තායිලන්තයේ විනිසුරුවරයෙකු නඩු තීන්දුවක් ලබාදීමෙන් පසුව පපුවට වෙඩි තබාගැනීමේ සිදුවීමක් බැංකොක් පෝස්ට් පුවත්පත වාර්තා කර තිබුණා. ඔක්තෝබර් 04 වැනිදා සිදුවූ එම වෙඩි තබාගැනීමෙන් ඔහු මියගොස් නැහැ. ඔහුව ක්ෂණිකව රෝහල්ගත කර තිබෙනවා. ඔක්තෝබර් 06 වැනිදා වනවිට එම විනිසුරුවරයාව හදිසි ප‍්‍රතිකාර අංශයෙන් ඉවත් කර තිබුණේ ඔහුගේ තත්වය යහපත් අතට හැරී තිබෙන නිසායි.


තායිලන්තයේ යාලා නම් පළාතේ පළාත් මහාඅධිකරණයේ සේවය කළ කන්කෝන් පියාන්චානා නම් එම විනිසුරුවරයා වෙඩි තබාගැනීමට හේතුව ලෙස කියා තිබුණේ අනෙක් විනිසුරුවරුන් තමන්ගේ නඩු තීන්දුවක් වෙනස් කරන්නැයි බලපෑම් කිරීමට විරෝධය දැක්වීමයි. ගැටලූව ඇතිව තිබුණේ මුස්ලිම් ජාතික පුද්ගලයන් පස්දෙනෙකුට මිනීමැරුම් හා ආයුධ ලඟ තබාගැනීම පිළිබඳ චෝදනා එල්ලවූ නඩුවක් සම්බන්ධයෙනුයි. එම නඩුව රටේ දේශපාලන ක‍්‍රියාවලියට අදාල නඩුවක්ව තිබුණා.


මෙම සිදුවීමට අදාල තායිලන්තයේ යාලා පළාත පිහිටා ඇත්තේ රටේ දකුණු කෙළවරේයි. එම ප‍්‍රදේශය එක්තරා ආකාරයකට ලංකාවේ නැගෙනහිර පළාතට සමාන කළ හැකියි. මන්ද, තායිලන්තයේ දකුණු කෙළවරේ තිබෙන යාලා ඇතුළු පළාත් තුනක බහුතර ජන කොටස වන්නේ තායිලන්ත මුස්ලිම්වරුන්. රටේ සමස්ථ ජනගහනයෙන් සීයට 5ක පමණ ප‍්‍රමාණයක් මුස්ලිම්වරුන්. බෞද්ධයන් සීයට 90ට වැඩියි. ආගමික කණ්ඩායම් අතර දැවැන්ත පීඩනයක් තායිලන්තයේ තියෙනවා. මුස්ලිම්වරුන් කාලයක් තිස්සේ රජයට එරෙහි සටනක නිරත වී ඉන්නවා. ලංකාවේ උතුරු පළාතේ මෙන්, තායිලන්ත දකුණේ මුස්ලිම්වරුන් අතර බලය බෙදීම ඉල්ලා හඬක් නැඟුණත්, එයට බහුතරයෙන් ඉඩ ලැබෙන්නේ නැහැ. කෙසේ වෙතත් මුස්ලිම්වරුන්ට බොරු චෝදනා මත නඩු පැවරීම ගැන කාලයක් තිස්සේ එරට චෝදනා එල්ලවෙනවා.


මුස්ලිම්වරුන්ට අදාල නඩුවක් වූ අපේ කතාබහට පදනම් වූ නඩුවේ චූදිතයන්ට දඬුවම් ලබාදීමට ප‍්‍රමාණවත් සාක්ෂි නැති බව පෙන්වාදෙමින් ඔහු එම චූදිතයන්ව නිදොස් කරමින් තීන්දුව ලබාදී තිබුණා. එහෙත් එම පස්දෙනාව වැරදිකරුවන් කරමින් තිදෙනෙක්ට මරණ දඬුවමත් දෙදෙනෙකු සිරගත කරමිනුත් තීන්දුව ලබාදෙන්නැයි තමන්ට බලපෑම් එල්ලවූ බව එම විනිසුරුවරයා තීන්දුව ලබාදීමට පෙර විශේෂ කතාවක් කරමින් කියා තිබෙනවා. ඔහුගේ එම කතාව ෆෙස්බුක්හි සජීවීව විකාශය කර තිබෙනවා.

