අහස උසට නැඟ ඇති අත්‍යවශ්‍ය භාණ්ඩ මිල පිළිබඳ ගැටලූව පරයමින් රංජන් රාමනායකගේ ¥රකථන සංවාද පිළිබඳ සාකච්ඡුාව මේ මොහොතේ ජනමාධ්‍යයේ අවධානය වැඩියෙන්ම ලබාගන්නා ගැටලූව බවට පත්ව ඇත. පළමුව පසුගිය දා පොලිසීය විසින් මන්ත‍්‍රී රාමනායකගේ මන්ත‍්‍රී නිවාසය සෝදිසි කිරීමෙන් අනතුරුව ඔහු සන්තකයේ තිබුණු නිල ගිනි අවියට වලංගු බලපත‍්‍රයක් නොමැතිවීමේ ඉතා නුදුරු හේතුව මත ඔහු අත්අඩංගුවට ගැනිණි. විරුද්ධ පක්ෂය එය හැඳින්වූයේ අභිනව ආණ්ඩුවේ දේශපාලන පළිගැනීම්වල දිගුවක් වශයෙනි.


එහෙත් මන්ත‍්‍රී රාමනායක අත්අඩංගුවට ගැනීමට මූලික හේතුව වූයේ ලයිසන් නොකළ ගිනි අවිය නොව ඔහු සතුවන ¥රකථන සංවාද අඩංගු සංයුක්ත හා දෘඪ තැටි තොගයක් බව පසුව හෙළිකෙරිණ. ආණ්ඩුවේ සමහර ඇමතිවරුන් පොලිසියට දෝෂාරෝපණය කළේ වැරදි හේතුවකට රාමනායක මහතා අත්අඩංගුවට ගැනීම හා එනයින්ම කඩිනමින්ම රාමනායක මහතාට උසාවියෙන් ඇප ලබා දීමත් යන හේතු නිසාය. ගිනි අවියක් අවසර නොමැතිව තබා ගැනීම සුළු වරදක් බවත් ඊට වඩා රාමනායක මහතා සතු හඬපට ආණ්ඩුවට වැදගත් වන බවත් ඔවුන්ගේ කතාවලින් හෙළිවිණ.


බොහෝ දෙනෙකු හැඳිනගන්නේ රාමනායක යනු විවෘතව අදහස් දක්වන, ¥ෂණ විරෝධී හඬක් වශයෙන් වන අතර ඔහුගේම පක්ෂයේ සමහර නියෝජිතයන්ගේ දුෂණ හා වංචාවලට එරෙහිව ඔහු හඬ නඟා තිබේ. එසේම අධිකරණය, සංඝයා ආදි ගෞරවාන්විත ආයතන තුළ පැවතිය හැකි පරිහාණියට එරෙහිව ද රාමනායක විශාල හඬක්, විරෝධයක්, ඊනියා විධිමත් හෝ අවිධිමත් ආකාරයෙන් නඟා තිබේ.


එක්සත් ජාතික පක්ෂය තුළ මත් රාමනායකට එරෙහි බලවේගයක් වර්ධනය වීමේ රහස පැවතිය හැක්කේ ඔහුගේ එම නිර්භය ¥ෂණ විරෝධය මතම විය හැක. කෙසේමුත් අද දවසේ රාමනායකගේ භූමිකාව මාධ්‍ය තුළ විශාල කැළඹීමක් නැවත ඇතිකර තිබේ. ආණ්ඩුවේ පාර්ශ්ව, විශේෂයෙන්ම ජාතිකවාදීන් හා ¥ෂණ වංචා සම්බන්ධයෙන් පසුගිය ආණ්ඩුව සමයේ දී අධිකරණ වරෙන්තු ලද මැති ඇමතිවරුන්, රන්ජන්ගේ භූමිකාවට එරෙහිව අවි එසවීම ද විශේෂයකි.
කෙසේ නමුත් රාමනායක මහතා අත්අඩංගුවට පත්වී එක රැුයකට පසු ඇප මත නිදහස ලැබීමත් ඉන්පසු ඔහු එවකට බුද්ධි අංශයේ අධ්‍යක්ෂවරයා සහ ඉහළ උසාවියේ විනිශ්චයකාරිනියක සමඟ පැවැත්වූ ¥රකතන සංවාදය යි හඳුන්වන හඬ පට කිහිපයකට මේ වනවිට සමාජ සහ සාම්ප‍්‍රදායික මාධ්‍ය අවකාශයේ පුළුල් ප‍්‍රචාරයක් ලැබී තිබේ.


