අමාත්‍ය
ලක්ෂ්මන් කිරිඇල්ල

ඔබේ කණ්ඩායම විසින් ප්‍රජාතන්ත්‍රවාදී ජාතික පෙ රමුණ නමින් සන්ධානයක් හදන්නට තීරණය කරලා තියෙන වා. මේ සන්ධානයේ ප්‍රතිපත්ති මොනවාද?
අපි එක්ක එකතුවෙලා ඉන්න කණ්ඩායම්වලට එක්සත් ජාතික පක්ෂයේ ප්‍රතිපත්ති සමග ලොකු මතභේදයක් නැහැ. අපි අනෙකුත් පක්ෂ සමග සාකච්ඡා කරනවා. ඉන්පස්සේ අපේ ප්‍රතිපත්තිවල වෙනස්කම් කරගන්න ඕනෑ නම් වෙනස් කරගන්නවා. එහෙත් දරුණු මතභේද මොනාවත් නැහැ. උදාහරණයක් විදියට ආර්ථික ප්‍රතිපත්තිය ගැන ලොකු විවේචනයක් නැහැ. අපි උත්සාහ කරන්නේ යහපාලන ප්‍රතිපත්ති වෙනුවෙන් පෙනී සිටින සන්ධානයක් නිර්මාණය කරන්නයි.

විධායක ජනාධිපති ක්‍රමය අහෝසි කරන්නට එකඟද?
ඒ ගැන නම් තවම සාකච්ඡා කළේ නැහැ. මේ වෙද්දී හැම පක්ෂයක්ම වගේ කියලා තියෙනවා විධායක ජනාධිපති ක්‍රමය අහෝසි කරන්නට පියවර ගන්නා බව. අනෙක් පක්ෂ පවා මැතිවරණවලදී ඒ බව කියලා තියෙනවා. ඒ නිසා අපි හිතන්නේ විධායක ජනාධිපති ක්‍රමය අහෝසි කරන්න උත්සාහ කරනවා.

අගමැතිවරයා කියලා තිබුණා විධායක ජනාධිපති ක්‍රමය අහෙ ා්සි කරන්නට තුනෙන් දෙකක බලයක් මීළඟ මැති වරණය්‍ෙදී ඉල්ලනවා කියලා..
පැහැදිළිවම. අපට බලය තිබුණානම් අපි විධායක ජනාධිපති ක්‍රමය අහෝසි කරනවා. එහෙත් දැන් පාර්ලිමේන්තුවේ බලය නැහැ. 19 වැනි සංශෝධනය ගෙනාවේත් බොහොම අමාරුවෙන්. සියලු‍ම දෙනා එක් දැක්කානේ.

ඒත් මේ මැතිවරණ ක්‍රමය යටතේ තුනෙන් දෙකක බලයක් ඉල්ලීම නොකෙරෙන වෙදකමට කෝඳුරු තෙල් හත් පට්ටයක් ඉල්ලීම වගෙයි. ජ.වි.පෙ. 20 වන සංශෝධනයට සහයෝගය දක්වන්නේ නැතිද?
ජනතා විමුක්ති පෙරමුණ යෝජනාව දාලා තියෙනවා. අපි ප්‍රතිපත්තියක් විදියට එකඟයි. ඒත් පාර්ලිමේන්තුවේ තුනෙන් දෙකක බලයක් ඒකට ගන්නේ කොහොමද කියලා ප්‍රශ්නයක් තියෙනවා. අපි ඒක කරන්නේ කොහොමද කියලා දීර්ඝ විදියට සාකච්ඡා කරලා නැහැ.

අපි කතාකරන මොහොත වෙද්දිත් අමාත්‍ය මණ්ඩලය පත් කිරීම පිළිබඳව පවා මතභේද තියෙනවා නේද?
ඇත්ත වශයෙන්ම අමාත්‍යවරු තෝරන්නේ ජනාධිපතිතුමා සහ අගමැතිතුමා එකතුවෙලා. විෂයන් තෝරන්නේත් එකට තමයි. ඒක කරන්න ඕනෑ. නැත්නම් වැඩ කරන්න බැහැ. මේ දවස්වල අමාත්‍යංශ ගොඩක් ඉන්නේ වැඩ කරන්න බැරිව. මොකද විෂයන් තවමත් තීරණය කරලා නැහැ.

