පසුගිය මහමැතිවරණයේදී උතුරු නැගෙනහිර පළාත්වලින් හා ජාතික ලැයිස්තුවෙන් ආසන 16ක් දිනාගත් දෙමළ ජාතික සන්ධානයට මෙවර මහමැතිවරණයේදී දිනාගත හැකිවී ඇත්තේ ආසන  10 ක් පමණි.

ශ්‍රී ලංකා නිදහස් පක්ෂයෙන් තරඟ කළ අන්ගජන් රාමනාදන්, අකිල ඉලංගයි තමිල් කොංග්‍රසයේ නායක ගජේන්ද්‍රකුමාර් පොන්නම්බලම් සහ තමිල් මක්කල් තේසීය කුට්ටනි පක්ෂයේ නායක සී.වී විග්නේෂ්වරන් යන අපේක්ෂකයන්ට උතුරු පළාතේ ආසනවලින් ආසන 3ක් බෙදී ගොස් ඇත. ගියවර එම පක්ෂවලට ආසන ලැබී තිබුණේ නැත.

තවද උතුරු පළාතෙන් තරග කළ ඩග්ලස් දේවානන්ද මහතාගේ නායකත්වයෙන් යුතු ඊපීඩීපී පක්ෂයට ආසන 2 ක් ද ලැබී ඇත. එම පක්ෂයට ගියවර ලැබුණේ එක් ආසනයක් පමණි.■