එම සජීව විකාශය විනිසුරුවරයා වෙඩි තබාගන්නට මොහොතකට පෙර නවත්වලා. ඔහු වෙඩි තබාගෙන ඇත්තේ අධිකරණයේ විනිසරුවරුන්ගේ දිවුරුම කියවමිනුයි. තීන්දුව ලබාදීමට පෙර ඔහු ෆෙස්බුක්හි පිටු 25කින් යුත් වාර්තාවක් පළ කරමින් මෙම තීන්දුවට අදාලවත්, තමාට එල්ලවූ බලපෑම් ගැනත් කියා තිබෙනවා. ඔහු කියා ඇත්තේ ජ්‍යෙෂ්ඨ විනිසුරුවරයෙකු තම තීන්දුව පිළිබඳ බලපෑම එල්ලකළ බවයි.


‘මේ වෙලාවේ, රටපුරා සිටින සහෝදර විනිසුරුවරුන්ට සලකන්නේත් මට වගේමයි. මගේ මේ තනතුරට අදාල දිවුරුම රකින්න බැරිනම්, ගෞරවයක් නැතිව ජීවත්වෙන්නේ නැතිව මියයෑම හොඳයි.‘ විනිසුරුවරයා එසේ කියා තිබුණා.


‘යමෙකුට දඬුවම් කරන්නට නම් පැහැදිළි හා විශ්වාසදායී සාක්ෂි තිබිය යුතුයි. එවැනි සාක්ෂිවලින් විශ්වාසය තහවුරු නොවුණොත් කිසිවෙකුට දඬුවම් නොකළ යුතුයි. මම කියන්නේ නැහැ මේ පස්දෙනා නිර්දෝෂී බව. ඔවුන් වැරැුද්ද කර තිබෙනවා විය හැකියි. එහෙත් අධිකරණ ක‍්‍රියාවලියක් විනිවිදභාවයෙන් හා විශ්වාසයෙන් යුක්ත වීම වැදගත්.‘ ඔහු වැඩිදුරටත් කියා තිබුණා.


තායිලන්තයේ අධිකරණ පද්ධතිය ගැන දැවැන්ත කළකිරීමක් සාධාරණ සමාජයක් පතන පුරවැසියන් අතර තිබුණා. දේශපාලන වුවමනා මත සැබෑ අපරාධකරුවන්ව නිදහස් කිරීමත්, අපරාධ නොකළ අයව නිදහස් කිරීමත් ගැන චෝදනා තිබුණා. ඒ පිළිබඳ සමාජ මතය තහවුරු කිරීමට මේ විනිසුරුවරයාගේ ක‍්‍රියාව හේතු වී තියෙනවා.


කෙසේවෙතත් මේ සිදුවීම පිළිබඳ බැංකොක් පෝස්ට් පුවත්පතට ප‍්‍රතිචාර දක්වමින් තායිලන්තයේ අධිකරණය පිළිබඳ ප‍්‍රධාන ආයතනය ප‍්‍රකාශ කර ඇත්තේ සියදිවි නසාගත් විනිසුරුවරයාට පෞද්ගලික ප‍්‍රශ්න හා මානසික ආතතියක් තිබෙන බවයි. එහෙත් රටේ විපක්ෂ කණ්ඩායම් ඒ ප‍්‍රකාශය දැඩිව ප‍්‍රතික්ෂේප කරනවා. මේ විනිසුරුවරයා පෙර සිටම අධිකරණයට බලපෑම් එල්ලවීම ගැන කතාකර ඇතැයි විපක්ෂය පෙන්වනවා.


සියදිවි නසාගැනීම කිසිදු ගැටළුවකට ප‍්‍රමාණවත් විසඳුමක් නොවෙන බව ඇත්ත. එසේ වුවත්, විනිසුරුවරයෙකු තමන්ගේ ගෞරවය ආරක්ෂා කරගැනීම ගැන වධවෙනවානම් එය අගය කළ යුතු කටයුත්තක්. ලොව කිසිදු සටනකදී තමන්ගේ හෝ අනුන්ගේ ජීවිතවලට හිංසා කිරීමේ උපක‍්‍රම පාවිච්චි නොකළ යුතු බව පැහැදිළියි.


