ත්‍රිවිධ හමුදා සාමාජිකයෙක් කොරෝනා වෛරසය ආසාදනයෙන් වළක්වාගැනීම සඳහා පත්කරන ලද කාර්යසාධක බලකායේ විෂය පථය මත්ද්‍රව්‍යවලට ඇබ්බැහි වී පුනරුත්ථාපනය වන පුද්ගලයන් හා බන්ධනාගාර රැඳවියන් සම්බන්ධයෙන් කටයුතු කළ හැකි ආකාරයට පුළුල් කර ඇත.

ජුලි 21 දින නිකුත් කරන ලද අතිවිශේෂ ගැසට් පත්‍රයක් මගින් ජනාධිපති ගෝඨාභය රාජපක්ෂ ඒ බව ප්‍රකාශයට පත්කර ඇත.

ඒ අනුව මත්ද්‍රව්‍යවලට ඇබ්බැහි වී පුනරුත්ථාපනය වන පුද්ගලයන් හා බන්ධනාගාරගත වී සිටින පුද්ගයන් කොවිඞ් වෛරසයෙන් ආසාදනය වළක්වාගැනීම සඳහා ක්‍රියාමාර්ග ගැනීමද එම කාර්යසාධක බලකායට පැවරෙනු ඇත.
හිටපු ගුවන් හමුදාපති රොෂාන් ගුණතිලක, හිටපු නාවික හමුදාපති ජයන්ත පෙරේරා, සිවිල් ආරක්ෂක දෙපාර්තමේන්තු ප්‍රධානී රියර් අද්මිරාල් ආනන්ද පීරිස්, විශ්‍රාමික මේජර් ජෙනරාල් සුමේධ පෙරේරා, වෛද්‍ය බන්දුල විජේසිරිවර්ධන හා වෛද්‍ය වජිර සේනාරත්න එම කාර්යසාධක බලකායේ සාමාජිකයෝ වෙති.

ලසන්ත රුහුණගේ