසිම සුදුසුකමක් සජිත් පේ‍්‍රමදාස සිය භාවිතාවෙන් දක්වා නැත. එවැනි සුදුසුකමක් ඔහුට තිබෙන බවක්, ඔහු කර උඩ කියාගෙන යන්නන් පෙන්වාදී ද නැත.


විය හැක්කේ කුමක්ද?


ජනවාරිවරුන්ට වෙනත් විකල්ප සොයායෑමට සිදුවීමයි. මේ මොහොතේ ජනවාරිවරුන්ට අවශ්‍ය වන්නේ 2015 ජයග‍්‍රහණය, එහි අතහැරුණු හා වැරදුණු තැන් සකස්කර ඉදිරියට ගෙනයන ප‍්‍රතිපත්තියකි. ඒ ප‍්‍රතිපත්තිය වෙනුවෙන් ඉදිරියට දැමිය හැකි දේශපාලන පක්‍ෂයකින් නොවන වෙනත් ජනාධිපතිවරණ අපේක්‍ෂකයකු ඉදිරියට පැමිණීමට හොඳටම ඉඩ තිබේ. එවැනි අපේක්‍ෂකයකුට ලක්‍ෂ කිහිපයක ඡුන්ද එකතු කර ගැනීම අපහසු දෙයක් නොවේ. ඒ ඡුන්ද ප‍්‍රමාණය සජිත් පේ‍්‍රමදාස හා ගෝඨාභය රාජපක්‍ෂ වැන්නන්ගේ, සියයට පනස් එකක් ලබාගෙන පහසුවෙන් ජනාධිපති වීමේ සිහින බොඳ කර දැමීමට හොඳටම ප‍්‍රමාණවත් විය හැකි බව, ඔවුන් කර තියාගෙන යන්නන් හොඳින් තේරුම් ගත යුතුය.x