මෛත්‍රීපාල සිරිසේන දෙවන ධුර කාලයක් සඳහා ජනාධිපති තරගයට නොපැමිණෙන බව ඔහුට සමීප ආරංචි මාර්ග ප්‍රකාශ කරයි.

මෛත්‍රීපාල සිරිසේන ජනාධිපති අපේක්ෂකයා ලෙස තෝරාග ැනීමට ශ්‍රී ලංකා පොදුජන පෙරමුණ සමග ඔක්තෝබර් 26 වෙනිදා වනවිට එකඟතාවකට පැමිණ තිබුණද මේ වනවිට ඔහුට විරුද්ධව රට තුළ ගොඩනැගී තිබෙන විරෝධය සහ ජනතාව අතර ඔහුගේ ජනප්‍රියතාව ශීඝ්‍රයෙන් පහළ බසින තත්වය තුළ ශ්‍රී ලංකා පොදුජන පෙරමුණේ නොනිල නායකයා වන බැසිල් රාජපක්ෂගේ අදහස වී ඇත්තේ මෛත්‍රීපාල සිරිසේන දෙවැනි ධුර කාලයකට තරග කිරීම තේරුමක් නැති බවය.

මේ අතර 16 කණ්ඩායමේ සිටි හිටපු ප්‍රබල අමාත්‍යවරයෙකු ප්‍රකාශ කළේ සිය උපරිම කාලය ජනපති ධුරයේ කටයුතු කර නික්ම යෑම ජනාධිපති සිරිසේනගේ වර්තමාන අදහස වී ඇති බවය. එනිසා ඔහු ඉක්මන් ජනාධිපතිවරණයකට නොයනු ඇති බව ප්‍රකාශ කළ ඒ මහතා ශ්‍රී ලංකා පොදුජන පෙරමුණ ප්‍රමුඛ සන්ධානයකින් පාර්ලිමේන්තු මැතිවරණයකට යෑම සඳහා උපරිම උත්සාහය ගනු ඇතැයිද වැඩිදුරටත් ප්‍රකාශ කළේ ය.■