ශ‍්‍රී ලංකා නිදහස් පක්ෂය නොමැතිව ශ‍්‍රී ලංකා පොදුජන පෙරමුණ හා දැනට ඒකාබද්ධ විපක්ෂයේ සිටින කුඩා පක්ෂ එක්ව ඇතිකරගන්නා සන්ධානයක් පිළිබඳව ඒකාබද්ධ විපක්ෂයේ පාර්ලිමේන්තු මන්ත‍්‍රීවරුන් අතර සාකච්ඡුාවක් පවත්වා ඇතැයි වාර්තා වෙයි.

පෙබරවාරි 20 වැනිදා හවස්වරුවේ නෙළුම් මාවතේ පොදුජන පෙරමුණු කාර්යාලයේදී ඒකාබද්ධ විපක්ෂ පාර්ලිමේන්තු මන්ත‍්‍රීවරුන් අතර පැවති සාකච්ඡුාවකදී මේ පිළිබඳව සාකච්ඡුා කර තිබේ.

ශ‍්‍රී ලංකා පොදුජන පෙරමුණේ නිල නොවන නායක බැසිල් රාජපක්ෂද මෙම සාකච්ඡුාවට සහභාගී වී තිබේ. එහිදී බැසිල් රාජපක්ෂ මහතා වැඩි අදහස් දැක්වීමක් සිදු නොකළ බව සාකච්ඡුාවට සහභාගී වූ මන්ත‍්‍රීවරයෙකු අනිද්දා සමඟ කීය.

ශ‍්‍රීලනිපය නොමැතිව, පොදුජන පෙරමුණේ නායකත්වයෙන් සන්ධානයක් ඇති කරගැනීමේ යෝජනාව පිළිබඳව කළ විමසීමකදී ඒකාබද්ධ විපක්ෂයේ පාර්ලිමේන්තු මන්ත‍්‍රී වාසුදේව නානායක්කාර ප‍්‍රකාශ කළේ ශ‍්‍රීලනිපය සමඟ සන්ධානගතවීමේ අදහස අත්හැර නොමැති බවත්, ඉදිරියේදී ඒ පිළිබඳව සාකච්ඡුා කිරීමට බලාපොරොත්තුවන බවත්ය.

කෙසේ වෙතත් ශ‍්‍රීලනිපය සමඟ සන්ධානගතවීම ගැන අදහස් පළ කරමින් ශ‍්‍රී ලංකා පොදුජන පෙරමුණේ පාර්ලිමේන්තු මන්ත‍්‍රී ප‍්‍රසන්න රණතුංග පැවසුවේ මැතිවරණයක් ළංවී නොමැති නිසා දැන්ම ශ‍්‍රීලනිපය සමඟ සන්ධානගතවීම නොසුදුසු බවයි. ඒ ආකාරයෙන් සන්ධානගත වුවහොත් ශ‍්‍රීලනිපය පොදුජන පෙරමුණ වැනි පක්ෂවල අනන්‍යතාවයන් වියැකී යන බවත්, එමඟින් පක්ෂ දුර්වල විය හැකි බවත් ඔහු කීය.. වෙන වෙනම සිට, මැතිවරණයක් ප‍්‍රකාශ කළ පසුව එක්වීමෙන් කණ්ඩායම් සියල්ලේම ශක්තිය එකට එකතුවනු ඇතැයි ඔහු කීය. දැනට ශ‍්‍රී ලංකා පොදුජන පෙරමුණ පළාත් සභා සහ පාර්ලිමේන්තු මැතිවරණ ජයග‍්‍රහණය කිරීමට තරම් ශක්තියක් තිබෙන බවද ඔහු පැවසූ අතර, ජනාධිපතිවරණයේදී ශ‍්‍රීලනිප සහයෝගය වැදගත් වන බව කීය.

මීට අමතරව ඉහත කී සාකච්ඡුාවේදී ශ‍්‍රී ලංකා පොදුජන පෙරමුණේ නායකත්වයෙන් මහජන රැුස්වීම් මාලාවක් සංවිධානය කිරීමටද සාකච්ඡුා කර තිබේ. මාර්තු 08 වැනිදා මහනුවර නගරයේදී පළමු රැුස්වීම පැවැත්වීමට එහිදී යෝජනා කර ඇති අතර ඉදිරි මාස කිහිපයේදී විවිධ නගරවල රැුස්වීම් පැවැත්වීමට යෝජනා කර තිබේ. මෙම රැුස්වීම් මාලාවට ශ‍්‍රීලනිප මන්ත‍්‍රීවරුන්ව එකතු කරගැනීමටද එම සාකච්ඡුාවේදී යෝජනාවක් ඉදිරිපත් වී තිබේ. කෙසේවෙතත් ඒකාබද්ධ විපක්ෂයේ තීරණ ගැනීමේ ක‍්‍රියාවලියට තවමත් ශ‍්‍රීලනිප මන්ත‍්‍රී කණ්ඩායම සම්බන්ධ නොවීම ගැටලූවක් බවත්, ශ‍්‍රීලනිපයේ එක් නියෝජිතයෙක්ට හෝ ඒකාබද්ධ විපක්ෂයේ රැුස්වීම්වලට සහභාගී වෙන්නැයි ආරාධනා කළයුතු බවත් එම සාකච්ඡුාවේදී එකඟ වී තිබේ.