■ අනුරංග ජයසිංහ

බි්‍රතාන්‍යයට විදේශ රටවලින් ඇතුළුවෙන සංචාරකයන් පිළිබඳ නිකුත් කර ඇති රතු ලැයිස්තුවට ශ්‍රී ලංකාවේ නම ජුනි 08 වැනිදා සිට ඇතුළත් කිරීමට නියමිතය.

රතු, ඇම්බර් සහ කොළ යනුවෙන් වර්ණ තුනක් නියෝජනය වන පරිදි සකසා ඇති එම ලැයිස්තු අතරින් අවදානම් සහගතම රටවල් ඇතුළත් වන්නේ රතු ලැයිස්තුවටය. ශ්‍රී ලංකාව මේ වන විට ඇම්බර් වර්ණයෙන් යුතු ලැයිස්තුවේ සිටී.

ශ්‍රී ලංකාව ඇතුළු රතු ලැයිස්තුවේ සඳහන් රටක සිටි කෙනෙකු බි්‍රතාන්‍යයට ඇතුළුවීමට පෙර දින 10ක් ඇතුළත කොවිඩ්-19 පරීක්ෂණයකට මුහුණදීම, දින 10ක් නිරෝධායනය සඳහා හෝටල් පැකේජයකට සහ එම කාලසීමාව තුළ කොවිඩ්-19 පරීක්ෂණ දෙකක් සඳහා ලියාපදිංචි වීම, විශේෂ පත්‍රිකාවක් පිරවීම සිදු කළ යුතුය.

ශ්‍රී ලංකාව දැනට සිටින ඇම්බර් වර්ණයෙන් යුත් ලැයිස්තුවේ රටවල්වලින් පැමිණෙන සංචාරකයන් රටට ඇතුළු වන විට තමන්ගේ නිවසේ හෝ නවාතැනේ නිරෝධායනය වීම, කොවිඩ්-19 පරීක්ෂණයකට මුහුණදීම සහ තවත් දින දෙකකින් සහ දින අටකින් පරීක්ෂණවලට මුහුණදීම අවශ්‍ය වේ. ලොව රටවල් වැඩි සංඛ්‍යාවක් ඇත්තේ ඇම්බර් ලැයිස්තුවේය.

කොළ ලැයිස්තුවේ ඇතුළත් රටවල්වලින් පැමිණෙන පුද්ගලයන් නිරෝධායනය වීම අවශ්‍ය නොවන අතර ඇතුළුවීමේදී කොවිඩ් පරීක්ෂණයකට මුහුණදීම සහ පැමිණ දින දහයක් ඇතුළත තවත් පරීක්ෂණ දෙකකට මුහුණදීම ප්‍රමාණවත්ය.

එන්නත් ලබාගත් පුද්ගලයන් වුව මෙම ලැයිස්තුවල සඳහන් රටවල්වලින් පැමිණන විට ඉහත කී ලැයිස්තුවල සඳහන් ආකාරයට කටයුතු කළ යුතුය.■