20 ආණ්ඩුවෙන් ගෙනාවොත් සහාය දෙනවා

විධායක ජනාධිපති ක්‍රමය අහෝසි කිරීම සඳහා ජනතා විමුක්ති පෙරමුණ විසින් ඉදිරිපත් කර ඇති 20 වැනි ආණ්ඩුක්‍රම ව්‍යවස්ථා සංශෝධනය ජනාධිපතිවරණයට පෙර පාර්ලිමේන්තුවට ඉදිරිපත් කරන ලෙස අග්‍රාමාත්‍ය රනිල් වික්‍රමසිංහ ජනතා විමුක්ති පෙරමුණෙන් ඉල්ලීමක් කර ඇතැයි වාර්තා වේ’

එම සංශෝධනය ඉදිරිපත් කළහොත් තමාගේ සහායද ඒ සඳහා ලබාදෙන බව රනිල් වික්‍රමසිංහ මහතා කියා ඇත’ ඊට ප්‍රතිචාර දක්වමින් ජවිපෙ නායක අනුර කුමාර දිසානායක” රනිල් වික්‍රමසිංහ මහතාට ප්‍රකාශ කර ඇත්තේ ජනාධිපති ක්‍රමය ඉවත් කිරීමේ සංශෝධනයක් අවශ්‍ය නම් ආණ්ඩුව පාර්ශ්වයෙන් ගෙනෙන ලෙසත් ඊට සිය පක්ෂයේ සහාය ලබාදිය හැකි බවත්ය’

රනිල් වික්‍රමසිංහ මහතා ජවිපෙට මෙම යෝජනාව ඉදිරිපත් කර ඇත්තේ අගෝස්තු 26 වැනිදා ජනාධිපති මෛත්‍රීපාල සිරිසේන හමුවී ජනාධිපති ක්‍රමය අහෝසි කිරීමේ යෝජනාවට සහාය ඉල්ලා සිටීමෙන් පසුවය’ එම හමුවට අගමැතිවරයා සමඟ අමාත්‍ය රවී කරුණානායකද සහභාගි වී තිබේ’

මේ පිළිබඳව කළ විමසීමකදී අදහස් දක්වමින් ජනතා විමුක්ති පෙරමුණේ දේශපාලන මණ්ඩල සභික කේ’ඩී’  ලාල්කාන්ත ප්‍රකාශ කළේ ජනතා විමුක්ති පෙරමුණ මේ වෙද්දී ජනාධිපතිවරණයට සූදානම් වෙමින් සිටින බවයි’ තමා දැනුවත්ව ජනාධිපතිවරණයට පෙර විධායක ජනාධිපති ක්‍රමය අහෝසි කිරීමට ජවිපෙට ප්‍රධාන පක්ෂයකින් යෝජනාවක් ඉදිරිපත් වී නැතැයිද ඔහු කීය’ එසේ වුවද ජනාධිපති කාර්යාලයේ එවැනි සාකච්ඡාවක් ඇතැයි දැනගන්නට ලැබී ඇතැයි ඔහු කීය’ මේ වනවිට ජාතික ජනබලවේගය හා සම්බන්ධ වී ජනාධිපතිවරණයට ඉදිරිපත්වීමට සූදානම් වෙමින් සිටින නිසා ජනාධිපතිවරණයට පෙර 20 සංශෝධනය පාර්ලිමේන්තුවට ඉදිරිපත් කරන්නට ජවිපෙ සැලසුම් කර නොමැති බව ඔහු කීය’

එක්සත් ජාතික පක්ෂය හා එක්සත් ජනතා නිදහස් සන්ධානය ඇතුළු පාර්ලිමේන්තුව නියෝජනය කරන පක්ෂ එකතු වී විධායක ජනාධිපති ක්‍රමය අහෝසි කිරීමට තීරණය කළොත් පමණක් ජවිපෙ එයට සහයෝගය දක්වන බව ලාල් කාන්ත මහතා කීය’ එසේ නැතිව කතාන්දරවලට රැවටී අනුන්ගේ න්‍යායපත්‍රවලට හසුවීමට ජවිපෙ බලාපොරොත්තු නොවන බවද ඔහු කීවේය’

ජනතා විමුක්ති පෙරමුණේ පාර්ලිමේන්තු මන්ත්‍රී විජිත හේරත්ගේ පෞද්ගලික මන්ත්‍රී යෝජනාවක් ලෙස 20 වැනි සංශෝධන යෝජනාව පාර්ලිමේන්තුවට ඉදිරිපත් කර ඇත’ මේ වනවිට ඒ පිළිබඳව නීතිපති දෙපාර්තමේන්තුවේ නිරීක්ෂණද එවා ඇති අතර ඕනෑම දිනයක එය පාර්ලිමේන්තුවේ න්‍යායපත්‍රයට ඇතුළත් කිරීමේ හැකියාව පවතී’ එම යෝජනාව ආණ්ඩුවේ යෝජනාවක් ලෙසද කැබිනට් මණ්ඩල අනුමැතියෙන් පසු පාර්ලිමේන්තුවට ඉදිරිපත් කිරීමේ හැකියාව පවතී’■

කේ’ සංජීව / තරිඳු උඩුවරගෙදර