වැලිකඩ බන්ධනාගාරයේ රඳවා සිටි රැුඳවියන් 27 දෙනෙකු වෙඩි තබා ඝාතනය කිරීම සම්බන්ධයෙන් විශේෂ ත‍්‍රිපුද්ගල මහාධිකරණයේ පවරා ඇති නඩුව ජුලි  18 වැනි දින කැඳවීමටත්, ඉන්පසු එම නඩුව සඳුදා, බදාදා හා සිකුරාදා දිනවල පස්වරු 12.45 සිට එක දිගට විභාගයට ගැනීමටත් තීරණය කර ඇත.

මෙම නඩුව විභාග කිරීම සඳහා අගවිනිසුරුවරයා විසින් ගිහාන් කුලතුංග, ප‍්‍රදීප් හෙට්ටිආරච්චි හා මංජුල තිලකරත්න යන මහාධිකරණ විනිසුරුවරුන් පත්කර ඇත.

නීතිපති දප්පුල ද ලිවේරා අගවිනිසුරුවරයාගෙන් කරන ලද ඉල්ලීමක් ප‍්‍රකාරව මෙම නඩුව විශේෂ මහාධිකරණයේ විභාගයට නියම කර තිබේ.

එවක පොලිස් මත්ද්‍රව්‍ය නාශක අංශයේ කටයුතු කළ පොලිස් පරීක්ෂක නියෝමාල් රංගජීව, එවක මැගසින් බන්ධනාගාරයේ අධිකාරීවරයා ලෙස කටයුතු කළ එමිල් රංජන් ළමාහේවා හා බන්ධනාගාර බුද්ධි ඒකකයේ කටයුතු කළ ඉන්දික සම්පත් යන චූදිතයන්ට එරෙහිව එම නඩුව විභාග වේ.

ඉන්දික සම්පත් මහතා අධිකරණය මඟහැර සිටියි’

ඉඳුවර බණ්ඩාර