එහෙත් හෘදයසාක්ෂියක් තිබෙන විනිසුරුවරයෙකුට සැබෑ අපරාධකරුවන් ගැන දැන දැනම එවැනි අයව නිදැල්ලේ තැබීම ගැනත්, යම් කෙනෙකු අපරාධයක් කර තිබේදැයි විශ්වාසයක් නැතිව එවැනි අයට දඬුවම් කිරීමත් ගැන හැඟීමක් තිබෙනවානම් එය යුක්තිසහගත අධිකරණයක පැවැත්ම සඳහා අත්‍යාවශ්‍ය බව අමුතුවෙන් කිව යුතු නැහැ.

සුරුවරුන්ට සලකන්නේත් මට වගේමයි. මගේ මේ තනතුරට අදාල දිවුරුම රකින්න බැරිනම්, ගෞරවයක් නැතිව ජීවත්වෙන්නේ නැතිව මියයෑම හොඳයි.‘ විනිසුරුවරයා එසේ කියා තිබුණා.


‘යමෙකුට දඬුවම් කරන්නට නම් පැහැදිළි හා විශ්වාසදායී සාක්ෂි තිබිය යුතුයි. එවැනි සාක්ෂිවලින් විශ්වාසය තහවුරු නොවුණොත් කිසිවෙකුට දඬුවම් නොකළ යුතුයි. මම කියන්නේ නැහැ මේ පස්දෙනා නිර්දෝෂී බව. ඔවුන් වැරැුද්ද කර තිබෙනවා විය හැකියි. එහෙත් අධිකරණ ක‍්‍රියාවලියක් විනිවිදභාවයෙන් හා විශ්වාසයෙන් යුක්ත වීම වැදගත්.‘ ඔහු වැඩිදුරටත් කියා තිබුණා.
තායිලන්තයේ අධිකරණ පද්ධතිය ගැන දැවැන්ත කළකිරීමක් සාධාරණ සමාජයක් පතන පුරවැසියන් අතර තිබුණා. දේශපාලන වුවමනා මත සැබෑ අපරාධකරුවන්ව නිදහස් කිරීමත්, අපරාධ නොකළ අයව නිදහස් කිරීමත් ගැන චෝදනා තිබුණා. ඒ පිළිබඳ සමාජ මතය තහවුරු කිරීමට මේ විනිසුරුවරයාගේ ක‍්‍රියාව හේතු වී තියෙනවා.


කෙසේවෙතත් මේ සිදුවීම පිළිබඳ බැංකොක් පෝස්ට් පුවත්පතට ප‍්‍රතිචාර දක්වමින් තායිලන්තයේ අධිකරණය පිළිබඳ ප‍්‍රධාන ආයතනය ප‍්‍රකාශ කර ඇත්තේ සියදිවි නසාගත් විනිසුරුවරයාට පෞද්ගලික ප‍්‍රශ්න හා මානසික ආතතියක් තිබෙන බවයි. එහෙත් රටේ විපක්ෂ කණ්ඩායම් ඒ ප‍්‍රකාශය දැඩිව ප‍්‍රතික්ෂේප කරනවා. මේ විනිසුරුවරයා පෙර සිටම අධිකරණයට බලපෑම් එල්ලවීම ගැන කතාකර ඇතැයි විපක්ෂය පෙන්වනවා.


සියදිවි නසාගැනීම කිසිදු ගැටළුවකට ප‍්‍රමාණවත් විසඳුමක් නොවෙන බව ඇත්ත. එසේ වුවත්, විනිසුරුවරයෙකු තමන්ගේ ගෞරවය ආරක්ෂා කරගැනීම ගැන වධවෙනවානම් එය අගය කළ යුතු කටයුත්තක්. ලොව කිසිදු සටනකදී තමන්ගේ හෝ අනුන්ගේ ජීවිතවලට හිංසා කිරීමේ උපක‍්‍රම පාවිච්චි නොකළ යුතු බව පැහැදිළියි.


එහෙත් හෘදයසාක්ෂියක් තිබෙන විනිසුරුවරයෙකුට සැබෑ අපරාධකරුවන් ගැන දැන දැනම එවැනි අයව නිදැල්ලේ තැබීම ගැනත්, යම් කෙනෙකු අපරාධයක් කර තිබේදැයි විශ්වාසයක් නැතිව එවැනි අයට දඬුවම් කිරීමත් ගැන හැඟීමක් තිබෙනවානම් එය යුක්තිසහගත අධිකරණයක පැවැත්ම සඳහා අත්‍යාවශ්‍ය බව අමුතුවෙන් කිව යුතු නැහැ.