මේ විදියට ආණ්ඩුවට ඉදිරියට යා හැකිද? ජනාධිපතිවරයා එක්ක වැඩ කරන්න අමාරු නැද්ද?
එහෙම පරස්පර විරෝධයක් තියෙනවා. අගමැතිතුමාට තමයි බලය තියෙන්නේ. ජනාධිපතිතුමා සහ අගමැතිතුමා එකට කටයුතු කරන්න ඕනෑ, එහෙම නොකරන එක ප්‍රශ්නයක් තමයි.

පොලිස් දෙපාර්තමේන්තුව ඇතුළත් වන නීතිය හා සාමය පිළිබඳ අමාත්‍යාංශය තමන් යටතේ තබාගන්න ජන ාධිපති වරයා උත්සාහ කරනවා නේද?
ඇත්තටම නීතිය හා සාමය අමාත්‍යාංශය තියාගන්න ජනාධිපතිතුමාට අයිතියක් නැහැ. ජනාධිපතිතුමා තේරුම්ගන්න ඕනෑ ව්‍යවස්ථාවට අනුව. ජනාධිපතිතුමා පොඩි ළමයෙක් නෙවෙයිනෙ. හැම දෙයක්ම පොඩි ළමයෙක්ට වගේ පැහැදිළි කරන්න බෑ.

දැනට අප සතුව තියෙන තොරතුර තමයි මාසයක් ගතවෙනතුරු පමණක් ජනාධිපතිවරයා යටතේ ඒ විෂය තබාගන්නට එජාපෙ එකඟවෙලා තිබෙන බව…
එහෙම තමයි කිව්වේ. ඒ ගැන බලන්න වෙනවා. නීතිය හා සාමය කියන්නේ සිවිල් විෂයක්. ඒත් විෂයන් එහා මෙහා කරන්නත් පුලු‍වන්. ගෝඨාභය රාජපක්ෂ ආරක්ෂක ඇමතිවරයා විදියට කටයුතු කරද්දී නාගරික සංවර්ධන අධිකාරිය ඔහුගේ යටතට බාරදීලා තිබුණා. අහවල් විෂය අහවල් අමාත්‍යාංශය යටතේම තියෙන්න ඕනෑ කියලා පැහැදිළි චිත්‍රයක් නැහැ.
එහෙත් යහපාලන ආණ්ඩුව පැහැදිළි සංකල්පීය ප්‍රතිපත්තියක හිටියා. පොලීසිය සිවිල් දෙපාර්තමේන්තුවක් ලෙස ඉදිරියට ගෙනයන්නට. පොලීසිය අර්ධ හමුදාවක් ලෙස පැවතීම විශේෂයෙන්ම උතුරේ පුරවැසියන්ට අසීරු තත්ත්වයක්..
ඒක ඇත්ත. බොහෝ රටවල්වල පොලීසිය තියෙන්නේ ස්වදේශ කටයුතු අමාත්‍යාංශය යටතේ. ඉන්දියාවේත් පොලීසිය තියෙන්නේ ස්වදේශ කටයුතු අමාත්‍යාංශය යටතේ. එහෙත් මේවා එක දවසෙන් වෙනස් කරන්න බැහැ. අවුරුදු තිහක යුද්ධයක් තිබුණු රටක්. පොලීසිය, ආරක්ෂාව වගේ මාතෘකා ගැන වෙනස් අදහස් තමයි මිනිස්සුන්ට තියෙන්නෙ. අපි බලයට පත්වුණාට පස්සෙ ආරක්ෂක අමාත්‍යාංශය යටතේ තිබුණු ඉඩම් නිදහස් කළා. ඒ වගේ තමයි. ක්‍රමානුකූලව පියවරෙන් පියවරට ඉදිරියට යන්න ඕනෑ.

