ඉඩම් ආරවුලක ප්‍රශ්ණයක් විසදීමට කනකකරායකුලම්  පොලිසියට ගිය අවස්ථාවේදී තම පවුලට කෘර ලෙස එම පොලිසියේ ස්ථානාධිපතිවරයා පහරදුන් බව පහරකෑමට ලක්වූ වසන්තිකුමාර් ශර්මිලා මහත්මිය පවසයි.

 

පහරකෑමට ලක්වූ එම පවුලේ  16 හැවිරිදි පිරිමි දරුවාව සහ 13 හැවිරිදි ගැහැණු දරුවාව මාන්කුලම් රෝහලේ ප්‍රතිකාර ලබන බවද ඇය පවසයි. එම දරුවන් දෙදෙනා රෝහල්ගතව සිටින බව අප කළ විමසීමකදී මාන්කුලම් රෝහලේ ප්‍රකාශකයෙකු පැවසීය.

 

සැප්තැම්බර් 09 වන දින මෙම පහර දීම් සිදු වී ඇති අතර පහරදීමෙන් පසුව තමන්ගේ සැමියාව පොලීසිය විසින් අත්අඩංගුවට ගත් බවද ඇය පවසයි.

 

මේ පිලිබඳව කරන කනකරායනකුලම් පොලිසියෙන් කල විමසීමකදී එහි නිලධාරියෙකු පැවසුවේ අදාල පවුලේ ගෘහමුලීකයා එල් ටී ටී ඊ  සංවිධානයේ හිටපු සාමාජිකයෙකු බවත් ඔහු පුනරුත්ථාපනය සදහා අදාල පවුලෙන් වෙන්ව සිටි කාලයේ අදාල ඉඩම වෙනත් පුද්ගලයෙකුට සින්නක්කර ඔහුගේ බිරිද ලබා දී නැවත ලබා ගැනීමට උත්සාහ කරන බවත් අදාල දිනයේද ඉඩමට ආරවුලක් ඇතිවී පොලිසියට කැදවා අවවාද කල බවය.