■ අනුරංග ජයසිංහ

ජාතික ජන බලවේගයේ මාධ්‍ය සාකච්ඡා පැවැත්වීම සඳහා තුම්මුල්ල හන්දිය අසල පිහිටි ශ්‍රී සම්බුද්ධත්ව ජයන්ති මන්දිරය යොදාගැනීම ගැන එම බලවේගයේ සාමාජිකත්වය දරණ සිවිල් ක්‍රියාකාරිකයන් කිහිපදෙනෙකු ජනතා විමුක්ති පෙරමුණට විරෝධය පළ කර ඇතැයි වාර්තා වේ.
ජාතික ජන බලවේගයේ මාධ්‍ය සාකච්ඡාවලට සහභාගි නොවන්නේ ඇයිදැයි අප කළ විමසීමකදී එම බලවේගයේ එක් නායකයෙකු ප්‍රකාශ කළේ එම ගොඩනැගිල්ලේ මාධ්‍ය සාකච්ඡා පවත්වන නිසා තමන් මාධ්‍ය සාකච්ඡාවලට සහභාගි නොවන බවය. ජනතා විමුක්ති පෙරමුණ ජනප්‍රිය ‘සිංහල-බෞද්ධ’ ජාතිකවාදී මතවාදයට අභියෝගයක් වනු ඇතැයි සිතන මැදිහත්වීම් සඳහා බියක් දක්වන බව ඔහු කීය. එවැනි පසුබිමක මෙම ගොඩනැගිල්ලේ මාධ්‍ය සාකච්ඡා පැවැත්වීමෙන් ජාතික ජන බලවේගය පිළිබඳ වැරදි චිත්‍රයක් සමාජගත වන බවද ඔහු කීය.■