එක්සත් ජාතික පෙරමුණ, ශ්‍රී ලංකා නිදහස් පක්ෂයෙන් ආ කණ්ඩායම හා මුස්ලිම් කොංග්‍රසය එක්ව ජාතික ආණ්ඩුවක් ලෙස පෙනි සිටිමින් අමාත්‍ය ධූර සංඛ්‍යාව වැඩි කරගන්නට බලාපොරොත්තු වෙනවාද?
නැහැ. අපි ඒක කරන්නේ නැහැ. මූලික වශයෙන් අපි උත්සාහ කරනවා කැබිනට් මණ්ඩලය 32ක් විය යුතු බව. එතැනින් එහාට සටනක් දැනට නැහැ. අපි කියන්නේ ජනාධිපතිතුමා සහ අගමැතිතුමා අමාත්‍යවරුන් විදියට නොසලකා, අමාත්‍යවරුන් 30 ක් ඉන්න ඕනෑ බව. අමාත්‍යවරුන් සඳහා තමයි 30 සීමාවක් තියෙන්නේ. ජනාධිපති සහ අගමැති යටතේ අමාත්‍යාංශ තිබුණත් ඔවුන් නියෝජනය කරන්නේ වෙනත් තනතුරු. එතකොට ඇමතිවරුන් 30ක් ඉන්න පුලු‍වන්. දැන් ඉන්නේ 28යි.

මහින්ද රාජපක්ෂගේ විපක්ෂනායක ධූරය සම්බන්ධයෙන් ඉදිරියේදී කුමක් සිදුවේවිද?
ආසනය අහිමි වුණොත් විපක්ෂ නායක ධූරය දරන්න බැහැ. අපේ රටේ ආණ්ඩුක්‍රම ව්‍යවස්ථාවේ 99 ව්‍යවස්ථාව යටතේ පැහැදිළිවම තියෙනවා පාර්ලිමේන්තුවට ඇතුළුවුණ පක්ෂයේ සාමාජිකත්වයෙන් අයින් වුණොත් මාසයක් ඇතුලත පාර්ලිමේන්තු මන්ත්‍රීධූරය අහිමි වෙන බව. මේ වගන්තිය පාවිච්චි කරලා නැහැ. දැන් ඔවුන් පැහැදිළිවම පොදුජන පෙරමුණේ සාමාජිකත්වය ගත්තා. ප්‍රසිද්ධියේම. ලෝකයටම පේන්න. දැන් විවිධ කතා කියනවා. එයාලාගේ සමාජ මාධ්‍යවල දැම්මා. සාමාජිකත්ව කාඞ් උස්සාගෙන හිටියා. වෙබ් අඩවිවල දැම්මා. ඓතිහාසික ප්‍රකාශ නිකුත් කළා. දැන් ඒ සියල්ල බොරු කියලා ඔවුන් කියනවා. ඔවුන්ව විශ්වාස කරන්න පුලු‍වන්ද කියලා මිනිස්සු හිතන්න ඕනෑ. කෙසේ වෙතත් නෛතික තත්ත්වය බලන්න ඕනෑ ඉදිරියේදී. ඔවුන් සාමාජිකත්වය නොගත් බවට කියන ප්‍රකාශය විශ්වාස කරන්න පුලු‍වන්ද කියන එක ඉදිරි ප්‍රශ්නයක්.

නවීන් දිසානායක ඇමතිවරයා කියලා තිබුණා 2019 මාර්තු මාසයේදී විතර මහමැතිවරණයක් බලාපොරොත්තු වන බව. නියමිත කාලයට පෙර පාර්ලිමේන්තු මැතිවරණයක් බලාf පා රොත්තු වෙනවාද?
මම දන්න තරමින් එහෙ
ම දෙයක් නැහැ. මැතිවරණය කලින් කැඳවනවානම් පාර්ලිමේන්තුවේ තුනෙන් දෙකක අනුමැතියකින් කරන්න පුලු‍වන්. ඒත් ආණ්ඩුවට ඉදිරියට යන්න බාධාවක් නැහැ. ඇත්තටම මහින්ද රාජපක්ෂලා වෙනුවෙන් පාර්ලිමේන්තුවේ 86ක් විතර තමයි ඉන්නේ. විස්සක් විතර පාර්ලිමේන්තුවට ආවේත් නැහැ. ඒ නිසා පාර්ලිමේන්තුවේදී අපට අභියෝග කරන්න බැහැ. එක්සත් ජනතා නිදහස් සන්ධානයේ සියළුදෙනාම එකම මතයක නැහැ.

මේ විදියට ජනාධිපතිවරයා එක්ක දිගටම ගැටුම් ඇතිවුණොත් එක්කෝ පාර්ලිමේන්තු මැතිවරණයක් පවත්වන්නට සිදුවේවිද?
එහෙම කරන්න ඉඩ තියෙනවා. ඒත් යන විදිය බලන්න ඕනෑ. දැනට අපේ බලාපොරොත්තුව ජනාධිපතිතුමා එක්ක සාමකාමීව කටයුතු කිරීමයි.■