නැගෙනහිර පළාත් සභාව යටතේ සේවය කරන සියලූ රාජ්‍ය සේවකයන්ගේ දිනෙක වැටුප පරිත්‍යාග කිරීමට එකඟ වූ බව සඳහන් කරමින් එම පළාත් සභාව යටතේ සේවය කරන සියලූම සේවකයන්ගේ දිනක වැටුප කපාගැනීමට උත්සාහයක් ඇති බවත්, එම බලහත්කාර වැටුප් කැපීම නතර කළ යුතු බවත් ලංකා ගුරු සංගමය නිවේදනයක් නිකුත් කරමින් ප‍්‍රකාශ කර ඇත.

නැගෙනහිර පළාත් අධ්‍යාපන අමාත්‍යාංශයේ ලේකම්වරයාගේ අත්සනින් යුතු ලිපියක් උපුටා දක්වමින් ලංකා ගුරු සංගමය එම නිවේදනය නිකුත් කර ඇත.

ලංකා ගුරු සංගමයේ නිවේදනය මෙසේය.

‘නැගෙනහිර පළාත් ප‍්‍රධාන ලේකම්ගේ අත්සනින් යුතුව EP/01/1/Gen අංකයෙන් 2020.03.31 දිනැතිව නිකුත් කර ඇති ලිපියෙන් දන්වා ඇත්තේ නැගෙනහිර පළාත් ආණ්ඩුකාරවරිය සහ නැගෙනහිර පළාත් අමාත්‍යාංශ ලේකම්වරු අතර පැවති සාකච්ඡුාවකදී නැගෙනහිර පළාත් සියලූම රාජ්‍ය සේවකයන්ගේ දිනක වැටුප පරිත්‍යාග කිරීමට එකග වූ බවත්, ඒ අනුව සියලූම සේවකයන්ගේ දිනක වැටුප අය කරන ලෙසත්ය.

රජය ප‍්‍රකාශ කර ඇත්තේ කෝවිඞ් 19 තත්ත්වය හමුවේ සහන සැලසීමේ අරමුදලට දිනක වැටුප ලබාගන්නේ සේවකයන්ගේ කැමැත්තෙන් පමණක් බවයි. එසේ තිබියදී නැගෙනහිර පළාත් රාජ්‍ය සේවකයන්ගේ කැමැත්ත විමසීමකින් තොරව ඔවුන්ගේ දිනක වැටුප අයකිරීම අනීතික මෙන්ම බලහත්කාරී ක‍්‍රියාවකි. මේ වනවිට පළාත් අධ්‍යාපන අධ්‍යක්ෂවරයා සියලූම කලාප කාර්යාලවලට දන්වා ඇත්තේ සියලූම ගුරුවරුන්ගේ සහ විදුහල්පතිවරුන්ගේ වැටුප් කපා ගන්නා ලෙසයි. වැටුප් කැපීමට අකමැත්ත ප‍්‍රකාශ කළ අයගේ ද මේ අනුව වැටුප් කැපීම සිදු වේ.

මේ ආකාරයට රාජ්‍ය සේවකයන්ගේ කැමැත්තෙන් තොරව බලහත්කාරී ලෙස නැගෙනහිර පළාත් රාජ්‍ය සේවකයන්ගේ දිනක වැටුප කපා ගැනීම සම්බන්ධයෙන් ලංකා ගුරු සංගමය දැඩි විරෝධය පළකර සිටී. එසේම මෙම බලහත්කාරී වැටුප් කැපීම නතර කරන ලෙස ලංකා ගුරු සංගමය නැගෙනහිර පළාත් ආණ්ඩුකාරවරියගෙන් ලිඛිතව ඉල්ලා සිටී.

මේ වනවිට ජනාධිපති ලේකම්වරයා මැයි මස වැටුප පරිත්‍යාග කරන ලෙස ලිඛිතව ඉල්ලා ඇති අතර ඇමතිවරු මෙන්ම ආණ්ඩු පක්ෂයේ හිටපු මන්ත‍්‍රීවරුන් එම ඉල්ලීම වෙනුවෙන් පෙනී සිටීමෙන් රාජ්‍ය සේවක වැටුප කපා ගැනීමේ බලහත්කාරී වුවමනාව මනාව පෙනී යයි. දිනක වැටුප කපා ගැනීමේ දී නැගෙනහිර පළාතේ මෙන්ම සබරගමුව පළාතේ ආණ්ඩුකාරවරුන් සහ නිලධාරීන් කටයුතු කරන බලහත්කාරී ස්වභාවය අනුව මසක වැටුප කපා ගැනීමේ බලහත්කාරීත්වයක් ඇතිවන බවද මනාව පැහැදිලි වේ.’

අනුරංග ජයසිංහ