තමන්ට එරෙහි අධිකරණ අපහාස චෝදනා නඩු විභාගයේ තම පාර්ශ්වයේ සාක්ෂිකරුවන් වශයෙන් අධිකරණයේ ¥ෂිත බව ගැන ප‍්‍රසිද්ධියේ අදහස් පළකළ ජනාධිපති මෛත‍්‍රීපාල සිරිසේන ඇතුළු සියයක පමණ පිරිසක් නම් කිරීමට සූදානමින් සිටින බව නියෝජ්‍ය අමාත්‍ය රන්ජන් රාමනායක පවසයි.

හිටපු අගවිනිසුරු මොහාන් පීරිස් 2015 ජනවාරි 09 වැනිදා තමා හමුවීමට පැමිණ එම තනතුරේ තවදුරටත් කටයුතු කරන්නට ඉඩ ලබාදෙන්නේ නම් පක්ෂපාත තීන්දු ලබාදෙන බවට ජනාධිපතිවරයා ප‍්‍රසිද්ධියේ ප‍්‍රකාශ කිරීම ඔහු සාක්ෂිකරුවකු වශයෙන් නම් කිරීමට හේතුවන බවද රාමනායක මහතා පවසයි.

මීට අමතරව හිටපු අගවිනිසුරු සරත් නන්ද සිල්වා, මහේස්ත‍්‍රාත් ලෙනින් රත්නායක, එම මහේස්ත‍්‍රාත්වරයාගෙන් ¥ෂණයට ලක් වූ කාන්තාවන්, ඒ පිළිබඳව ලියූ වික්ටර් අයිවන්, ඒ පිළිබඳව වාර්තා චිත‍්‍රපටියක් නිර්මාණය කළ ප‍්‍රසන්න විතානගේ ඇතුළු පිරිසක් එම සාක්ෂිකරුවන්ගේ ලේඛනයට ඇතුළත් වන බවද රාමනායක මහතා පැවසීය.

අධිකරණයට අපහාස කිරීමේ චෝදනා සම්බන්ධයෙන් තමා නිවැරදිකරු යැයි රන්ජන් රාමනායක මහතා අගෝස්තු 08 දින ඒ සම්බන්ධයෙන් ශ්‍රේෂ්ඨාධිකරණයේ පැවති නඩු විභාගයේදී ප‍්‍රකාශ කළ අතර ඒ අනුව ඔහුට එරෙහි අධිකරණ අපහාස නඩුව සැප්තැම්බර් 05 දින සිට විභාගයට ගැනීමට නියමිතය.

රන්ජන් රාමනායක මහතා වෙනුවෙන් ජනාධිපති නීතිඥ එම්.ඒ. සුමන්තිරන් පෙනීසිටි.