සිරදඬුවම් ලබා වැලිකඩ බන්ධනාගාරයේ සිටින ගලගොඩඅත්තේ ඥානසාර හිමියන් සිරකරුවකු විසින් ඇඳිය යුතු ජම්පරය නොඇඳ සිවුර පිටින් බන්ධනාගාරය තුළ සිටින බව වාර්තා වේ.
එසේ වුවද වැලිකඩ බන්ධනාගාරය ඇතුළු රට පුරා පිහිටි බන්ධනාගාරවල සිටින සිරදඬුවම් ලැබූ භික්ෂූන් හා වෙනත් ආගමික පූජකවරුන් සිරකරු ඇඳුම වන ජම්පරය ඇඳ එම සිරදඬුවම් කාලය ගත කරන බව බන්ධනාගාර ආරංචි මාර්ග වැඩිදුරටත් ප්‍රකාශ කරයි.
අධිකරණයට අපහාස කිරීම සම්බන්ධයෙන් වරදකරු වූ ගලගොඩඅත්තේ ඥානසාර හිමියන්ට අභියාචනාධිකරණය විසින් බරපතළ වැඩ සහිත අවුරුදු හයක සිරදඬුවම් ලබාදුන්නේය.
මේ පිළිබඳව අනිද්දා කළ විමසුමකදී බන්ධනාගාර මාධ්‍ය ප්‍රකාශක එච්. එම්. ටී. එන්. උපුල්දෙනිය මහතා ප්‍රකාශ කළේ එහිමියන් විසින් කලක පටන් මෙසේ සිවුර අඳින බවත් ඒ පිළිබඳව නැවත සොයා බැලිය යුතු බවත්‍ ය.■