වෙල්ගම

රටට අවශ්‍ය වන්නේ ප‍්‍රජාතන්ත‍්‍රවාදය ආරක්ෂා කරන මිනී නොමරන නායකයෙකු බවත් මිනී මරන නායකයෙකු ඉදිරිපත් වුවහොත් ඔහුට විරුද්ධව වැඩකරන බවත් ඒකාබද්ධ විපක්ෂ පාර්ලිමේන්තු මන්ත‍්‍රී කුමාර වෙල්ගම මාධ්‍ය වෙත අදහස දක්වමින් ප‍්‍රකාශ කර ඇත.

මාර්තු 27 වැනිදා අයිඩියෙල් මෝටර්ස් හඳුන්වාදුන් විදුලි ත‍්‍රීරෝද රථ එළිදැක්වීමේ උත්සවයකට සහභාගී වීමෙන් අනතුරුව මාධ්‍යවේදීන් පිරිසක් ගෝඨාභය රාජපක්ෂ ජනාධිපතිවරණ අපේක්ෂකයා ලෙස තෝරාගැනීම පිළිබඳව කළ ප‍්‍රශ්න කිරීමකදී ඔහු එසේ කියා ඇත.

ජනාධිපතිවරණ අපේක්ෂකයෙකු තෝරාගත් බවට යන ප‍්‍රචාරය මාධ්‍ය නිර්මාණය කළ එකක් පමණක් බවත්, එවැනි තීන්දුවක් තවම ගෙන නැති බවත් ඔහු පවසා ඇත. ඉන්පසුව ඔහු වැඩිදුර අදහස් පළකරමින් තමන් බලාපොරොත්තු වන ජනාධිපතිවරණ අපේක්ෂකයා පිළිබඳව කියා ඇත.

ලංකාවට අවශ්‍ය කරන්නේ ප‍්‍රජාතන්ත‍්‍රවාදය ආරක්ෂා කරන, පළිගන්නේ නැති ජනාධිපතිවරයෙකු බව ඔහු කියා ඇති අතර, මීට පෙර සිටි හැම ආණ්ඩුවක්ම පාහේ තමන්ට එරෙහිව අදහස් දක්වන මාධ්‍යවේදීන් ඝාතනය කර හෝ පහරදී ඇති බවද ඔහු පවසා ඇත. මාධ්‍යවෙදීන්ද එම කාරණය පිළිගත යුතු බව ඔහු කියා ඇත. එවැනි නායකයෙකු නැවත අවශ්‍ය නොවන බවත් ඒකාධිපති ස්වරූපයක් නැති නායකයෙකු අවශ්‍ය බවත් ඔහු වැඩිදුරටත් කියා ඇත. x