නව ආණ්ඩුක‍්‍රම ව්‍යවස්ථාවක් ඇතිකරගැනීම වෙනුවෙන් පත්කරන ලද ආණ්ඩුක‍්‍රම ව්‍යවස්ථා සම්පාදක මණ්ඩලයේ වැඩකටයුතු මේ වනවිට සම්පූර්ණයෙන්ම නැවතී ඇතැයි එම මණ්ඩලයේ මෙහෙයුම් කමිටු සාමාජිකයෝ පිරිසක් අනිද්දාට පැවසූහ.

නිල වශයෙන් ආණ්ඩුක‍්‍රම ව්‍යවස්ථා සම්පාදක මණ්ඩලය අහෝසි කර නැතත් එම කමිටුව නැවත ක‍්‍රියාත්මක නොවන බව බව පැහැදිලිවම ප‍්‍රකාශ කළ හැකියැයි ඔවුහු පැවසූහ.

මේ වසරේ ජනවාරි මාසයේදී රැුස්වී නව ව්‍යවස්ථාව පිළිබඳ වාර්තා පහක් ආණ්ඩුක‍්‍රම ව්‍යවස්ථා සම්පාදක මණ්ඩලයට ඉදිරිපත් කිරීමෙන් පසුව එම කටයුතු නැවතී තිබෙන බව එම සාමාජිකයෝ කීහ. ඉන්පසුව ව්‍යවස්ථා සම්පාදක මණ්ඩලයේ මෙහෙයුම් කමිටුව විසින් අවසන් වාර්තාවක් ඉදිරිපත් කිරීමට නියමිතව තිබුණු නමුත් එම අවසන් වාර්තාව සැකසීම සඳහා මෙහෙයුම් කමිටුව එක් දිනයක් හෝ රැුස්වී නැතැයිද ඔවුහු කීහ. කමිටුව රැුස්වීමට දින යොදාගෙනද නැත.

මේ අතර එජාපෙ, දෙජාස හා ශ‍්‍රීලනිප පාර්ලිමේන්තු කණ්ඩායම් තුනේ නියෝජිතයන්ගෙන් සමන්විත කමිටුවක්ද පත්කර තිබී ඇත. ශ‍්‍රී ලංකා නිදහස් පක්ෂය ඉදිරිපත් කළ විධායක ජනාධිපති ක‍්‍රමය අහෝසි නොකර බලය බෙදීමේ යෝජනාව පිළිබඳව සාකච්ඡුා කිරීමට එම කමිටුව පත්කර තිබුණි. එජාපෙ නියෝජනය කරමින් රාජිත සේනාරත්න, දෙජාස නියෝජනය කරමින් එම්.ඒ. සුමන්තිරන්, ශ‍්‍රීලනිපය නියෝජනය කරමින් ඩිලාන් පෙරේරා සහ සරත් අමුණුගම යන නියෝජිතයන් එම කමිටුවේ සාමාජිකයන්ව සිට ඇත. එහෙත් එම කමිටුවද සාකච්ඡුා කර නැතැයි අනිද්දා සමඟ අදහස් දැක්වූ එම කමිටුවේ සාමාජිකයෙක් පැවසීය. x