මෙම හඬපට රජය නියෝජනය කරන මන්ත‍්‍රීවරුන් කිහිප දෙනෙකු විසින් ඔවුන්ගේ මාධ්‍ය සාකච්ඡුාවලදී මාධ්‍ය වෙත නිකුත් කිරීම සිදුකෙරිණ. ඔවුන් පැවසුවේ එම හඬපට ඔවුන් සොයා ගත්තේ අන්තර්ජාල මාධ්‍යවලින් බවය. එහෙත් රාමනායක අත්අඩංගුවට පත්වන මොහොතේ මුද්‍රා තබන ලද නඩු භාණ්ඩ වශයෙන් පොලිසිය විසින් භාරයට ගත් එම හඬපට එසැණින් මාධ්‍ය මඟින් විකාශය කිරීම හා ඔහු වැරදිකාරයකු වශයෙන් හංවඩු ගැසීම අතර කිසියම් දේශපාලන සබඳතාවක් පවතීද යන්න වෙනම කාරණයකි.


එක්තරා ආකාරයකින් තමන් කළ සියලූ ¥රකථන සංවාද පටිගත කොට, නැවත තැටිගත කොට ආරක්ෂා කරන මෙම පුද්ගලයාට පවතින මානසික ව්‍යාධිය කුමක් ද යනුවෙන් යමෙක් ඉතාමත් සරලව ප‍්‍රශ්න කරනු ඇත. නමුත් ඔහුම දක්වන ලෙසට එය ‘යහපාලන ආණ්ඩුවේ හොරු ඇල්ලීම’ පිළිබඳ නාටකය සැබෑවක් බවට පත් කිරීමට ඔහු සොයාගත් ක‍්‍රමවේදයේ කොටසකි. එක අතකින් එය ‘වන්ෂොට්’ නැතිනම් ‘මමයි රජා’ පන්නයේම යුක්තිය උදෙසා කරන සිනමාත්මක සටනක ප‍්‍රවේශය ම වෙයි. එනයින්ම, ‘වන්ෂොට්ගේ’ සටන නීතිය, බුද්ධි අංශ, දේශපාලකයන්, වංචාව, ¥ෂණය ආදි අවකාශ අතර සිදුවන ක‍්‍රියාදාම මාලාවක් ය.


රාමනායකගේ හඬපට රාජ්‍යයයේ පවතින අර්බුදයන්ගේ භයංකර ස්වරූපය පිළිබඳ ඉතා දැඩි අනතුරු ඇඟවීමක් කරයි. එක පසෙකින් රාජ්‍යයේ නෛතික යුක්තිය පසිඳලීම පිළිබඳ ගැටලූවය. එහිදී දේශපාලකයන් විසින් කොතරම් නරක අන්දමට නීතිය අපහරණය කරනවාද යන්න රාමනායක සාක්ෂි සහිතවම ඔප්පු කරයි. මේ කිසිදු සොයා ගැනීමක් අලූත් තත්වයක් නොවන නමුත් රාමනායක විසින් ඒවා පටිගත කොටගත් සාක්ෂි වශයෙන් ගෙන ඒම නිසාම ඒවාට වැදගත් තැනක් හිමිවෙයි.


තරුණ ජවය සහිත අයුක්තියට එරෙහිව කැපවුණු වීරයෙකුගේ චරිතය ඉතාමත් අවංකව නිරූපණයට පෙළඹෙන සිනමා තාරකාවක් වන රාමනායක කරන්නේ වෘකයන් අතර නග්නව සටනකි. ඔහු තම ආත්මයම ඒ සඳහා කැපකරයි. තම පෞද්ගලිකත්වය රාජ්‍යයේ පීඩාකාරී බලය විසින් දැඩි ලෙස උල්ලංඝනය කරන විටදී පවා යුක්තිය යනුවෙන් යමක් පවතින බවක් ඔහු විශ්වාස කරයි. ඔහුම පවසන ආකාරයට ඔහුගේ සටන ආචාරධර්ම විරෝධී විය හැක. එහෙත් රාජ්‍යය ශෝධනය කිරීමට කුමක් කළ යුතුද යන ගැටලූව සමඟ ඔහුද ඉතා දැඩිව ආත්ම පරිත්‍යාගයකින් යුතුව සටන් කරන වග පිළිගැනීමට අප මැලි විය යුතු නැත.


දේශපාලනය යනු ජාවාරමක් වී ඇති යුගයක, ජනතාව දේශපාලනය වෙනුවට අතිශය පෞද්ගලික මනෝභාවයන් සහ ආශාවන් ප‍්‍රමුඛ කොටගත් යුගයක, පොදු මහජන පරිමණ්ඩලය පිළිබඳ අපගේ විශ්වාසය හීනවී තිබේ. යුක්තිය උදෙසා රාමනායකගේ ඔහුටම සුවිශේෂ අතිශය පෞද්ගලික එළඹුමේ පවතින පොදු වැදගත්කම අප විසින් කියවාගත යුත්තේ ඒ සියලූ තත්වයන්ට සාපේක්ෂවය.

අතුලසිරි සමරකෝන්