එළැඹෙන ජනාධිපතිවරණයේදී එක්සත් ජාතික පෙරමුණ පාර්ශ්වයේ ජනාධිපති අපේක්ෂකයා ලෙස එජාප නියෝජ්‍ය නායක සජිත් පේ‍්‍රමදාස පත්කර ගැනීම සඳහා එජාපයේ ප‍්‍රබලයන් කිහිපදෙනෙකු එකතුකර ගනිමින් ජනාධිපති මෛත‍්‍රීපාල සිරිසේන මෙහෙයුමක් දියත් කර ඇතැයි වාර්තා වේ.

ජුනි 4වෙනිදා පැවති කැබිනට් සාකච්ඡුාවෙන් අනතුරුව සජිත් පේ‍්‍රමදාස හිතවාදී අමාත්‍යවරුන් කණ්ඩායමක් සමග ජනාධිපතිවරයා ප‍්‍රකාශ කර ඇත්තේ තමන් ඉදිරි ජනාධිපතිවරණයේදී රාජපක්ෂවරුන්ට කිසිදු ආකාරයක සහායක් නොදෙන බවය. එජාපයේ නායකත්වය වෙනස් වී තරුණ නායකයෙක් මීළඟ ජනාධිපති අපේක්ෂකයා ලෙස ඉදිරිපත් වන්නේ නම් තමන් එහිදී එජාපයට සහාය දෙන බවද ඔහු ප‍්‍රකාශ කර ඇත.

මේ අනුව ජනාධිපතිවරයා නොකියා කියා ඇත්තේ තමන් ඉදිරි ජනාධිපතිවරණයට ඉදිරිපත් නොවෙන බව සහ සජිත් පේ‍්‍රමදාස එජාපය පාර්ශ්වයෙන් ඉදිරිපත් වන්නේ නම් ඔහුට තම කණ්ඩායමේ සහාය ලබා දෙන බවය.

ජනාධිපතිවරයාගේ මෙම ප‍්‍රකාශයට හේතුව කාලයක් තිස්සේ සජිත් පේ‍්‍රමදාස සමග පවත්වාගෙන යන සම්බන්ධතාව සහ ඔහු එජාපයෙන් ජනාධිපති අපේක්ෂකයා ලෙස ඉදිරිපත් කරගැනීමේ සැලසුම බව දැනගන්නට ලැබේ. මෙම සැලසුම එජාපය පාර්ශ්වයෙන් ක‍්‍රියාත්මක  කිරීමට ජ්‍යේෂ්ඨ ඇමතිවරුන් කිහිප දෙනකු මේ අවස්ථාවේ කටයුතු කරමින් ඇතැයිද ඒ අනුව මෙම කණ්ඩායම අතර ඒ පිළිබඳව නිරන්තර සාකච්ඡුා සිදුවෙමින් ඇතැයිද දැනගන්නට ලැබේ.

සජිත් පේ‍්‍රමදාස මහතා ජනාධිපති කර මීළඟ අගමැති වීමට වර්තමාන ජනාධිපතිවරයා අදහස් කරන බවක් පෙනෙන්නේ යැයි ද එසේ නැතිනම් එජාපය දෙකඩ කර මීළඟ ජනාධිපතිවරණයට ඉදිරිපත් වීමට වර්තමාන ජනාධිපතිවරයා අදහස් කරන බවක් පෙනෙන්නේ යැයිද එජාප ප‍්‍රබලයෙක් ප‍්‍රකාශ කරයි.

සජිත් පේ‍්‍රමදාස මහතාගේ ව්‍යාපෘතියක් වන ‘සසුනට අරුණ’ ව්‍යාපෘතිය යටතේ අනුරාධපුරයේ ශ‍්‍රී ස්වර්ණ ජයන්ති විහාරයේ ඉදිවූ චෛත්‍ය විවෘත කිරීමේ උත්සවයක් ජුනි 8 වෙනි සෙනසුරාදා අස්ගිරි මහානායක හිමියන්ගේ ප‍්‍රධානත්වයෙන් හා විශාල භික්ෂු සහභාගිත්වයකින් පවත්වන්නට කටයුතු යොදා ඇති අතර එහිදී සජිත් පේ‍්‍රමදාස තමන් ඉදිරි ජනාධිපතිවරණයට තරග කරනවාද නැද්ද යන්න බොහෝ දුරට ප‍්‍රකාශ කරනු ඇතැයි දැනගන්නට ලැබේ. x