විශාල පක්ෂ දෙකක් සමඟ පසුගිය ආණ්ඩුව සමයේ සන්ධාන ගත වී සිටියත් දෙමළ ජනතාවගේ ජාතික ප්‍රශ්නය වෙනුවෙන් විසඳුමක් ලබා දීමට තමන්ට නොහැකි වු බව දෙමළ ජාතික සන්ධානයේ නායක ආර් සම්බන්ධන් පවසා තිබේ.

යහපාලන සමයේදී ආණ්ඩුවේ පක්ෂ දෙකක් සමඟ තම පක්ෂය වැඩ කළත් ඔවුන් තුළ ඇති කරගත් අර්බුද නිසා දෙමළ ජනතාවට අසාධාරණයක් සිදුවූ බවත් ඒ මහතා පවසා ඇත. ඔහු මේ බව පවසා ඇත්තේ ශ්‍රී ලංකාවේ ඇමරිකානු තානාපති ඇලේනා ග්‍රේ බියටි්‍රස් මහත්මිය අගෝස්තු අගෝස්තු 26 වන දින සවස සම්බන්ධන් මහතාගේ ත්‍රිකුණාමලයේ පිහිටි නිවසේදී හමුවීමෙන් පසුව මාධ්‍ය අමතමිනි.

අලුත් ව්‍යවස්ථාවක් සම්පාදනය කර රටේ ප්‍රශ්නවලට ඉක්මනින් විසඳුමක් ලබා දෙන බව පවසමින් 13 වන සංශෝධනයේ විශාල සංශෝධනයක් කිරීමට රජය දරන උත්සාහය පිළිබඳවත්, දහනවවැනි සංශෝධනය අහෝසි කිරීමට රජය උත්සාහ කිරීම පිළිබඳවත්, මහමැතිවරණයේ ප්‍රතිඵලය පිළිබඳවත් තමා එහිදී ඇමෙරිකානු තානාපතිවරිය සමඟ සාකච්ඡා කළ බව සම්බන්ධන් මහතා එහිදී මාධ්‍ය වෙත කියා තිබේ.■

හංසි මානවඩු