විසිවැනි ව්‍යවස්ථා සංශෝධන යෝජනාව ආණ්ඩුවේ යෝජනාවක් ලෙස විවාදයට ගැනීම සඳහා එය සැප්තැම්බර් 19 වැනිදා කැඳවන ලද හදිසි කැබිනට් මණ්ඩල රැුස්වීමකට ඉදිරිපත් කර ඇතත් ඇතිවරුන් කිහිපදෙනෙකුගේ විරෝධය නිසා ඒ පිළිබඳව තීන්දුවක් ගැනීම කල්ගොස් ඇතැයි වාර්තා වේ.

විධායක ජනාධිපති ක‍්‍රමය අහෝසි කිරීම සඳහා ජනතා විමුක්ති පෙරමුණේ පෞද්ගලික මන්ත‍්‍රී යෝජනාවක් ලෙස 20 වැනි සංශෝධනය පාර්ලිමේන්තුවට ගෙන ආවේ පසුගිය වර්ෂයේදීය. ජනාධිපති මෛත‍්‍රීපාල සිරිසේන එම යෝජනාව කැබිනට් මණ්ඩලයට ඉදිරිපත් කර තිබේ. හදිසි කැබිනට් රැුස්වීමකට ඉදිරිපත් කොට එදින එය කැබිනට් මණ්ඩලයේ සම්මත කොට, ඊට පසුදිනම පාර්ලිමේන්තුවට ඉදිරිපත් කර විවාදයට ගෙන සම්මත කරගැනීමට සැලසුම් කර තිබුණි.

කෙසේ වෙතත් එම කැබිනට් රැුස්වීමේදී ශ‍්‍රී ලංකා මුස්ලිම් කොංග‍්‍රසයේ නායක රවුෆ් හකීම් ඇතුළු පිරිසක් ජනාධිපතිවරණයක් අත ළඟ තිබියදී එම යෝජනාව ගෙන ඒම පිළිබඳව විරෝධය දක්වා ඇත. එයට ප‍්‍රතිචාර ලෙස ජනාධිපති මෛත‍්‍රීපාල සිරිසේන ප‍්‍රකාශ කර ඇත්තේ ආණ්ඩු පක්ෂ සාමාජිකයන් අතර එකඟතාවයක් ඇති කරගෙන මීළඟ කැබිනට් මණ්ඩලයේදී තීන්දුවක් ගන්නා ලෙසයි.

වාර්තාවන ආකාරයට මෙම සංශෝධන යෝජනාව හැකි ඉක්මනින් විවාදයට ගෙන, පාර්ලිමේන්තුවේ සම්මත වුවහොත් මීළඟ ජනාධිපතිවරණයට පෙර ජනමතවිචාරණයකට යෑමට සැලසුම් කර තිබේ. මීළඟ කැබිනට් රැුස්වීමේදී අදාල යෝජනාව පිළිබඳ තීන්දුවක් ගැනීමට නියමිතය.

තරිඳු උඩුවරගෙදර / කේ. සංජීව