ශ‍්‍රී ලංකා පොදුජන පෙරමුණ හා ශ‍්‍රී ලංකා නිදහස් පක්ෂය අතර නව සන්ධානයක් ඇති කරගැනීම පිළිබඳව පැවති සාකච්ඡුාවේදී නව සන්ධානය සඳහා ව්‍යවස්ථා කෙටුම්පත් දෙකක් දෙපාර්ශ්වයෙන් ඉදිරිපත් කර තිබේ.

ජුන 26 වැනිදා පැවති මෙම සාකච්ඡුාව ශ‍්‍රීලපොපෙ සහ ශ‍්‍රීලනිපය යන දෙපාර්ශ්වය සන්ධානය වෙනුවෙන් පත්කළ කමිටු දෙක අතර පවත්වනු ලැබීය.

නව සන්ධානයේ ආකෘතිය කෙබඳු විය යුතුද යන්න එම ව්‍යවස්ථාවල සඳහන්ව ඇති බවත්, ශ‍්‍රීලනිපය යෝජනා කළ කෙටුම්පත ශ‍්‍රීලපොපෙ කණ්ඩායමත්, ශ‍්‍රීලපොපෙ ඉදිරිපත් කළ යෝජනාව ශ‍්‍රීලනිප කණ්ඩායමත් අධ්‍යයනය කොට ඉදිරි සාකච්ඡුාවලදී එක් ව්‍යවස්ථාවක් සකස් කරගැනීමට බලාපොරොත්තු වන බවත් අනිද්දා කළ විමසීම්වලදී සාකච්ඡුාවලට සහභාගි වූ නියෝජිතයෝ කීහ.

අනිද්දා සමඟ අදහස් දැක්වූ ශ‍්‍රීලනිප මහලේකම් දයාසිරි ජයසේකර ප‍්‍රකාශ කළේ ජුනි 26 වැනිදාම හැන්දෑවේ පැවති ශ‍්‍රීලනිප මධ්‍යම කාරක සභාවේ රැුස්වීමට ශ‍්‍රීලපොපෙ පාර්ශ්වයෙන් තමන්ට ලැබුණු ව්‍යවස්ථා කෙටුම්පත ඉදිරිපත් කළ බවයි. ඒ පිළිබඳව සාකච්ඡුා කිරීමට ශ‍්‍රීලනිප මධ්‍යම කාරක සභාවෙන් කමිටුවක් පත්කළ බව ඔහු කීය. ශ‍්‍රීලනිප මධ්‍යම කාරක සභිකයන් වන නිමල් සිරිපාල ද සිල්වා, මහින්ද අමරවීර, දයාසිරි ජයසේකර, ෆයිසර් මුස්තාෆා, ලසන්ත අලගියවන්න, තිලංග සුමතිපාල, රෝහණ ලක්ෂ්මන් පියදාස, කේසරලාල් ගුණසේකර යන නියෝජිතයන් ඒ සඳහා පත්කර ඇති බවද ඔහු ප‍්‍රකාශ කළේය. ශ‍්‍රීලපොපෙ ඉදිරිපත් කළ යෝජනාවලියෙහි ඇති කරුණු මොනවාදැයි පැවසීම ඔහු ප‍්‍රතික්ෂේප කළේය.

කෙසේවෙතත් ශ‍්‍රීලනිපය ඉදිරිපත් කළ යෝජනාවලිය පිළිබඳව පුවත්පත මුද්‍රණයට යන විටත් ශ‍්‍රීලපොපෙ කණ්ඩායම සාකච්ඡුා කර තිබුණේ නැත.