මරණීය දණ්ඩනය ක්‍රියාත්මක කිරීම සඳහා ජනාධිපති මෛත්‍රීපාල සිරිසේන ඇමති මණ්ඩලයට යෝජනාව ඉදිරිපත් කළ දා සිට මේ දක්වා මරණීය දණ්ඩනයට එරෙහිව ලංකාව තුළින් හා ඉන් පිටතින් ඉදිරිපත් වී ඇති අදහස් මැනැවින් සලකා බලන සාධාරණ මනසක් ඇති කෙනකුට පෙනී යනු ඇත්තේ, මරණීය දණ්ඩනයට එරෙහිව යුක්ති සහගත වූත්, සාධාරණ වූත්, මානුෂික වූත් තර්ක ඕනෑ තරම් තිඛෙන බව ය. ලෝකයේ වත්මන් ප්‍රවණතාව මරණීය දණ්ඩනයට සපුරා එරෙහි වූවක් බව ය.

එහෙත්, ජනාධිපතිවරයා නැවතත් අවධාරණය කරන්නේ,කවුරු මොනවා කිව්වත් මරණ දඩුවම තමා ක්‍රියාත්මක කරන බවය. පුදුමාකාර නිර්භීතකමකි. අවාසනාවකට මෙන්, පසුගිය අවුරුදු තුනක කාලය ඇතුළත, ජනාධිපතිතුමාගෙන් පහත ආකාරයේ නිර්භීත කතා නම් අසන්නට ලැබුණේ නැත.
කවුරු මොනවා කිව්වත් මම විධායක ජනාධිපති ක්‍රමය අහෝසි කරනවා.
කවුරු මොනවා කිව්වත් මම අලූත් ආණ්ඩුක්‍රම ව්‍යවස්ථාවක් ගෙනෙනවා.
කවුරු මොනවා කිව්වත්, පරණ ආණ්ඩුවේ දූෂිතයන්ට විරුද්ධ නඩු ඉක්මනින් අසා නිම කරන්න මම කටයුතු සලසනවා.
කවුරු මොනවා කිව්වත් මම දෙමළ ජනතාව සමග බලය ඛෙදාහදා ගන්නවා.
කවුරු මොනවා කිව්වත්, රණවිරුවන් හැටියට පෙනීසිටිමින් අපරාධවල යෙදුණවුන්ට එරෙහිව මම නීතිය ක්‍රියාත්මක කරනවා.

ජනවාරි 8 වැනිදා තමා ජනතාවට පොරොන්දු වුණු ඉහත කී සහ නොකී දේශපාලන වෙනස්කම් කිරීමට ජනාධිපතිතුමා, මරණ දඩුවමේදී මෙන් නිර්භීත නොවුණේ ඇයි? සමහර විට, ඒ අත්‍යවශ්‍ය ප්‍රතිසංස්කරණ කළේ නම් භික‍ෂූන් වහන්සේලා, හමුදාව සහ සිංහල බෞද්ධ ජනතාව තමා සමග තරහ වේයැයි සිතූ නිසා විය හැකි ය. හමුදා පවුල්වල ලක‍ෂ දහයකට ආසන්න ඡන්ද ප්‍රමාණය හා ඊට අමතර අනෙකුත් සිංහල බෞද්ධ ඡන්ද ඉදිරි ජනාධිපතිවරණයේ දී තමාට අහිමි වී යා හැකියැzයි සිතන නිසා විය හැකි ය.

ඒ නිසා එතුමා ඡන්දවලට ඇමතිය හැකියැයි සිතන ඝාතනයේ මාවතක් සොයා ගෙන තිබේ. මිනිසුන් මරා දැමීමෟ

මරණ දඩුවම ක්‍රියාත්මක කිරීම සඳහා ජනාධිපතිවරයා විසින් පත් කරන ලද කමිටුවක් ද දැන් ක්‍රියාත්මක වේ. කවුරුන් ඉන්නවාදැයි අප නොදන්නා නමුත්, මේ කමිටුව මරණ දඩුවම ක්‍රියාත්මක කළ හැකි ආකාරය ගැන මනා ක්‍රමවේදයක් ඉදිරිපත් කරනු ඇති බව නම් පැහැදිලි ය. නමින් මෛත්‍රී වුණත් ජනාධිපතිතුමාගේ ඒකායන කැමැත්ත එල්ලා මැරීම බව දැනටමත් ඔවුන් දන්නා නිසා ය.

එහෙත්, මරණ ද~ුවම ක්‍රියාත්මක කරන්නේ නම්, ඊට මොහොතකට පෙර මේ කාරණා ගැනත් සැලකිල්ලක් ජනාධිපතිවරයා දැක්විය යුතුයැයි සිතමු.

පුද්ගලයකුට ජීවිතය දෙන්නට රජයකට නොහැකිවාක් මෙන් ම කුමන හේතුවක් නිසාවත්, පුද්ගලයකුගේ ජිවිතයක් උදුරා ගන්නටත් රජයකට නොහැකි ය. ඒ රජයේ ජනාධිපතිවරයාටවත් නොහැකි ය. මරණ දඩුවම ඇසට ඇස, දතට දත නියමයක් වූ අශිෂ්ටයන්ගේ ලෝකයෙන් උරුමවූවකි. ලෝකය ශිෂ්ට වත් වත් ම සිය නීති පොත්වලින් මරණ දඩුවම මකා දමන්නට ලෝකයේ බොහෝ රටවල් ක්‍රියා කළේ ය. ලංකාව ඒ ශිෂ්ට තීරණයට එළැඹුණේ 1976 සිට ය. කෙනෙක් ඒ දඩුවම යළිත් ක්‍රියාත්මක කරන්නේ නම්, හෙතෙම අශිෂ්ටයන්ගේ ලෝකයෙන් පැවත එන්නෙකි.

බන්ධනාගාරය තුළ මත්ද්‍රව්‍ය ජාවාරම් කරන නිසා, මරණ ද~ුවම නියමවූවන් එල්ලා මරා දමනවායැයි කීම නීතිය වශයෙන් ද යුක්තිය වශයෙන් ද සාධාරණය වශයෙන් ද වැරදි ය.

එනිසා, පළමුවැන්නා එල්ලා මැරීමට පෙර, බන්ධනාගාරය තුළ රඳවුවන් ජාවාරම් කරනවා නවත්වන්නට බැරි අසමත් බන්ධනා ගාර කොමසාරිස් ජෙනරාල් ඉල්ලා අස්විය යුතු ය. අසමත් බන්ධනාගාර භාර ඇමති ද ඉල්ලා අස්විය යුතු ය. එවැනි ඇමතිවරයකු සිටින ඇමති මණ්ඩලයේ අසමත් ප්‍රධානියා වන ජනාධිපතිතුමා ද, සහායක අගමැතිතුමා ද සිය ධුරයෙන් ඉල්ලා අස් විය යුතු ය.•