සිවිල් සංවිධාන

එක්සත් ජාතික පක්ෂය සහ ශ‍්‍රී ලංකා මුස්ලිම් කොංග‍්‍රසය එක්වී ගොඩනැගීමට සූදානම් වන ජාතික ආණ්ඩුවට විරෝධය පළ කරන බව සිවිල් සංවිධාන නියෝජිතයෝ ප‍්‍රකාශ කරති.

පුරවැසි බලය, සාධාරණ සමාජයක් උදෙසා ජාතික ව්‍යාපාරය, අලූත් පරපුර සහ ජන අණසක යන සංවිධානවල නියෝජිතයින් අනිද්දා කළ විමසීමකදී මෙම විරෝධය පළ කරනු ලැබීය.

පුරවැසි බලය සංවිධානයේ සාමාජික නීතීඥ ජාවිඞ් යූසුෆ් මහතා ප‍්‍රකාශ කලේ  ජාතික ආණ්ඩුක් පිහිටවනු ලබන්නේ  දේශපාල අර්බුදයක්, යුද්ධයක් හෝ කැරැුල්ලත්  ඇති වු මොහොතක  රට එම  අර්බුධයෙන් ගොඩ ගැනීමට බවත්, ජාතික ආණ්ඩුක් ගොඩනැගීම  මේ  මොහොතේ රටට  අවශ්‍ය නොමැති බවත්ය.

මෙම ජාතික ආණ්ඩු සංකල්පය  රටේ දේශපාලන පිරීහිමේ සංකේතයක් විදියට දැකිය හැකි බවත් 2018 ඔක්තෝම්බර් 26 මේ රටේ ඇති වු දේශපාලන අර්බුදය හමුවේ  මෛත‍්‍රීපාල සිරිසේන සහ මහින්ද රාජපක්ෂ යන දේපළගේ ක‍්‍රියා අනුමත කරමින් ඔවුන්ගේ ක‍්‍රියාවලට කිසිදු විරෝධෙයක් පළ නොකළ පාර්ලිමේන්තු මන්ත‍්‍රිවරුන් හට ඇමති ධුර ලබා දීමට සැ¥ ව්‍යාපෘතියක් බවත්ය.

සාධාරණ සමාජයක් උදෙසා ජාතික ව්‍යාපාරයේ කැඳවුම්කරු මහාචාර්ය  සරත් විජේසූරිය මහතා ප‍්‍රකාශ කළේ  පහුගිය වකවානුවේ ජාතික ආණ්ඩුවක් නිර්මාණය  කළේ වැදගත් අරමුණක් ඇතිව බවත් ඒ කටයුත්ත මේ රටේ ප‍්‍රධාන පක්ෂයක උවමනාව මත පමණක් සිදු නොවිය හැකි බවත් රටේ ප‍්‍රධාන පක්ෂ දෙකම එකට එකතු විය යුතු බවත්ය.

එක්සත්  ජාතික පෙරමුණ  විසින් මේ වන විට ජාතික ආණ්ඩුක්  පිහිටුවීමට කටයුතු කරන්නේ ඇමතිවරුන්ගේ සංඛ්‍යාව  වැඩි කර ගැනීමට පමණක් බවත් එය රටේ අවශ්‍යතාවයක් නොවන බවත් ඔවුන්ගේ අරමුණ ආණ්ඩුව රැුක ගැනීමෙ පමණක් බවත් ඔහු වැඩිදුරටත් පැවසිය.

අලූත් පරපුර සංවිධානයේ සුදන්ත මාධව මහතා පැවසූවේ මුස්ලිම් කොංග‍්‍රසය සමග ජාතික ආණ්ඩුවකට යෑම නිල වශයෙන් සුජාතභාවය පෙන්වීමට එක්සත් ජාතික පක්ෂය ගන්නා උත්සාහයක් බවත්, මෛත‍්‍රී පාර්ශ්වයෙන් එක්වූ පිරිස්වලට හා එක්සත් ජාතික පක්ෂයේ තවත් පිරිසකට ඇමතිකම් ලබාදීමට ගන්නා උත්සාහයක් පමණක් බවත්ය.

ජන අණසක සංවිධනයේ කැඳවුම්කරු විදර්ශන කන්නංගර පැවසුවේ එක්සත් ජාතික පක්ෂය මේ මොහොතේ ජාතික ආණ්ඩුවක් ගෙන ඒමට තර්ක රාශියක් ගෙන ආව ද එය ප‍්‍රජාතන්ත‍්‍ර විරෝධී ක‍්‍රියාවක් බවත් අප ඇතුළු සිවිල් සමාජ කණ්ඩායම් විරුද්ධ වූ ප‍්‍රජාතන්ත‍්‍ර විරෝධී කටයුතුවලට එජාපය නැවත දායකත්වය ලබාදීමක් බවත්ය.

මේ වන විට මෙරට ප‍්‍රධාන පක්ෂ දෙකම දේශපාලන අර්බුදයක සහ පක්ෂමය අර්බුදයක සිටින බවත් ඔවුන්ගේ දේශපාලන පවතින්නේම මෙවැනි කුමන්ත‍්‍රණ සහ අත්තනෝමතික යෝජනා ඉදිරිපත් කරමින් ඒවා සම්මත කරගනිමින් බවය.