No menu items!
26.1 C
Sri Lanka
28 March,2024

විස්සට එරෙහි අය බැසිල් සමග ගැටෙති

Must read

විසිවැනි සංශෝධනයට එරෙහිව අදහස් දක්වන ආණ්ඩුවේ කණ්ඩායම සහ ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂට හිතවත් කණ්ඩායම් අතර ගැටුමක් මතුව ඇති බව වාර්තා වේ.

ඊට හේතුව 20 වැනි සංශෝධනයට එරෙහිව අදහස් දක්වන පුද්ගලයන්, එය බැසිල් රාජපක්ෂගේ වුවමනාවට ගෙන ආ එකක් බව ඍජුව හා වක්‍රව ප්‍රකාශ කිරීමය. එම විරෝධය දක්වන්නන් 20 වැනි සංශෝධනයට කරන ප්‍රධාන වෙනස්කමක් ලෙස දක්වා ඇත්තේ ද්විත්ව පුරවැසියන්ට ජනාධිපති හෝ මන්ත්‍රීධුරයකට තේරී පත් වීමට ඇති අවස්ථාව ලබා නොදිය යුතු බවය. එමෙන්ම එම විරෝධතාකරුවන් සමහරකුගේ යෝජනාවල ඇත්තේ රජයේ ඉහළම තනතුරුවලටද ද්විත්ව පුරවැසිභාවය ඇති පුද්ගලයන් පත් නොකළ යුතු බවය.

20 වැනි සංශෝධනය පිළිබඳ කැබිනට් මණ්ඩලයේ සාකච්ඡා කළ අවස්ථාවලදී ප්‍රජාතන්ත්‍රවාදී වාමාංශික පෙරමුණේ නායක වාසුදේව නානායක්කාර කිහිප වතාවක් බැසිල් රාජපක්ෂ මහතාගේ නම සඳහන් කරමින් අදහස් දක්වා ඇතැයි කැබිනට් මණ්ඩලයේ ආරංචිමාර්ග වාර්තා කරයි. බැසිල්  රාජපක්ෂට පාර්ලිමේන්තු මන්ත්‍රීධුරයක් අවශ්‍ය නම් ව්‍යවස්ථාව වෙනස් නොකර පුරවැසිභාවය ඉවත් කරගන්නා ලෙස වාසුදේව නානායක්කාර ඇතුළු එම විරෝධය දක්වන්නන් කැබිනට් මණ්ඩලයේදී ප්‍රකාශ කර ඇත.

කෙසේ වෙතත් පවිත්‍රා වන්නිආරච්චි, ප්‍රසන්න රණතුංග, ජොන්ස්ටන් ප්‍රනාන්දු ඇතුළු පිරිස් කැබිනට් මණ්ඩලයේදී එම අදහස්වලට විරුද්ධව සිය මතය දක්වා තිබුණි.

ඊට අමතරව විමල් වීරවංශ, විජයදාස රාජපක්ෂ වැනි පිරිස් මාධ්‍ය සාකච්ඡාවලදී බැසිල් රාජපක්ෂ කෙරෙහි විරෝධය සිය අදහස් පළකිරීම් මගින් වක්‍රව පෙන්වා තිබුණි.

ශ්‍රී ලංකා පොදුජන පෙරමුණේ මන්ත්‍රීවරුන් 20 වැනි සංශෝධනයට එරෙහි වන ආණ්ඩුවේ සාමාජිකයන්ට එරෙහිව බැසිල් රාජපක්ෂ වෙනුවෙන් සමාජ මාධ්‍ය යොදාගනිමින්ද අදහස් ප්‍රකාශ කිරීමට මේ වන විට පෙළඹී ඇත. ඔක්තෝබර් 08 වැනිදා සිය ෆේස්බුක් ගිණුමේ සටහනක් තබමින් මන්ත්‍රී ප්‍රමිත බණ්ඩාර තෙන්නකෝන් සඳහන් කර තිබුණේ බැසිල් රාජපක්ෂ ශ්‍රී ලංකා පොදුජන පෙරමුණ ගොඩනැගීමට කටයුතු කළ බවත්, ඔහු වෙනුවෙන් පෙනී සිටින බවත්ය. ඊට අමතරව සමාජ මාධ්‍යවල බැසිල් රාජපක්ෂට හිතවත් පිරිස් විමල් වීරවංශ, විජයදාස රාජපක්ෂ වැනි පුද්ගලයන්ට එරෙහිව අදහස් දක්වා තිබුණි.■ 

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි