ඉදිරි ජනාධිපතිවරණයට ඉදිරිපත් නොවී ශ‍්‍රී ලංකා පොදුජන පෙරමුණට සහාය දීමට ජනාධිපති මෛත‍්‍රීපාල සිරිසේන එකඟ වී ඇතැයි වාර්තා වේ. 

අගෝස්තු 05 වැනිදා ජනාධිපති මෛත‍්‍රීපාල සිරිසේන හා විපක්ෂ නායක මහින්ද රාජපක්ෂ අතර පැවති සාකච්ඡුාවේදී ජනාධිපතිවරයා මෙසේ එකඟ වී ඇත. 

විපක්ෂ නායක මහින්ද රාජපක්ෂට සමීප ආරංචිමාර්ගයක් ප‍්‍රකාශ කළේ මීළඟ ජනාධිපතිවරණ අපේක්ෂකත්වය හෝ ඉන්පසුව එළැඹෙන පාර්ලිමේන්තු මැතිවරණයේදී අගමැති අපේක්ෂකත්වය යන දෙකෙන් එකක්වත් ලබාගැනීමට කොන්දේසි ඉදිරිපත් නොකර ශ‍්‍රී ලංකා පොදුජන පෙරමුණ සමඟ සන්ධාගත වීමට ජනාධිපතිවරයා එකඟ වී ඇති බවයි. ශ‍්‍රී ලංකා පොදුජන පෙරමුණ සමඟ සන්ධානගත වීමේදී ශ‍්‍රීලනිපයට සමාන තැනක් හිමිවිය යුතු බවටද ජනාධිපතිවරයා කොන්දේසි ඉදිරිපත් කර නැත. 

ඒ වෙනුවට පොදුජන පෙරමුණට එකඟ විය හැකි අන්දමේ කොන්දේසිවලට ජනාධිපතිවරයා එකඟ වී ඇති බව එම ආරංචි මාර්ගය පැවසීය. කණ්ඩායම් දෙක එක්ව ආණ්ඩුවක් පිහිටවුවහොත් තමාට විශේෂ ඇමතිධුරයක් සහ ශ‍්‍රීලනිප කණ්ඩායමට විශේෂ ඇමතිධුර ප‍්‍රමාණයක් ලබාගැනීමට ජනාධිපතිවරයා එම සාකච්ඡුාවේදී එකඟ වී ඇත. 

එම සාකච්ඡුාව පිළිබඳව අගෝස්තු 06 වැනිදා පැවති ඒකාබද්ධ විපක්ෂයේ පක්ෂ නායක රැුස්වීමේදී විපක්ෂ නායක මහින්ද රාජපක්ෂ කියා ඇත්තේ සාකච්ඡුා සතුටුදායක බවත්, තවත් සාකච්ඡුාවක් පැවැත්වීමට නියමිත බවත්ය. අගෝස්තු 06 වැනිදා පැවති ශ‍්‍රීලනිප මධ්‍යම කාරක සභා රැුස්වීමේදී ජනාධිපතිවරයාද ප‍්‍රකාශ කර ඇත්තේ එම අදහසමය. දෙපාර්ශ්වය අතර සන්ධානයක් ඇතිකරගත හැකි බවත්, සාකච්ඡුා ඉදිරියට ගෙන යා යුතු බවත් නායකයන් දෙදෙනාම තම කණ්ඩායම්වලට ප‍්‍රකාශ කර තිබේ.