පාස්කු ඉරිදා මරාගෙන මැරෙන ප‍්‍රහාර එල්ල කළ ඉස්ලාම් අන්තවාදීන් වනාතවිල්ලූව ප‍්‍රදේශයේ පවත්වාගෙන ගිය කඳවුර වැටලීමේ සිද්ධියේ තොරතුරු ශ‍්‍රී ලංකා යුද හමුදාවට කල් තියා ලබා දුන්නේ නම් පාස්කු ඉරිදා ප‍්‍රහාරය වළක්වාගත හැකිව තිබූ බවට යුද හමුදාපති මහේෂ් සේනානායක මාධ්‍ය හමුවේ කළ ප‍්‍රකාශය බොරුවක් බව හෙළිවේ.


වනාතවිල්ලූව ලැක්ටෝවත්ත ප‍්‍රදේශයේ පවත්වාගෙන ගිය ඉස්ලාම් අන්තවාදීන්ගේ එම කඳවුර අපරාධ පරීක්ෂණ දෙපාර්තමේන්තු නිලධාරීන් ජනවාරි 16 වෙනිදා වටලා ඇති අතර ඊට පසුදා එනම් ජනවාරි 17 වැනිදා ඒ පිළිබඳ පරික්ෂා කිරීමට අපරාධ පරීක්ෂණ දෙපාර්තමේන්තුවේ ඉහළ නිලධාරීන් එහි ගොස් ඇත.


එදින එනම් මැයි 17 වැනිදා යුද හමුදා සන්නද්ධ බුද්ධි අංශයේ ලූතිනන් කර්නල් අනුරුද්ධ කරුණාරත්න හා මේජර් රණසිංහ ඇතුළු කණ්්ඩායමක් පැමිණ එම කඳවුරත්, කදවුරෙන් අල්ලාගත් පුපුරන ද්‍රව්‍ය ඇතුළු භාණ්ඩත් පරීක්ෂා කර එම ස්ථානය හා අල්ලාගත් භාණ්ඩ හඳුනාගැනීමක් සිදුකර ඇත.


එමෙන්ම අපගේ හමුදා ආරංචි මාර්ග දක්වන්නේ ඉස්ලාම් අන්තවාදීන්ගේ වනාතවිල්ලූව කදවුර පිළිබඳ යුද හමුදා සන්නද්ධ බුද්ධි අංශ ඉන්පසු යුද හමුදාපතිවරයාට වාර්තාවක් පවා ලබාදී ඇති බවය. පසුගිය ඉරිදා ලංකාදීප පුවත්පතට යුද හමුදාපති මහේෂ් සේනානායක සාකච්ඡුාවක් ලබා දීමෙන් ප‍්‍රකාශ කර ඇත්තේ ‘වනාතවිල්ලූව වෙඩි බෙහෙත් සොයා ගැනීමේ සිද්ධියේ පරීක්ෂණ සිදු කළ කණ්ඩායම් යුද හමුදාව සමග සහයෝගයෙන් කටයුතු කළා නම් අපිත් මේ සම්බන්ධයෙන් සොයා බලනවා. ඔවුන්ගේ ක‍්‍රියාකාරකම් සම්බන්ධයෙන් අපිට එකතු වෙලා යන්න තිබුණු ගමනක් නැනි වුණා. මෙම පරීක්ෂණ කළ කණ්ඩායම් යුද හමුදා සමඟ තොරතුරු හුවමාරු කරගැනීම, සම්බන්ධතා නොපැවැත්වීම ගැන යුද හමුදාපතිවරයා වශයෙන් මම කනගාටු වෙනවා’ යනුවෙන්ය. එහෙත් පොලිස් මාධ්‍ය ප‍්‍රකාශක පොලිස් අධිකාරී රුවන් ගුණසේකර පැවසුවේ අපරාධ පරීක්ෂණ දෙපාර්තමේන්තුවේ අධ්‍යක්ෂ ශානි අබේසේකර ඇතුළු කණ්ඩායමක් ජනවාරි 17 වැනි දින වනාතවිල්ලූව සිද්ධිය වූ ස්ථානයට යාමේදී යුද හමුදා ලූතිනන් කර්නල් කරුණාරත්න ඇතුළු යුද හමුදා කණ්ඩායමක් ඔවුන් සමඟ එහි ගිය බවය. මේ සම්බන්ධයෙන් යුද හමුදාවේ වැඩබලන මාධ්‍ය ප‍්‍රකාශක මේජර් ජෙනරාල් රොෂාන් සෙනවිරත්නගෙන් කළ විමසීමකදී ප‍්‍රකාශ කළේ ඔවුන්ගේ භට පිරිස් පොලීසියත් සමග එහි ගියත් කිසි පරීක්ෂණයක් හමුදාව පාර්ශ්වයෙන් කර නැති බවය. ඒ ගැන පරීක්ෂණ කර ඇත්තේ පොලිසිය බවය. යුද හමුදාපතිවරයා මාධ්‍ය හමු පවත්වමින් සහ මාධ්‍යවලට සාකච්ඡුා ලබා දෙමින් මේ දිනවල පෙනී සිටින ආකාරය පිළිබඳව කරන ලද විමසීමකදී සිය නම සඳහන් නොකරන්නැයි ඉල්ලා සිටි යුද තොරතුරු පිළිබඳව විශ්ලේෂකයෙකු පැවසුවේ, යුද හමුදාපතිවරයා ඔහුගේ ඊළ`ග සේවා දිගුව ලබා ගැනීම සඳහා මෙවන් හැසිරීම් පෙන්නුම් කරමින් සිටින බව තමාගේ මතය බවයි.


යුද හමුදාපති මහේෂ් සේනානායකට ජනාධිපතිවරයා් මීට පෙර ලබාදුන් සේවා දිගුව 2019 අගෝස්තු 18 දින අවසන් වේ. x