සැප්තැම්බර් 02 වැනිදා පැවැත්වීම සඳහා තීරණය කර තිබූ ශ‍්‍රී ලංකා නිදහස් පක්ෂ සංවත්සරය දින නියමයක් නොමැතිව කල්යෑමට හේතුව ඒ සඳහා ප‍්‍රමාණවත් සාමාජිකයන් පිරිසක් ගෙන්වා ගැනීමට නොහැකි වීමේ අවදානම නිසා බව වාර්තා වෙයි. මේ වනවිට ඇතැම් ප‍්‍රබල ශ‍්‍රීලනිප ඇමතිවරුන් විසින් ශ‍්‍රීලනිපයේ ආසන බල මණ්ඩල කිහිපයක් ශක්තිමත් ලෙස පිහිටුවා ඇති නමුත් බහුතරයක් ආසනවලට සෙනඟ එකතු කරගැනීමට ශ‍්‍රීලනිප ප‍්‍රාදේශීය නායකයන් අසමත්ව සිටින බව ශ‍්‍රීලනිප ප‍්‍රබලයෙක් කීය.

ඒ පිළිබඳව අගෝස්තු 08 වැනිදා පැවති ශ‍්‍රීලනිප මධ්‍යම කාරක සභා රැුස්වීමේදී සාකච්ඡුා කර ඇත. පක්ෂයට නැවුම් ප‍්‍රතිපත්ති, නැවුම් ප‍්‍රවේශයක් නොමැති නිසා මෙම තත්වය ඇතිව තිබෙන බව එහිදී අදහස් පළවී ඇත. ඒ අනුව පක්ෂයට නැවුම් ප‍්‍රතිරූපයක් ලැබෙන වැඩපිළිවෙළක් සකස් කිරීම සඳහා පාර්ලිමේන්තු මන්ත‍්‍රි දයාසිරි ජයසේකරගේ ප‍්‍රධානත්වයෙන් කමිටුවක් පත් කිරීමට ශ‍්‍රීලනිප මධ්‍යම කාරක සභාව තීරණය කර ඇත.

එම කමිටුවට එස්.බී. දිසානායක, දුමින්ද දිසානායක, ශාන්ත බණ්ඩාර, ලසන්ත අලගියවන්න, මලිත් ජයතිලක, රෙජිනෝල්ඞ් කුරේ පත් කර ඇත.