වැලිසර පිහිටි ශ‍්‍රී ලංකා නාවික හමුදා කඳවුරු සංකීර්ණයට අමතරව කොළඹ වරායේ පිහිටි රංගල නාවික හමුදා කඳවුරද, නාවික හමුදා මූලස්ථානයේ පිහිටි පරාක‍්‍රම නාවික හමුදා කඳවුරද කොවිඞ්-19 ව්‍යාප්ත වීම හේතුවෙන් සම්පූර්ණයෙන්ම ලොක්ඩවුන් තත්වයට පත්කර ඇතැයි වාර්තා වේ. එමෙන්ම රංගල නාවික හමුදා

කඳවුරේ හා පරාක‍්‍රම නාවික හමුදා කඳවුරේ සේවය කළ සැලකිය යුතු පිරිසක් මේ වන විට වවුනියාව පූනෑව නාවික හමුදා කඳවුරට හා හම්බන්තොට රන්මිණිතැන්න ගම්මානයට යොමුකර ඇතැයිද වාර්තා වේ.

මේ හේතුව නිසා වවුනියාව පූනෑව කඳවුරේ ආධුනික පුහුණුව ලැබූ පිරිස් ගාල්ල නිපුණ කඳවුරට මාරුකර ඇතැයි වාර්තා වේ.

කොළඹ හා ඒ අවට නාවික හමුදා කඳවුරු ලොක්ඩවුන් තත්වයට පත්වීම හේතුවෙන් එම කඳවුරුවලත්, කොළඹ හා ඒ අවට පාසල්වලත් නැවතී සිටින නාවික හමුදා සාමාජිකයන්ට තුන් වේලටම ආහාර සැපයීම කොළඹ හිල්ටන් හෝටලයේ මුළුතැන්ගෙය මගින් සිදුකරන බව වාර්තාවන අතර එම එක් වේලක කෑම පාර්සල් සංඛ්‍යාව 6000කි. මේ එක් වේලක කෑම පාර්සලයක මිල රුපියල් 750ක් බවද වැඩිදුරටත් වාර්තා වේ.

කොරෝනා මර්දන ජාතික මධ්‍යස්ථානයේ මාධ්‍ය අධ්‍යක්ෂ ලූ තිනන් කර්නල් හෙට්ටිආරච්චි පැවසුවේ නාවික හමුදා සෙබළුන් 465 කට මේ වන විට කොවිඞ් 19 ආසාදනය වී ඇති බවට පීසීආර් පරීක්ෂණවලදී තහවුරු වී ඇති බවය. වැලිසර නාවික හමුදා කඳවුරේ සෙබළුන් 383කටද එම කඳවුරෙන් පිට සිටින නාවික සෙබළුන් 82කටද කොවිඞ් ආසාදනය වී ඇති බව ඔහු පැවසීය. වැලිසර නාවික කඳවුරෙන් පිට කොවිඞ් ආසාදනය වී ඇත්තේ කුමන කඳවුරුවල සෙබළුන්ට දැයි විමසූ විට ඔහු පැවසූවේ වරාය තුළ පිහිටා ඇති රංගල නාවික හමුදා කඳවුරෙන් සෙබළුන් 06කටත් ශ‍්‍රී ලංකා නාවික හමුදා මූලස්ථානයේ සෙබළුන් කිහිපදෙනෙකුටත් හා නාවික කඳවුරු නිවාඩු ගොස් පැමිණි සෙබළුන් කිහිපදෙනෙකුටත් කොව්ඞ් ආසාදනය වී ඇති බවය.

සියලූම සෙබළුන් මේ වන විට ප‍්‍රතිකාර සඳහා වැලිසර නාවික හමුදා කඳවුරට යවා ඇති බවත් පිටත කඳවුරුවල කොවිඞ් ආසාදනය වු සෑම සෙබළෙකුම වැලිසර නාවික හමුදා කඳවුරෙහි ආසාදිතයන් සමඟ සමීප ඇසුරු කළ පුද්ගලයන් බවත් ඔහු පැවසීය.x

ලසන්ත රුහුණගේ /රේඛා නිලූක්ෂි හේරත්