වෛද්‍යවරියක බීමත්ව කළ රිය අනතුරෙන් පසුව ඇයට කිසිදු බරපතල තුවාල නොමැතිව කළුබෝවිල රෝහලේ නේවාසිකව ප‍්‍රතිකාර ගැනීම සැකයට තුඩුදෙන කාරණයක් බව එම රෝහලේ ආරංචි මාර්ග පවසයි.

සැප්තැම්බර් 30 වන දින බොරලැස්ගමුවේදි වෛද්‍යවරියක පදවාගෙන පැමිණි මෝටර් රථයේ තවත් රථයක් ගැටී අදාළ රිය අනතුර සිදු වූ අතර එම අනතුරෙන් එක් අයෙකු මියගොස් තවත් තුන් දෙනෙකුට බරපතළ තුවාල සිදු විය. අනතුර සිදුවූ අවස්ථාවේදී වෛද්‍යවරිය බීමත්ව සිටි බව පොලිස් පරීක්ෂණවලදී තහවුරු වී ඇති නමුත් වෛද්‍ය පරික්ෂණයට යොමු කිරීමෙන් අනතුරුව එම වෛද්‍ය වාර්තාවේ සඳහන් වී ඇත්තේ ඇය බීමත්ව නොසිටි බවය.

කෙසේ වෙතත් විශ්වසනීය පොලිස් ආරංචි මාර්ග පවසන්නේ වෛද්‍යවරිය බන්ධනාගාරගත කර ඇති නමුත් ඇයට බරපතළ තුවාල ඇති බව පෙන්වමින් කළුබෝවිල රෝහලේ නැවතී ප‍්‍රතිකාර ලබා ගන්නා බවත් ඇගේ ආරක්ෂාව සඳහා බන්ධනාගාර ආරක්ෂකයන් කිහිපදෙනෙකු ඉන්නා බවත්ය. ඇගේ සැමියාට පමණක් ඇය බැලීමට අවසර ලබාදී ඇත.