ගෝඨාභය රාජපක්ෂ එකිනෙක පට්ටපල් බොරුවක් කියා තිබුණි. ඒ අගෝස්තු 22 වැනිදා පොදුජන පෙරමුණේ පළාත් පාලන නියෝජිතයන් හමුවූ අවස්ථාවේදීය. ඔහු කළ ප්‍රකාශය මෙසේය.


‘මගේ ඇමෙරිකානු පුරවැසිභාවය තවම ඉවත්කරගෙන නෑ කියලා බොරු මතයක් යවලා තියෙනවා. මම මේ අවුරුද්දේ අප්‍රේල් මාසයේ 17 වැනිදා මට ඇමෙරිකානු තානාපති කාර්යලයෙන් පුරවැසිභාවය ඉවත් කිරීමේ සහතිකය ලබාදුන්නා. ඒ සහතිකය ආගමන හා විගමන දෙපාර්තමේන්තුවට ඉදිරිපත් කරලා මට ඉස්සෙල්ලා තිබුණු ශ්‍රී ලංකා පාස්පෝට් එකේ තිබුණු ද්විත්ව පුරවැසියෙක් කියන එකත් ඉවත් කරගත්තා. ඒක සම්පූර්ණයෙන්ම නිත්‍යානුකූලව කිසිම ප්‍රශ්නයක් නැතිවෙන විදියට විසඳගෙන අවසානයි.’


මෙය පට්ටපල් බොරුවක් බව අප කියන්නේ ඉතාම සරල කරුණු කිහිපයක් නිසාය. ඔහු කියන්නේ අප්‍රේල් 17 වැනිදා පුරවැසිභාවය ඉවත්කරගත් බවත්, පුරවැසිභාවය ඉවත්කරගැනීමේ සහතිකය ඔහුට ඇමෙරිකානු තානාපති කාර්යාලය එදින ලබාදුන් බවත්ය. එය අමුම අමු බොරුවකි. පොදුජන පෙරමුණේ පළාත් පාලන නියෝජිතයන්ව එයින් රැවටිය හැකිය.
එහෙත් ඇමෙරිකානු පුරවැසිභාවය ඉවත්කරගැනීමේ සහතිකයක් යනු කුමක්දැයි ඇමෙරිකානු රාජ්‍ය දෙපාර්තමේන්තුවේ නිල වෙබ් අඩවියෙන් කියවා ඇති අයෙකුට එය පට්ටපල් බොරුවක් බව ක්ෂණයෙන් වැටහෙනු ඇත. අඩු තරමේ විකිපීඩියාවෙන් ඒ ගැන කියවෙන කෙනෙකුට වුව බොරුව වැටහෙයි. ඇත්තෙන්ම මේ වෙද්දී ලංකාවේ සිටින ක්‍රියාකාරී පුරවැසියන් ගෝඨාභය රාජපක්ෂගේ පුරවැසිභාවය පිළිබඳ මාතෘකාව ගැන දැඩි අවබෝධයකින් සිටී. පුරවැසිභාවය ඉවත් කරගැනීමේ සහතික දෙන්නේ ගෝඨාභය රාජපක්ෂ කියන ආකාරයට ඇමෙරිකානු තානාපති කාර්යාලවලන් නොවේ. එමෙන්ම එම සහතිකය දෙන්නේ යම් ඇමෙරිකන් පුරවැසියෙකු පුරවැසිභාවය ඉවත් කරගැනීමට අදාල දිවුරුම ඇමෙරිකන් තානාපති කාර්යාලයකට ලබාදෙන දිනයේත් නොවේ. ඒ නිසා එම සහතිකය ලැබුණේ කාගෙන්ද යන්නත්, ලැබුණේ කවදාද යන්නත් ගෝඨාභය රාජපක්ෂ කියූ පට්ටපල් බොරු වෙයි.


දැනට ගෝඨාභය රාජපක්ෂ සත්‍ය යැයි පිළිගෙන තිබෙන, මව්බිම පුවත්පතෙන් ප්‍රසිද්ධ කළ පුරවැසිභාවය ඉවත් කරගැනීමේ සහතිකය දෙස බැලූ කලම ඒ ගැන සැබෑ තත්වය ඕනෑම අයෙකුට පැහැදිළි වෙනු ඇත. එම සහතිකයේ ඉහළ දකුණු කෙළවරේ එම සහතිකය අනුමත කළ දිනය ඇත. ඒ දිනය වන්නේ ගෝඨා ඉහතින් උපුටා දැක්වූ ප්‍රකාශයේදී කී අප්‍රේල් 17 වැනිදාට පසු දිනයකි. 2019 මැයි 03 වැනිදාය. ඒ සහතිකයේම සඳහන්ව ඇත්තේ ඇමෙරිකානු රාජ්‍ය දෙපාර්තමේන්තුවෙන් එම සහතිකයට අනුමැතිය දුන් බවයි.


අප්‍රේල් 17 වැනිදා සිදුව ඇත්තේ ඔහු පුරවැසිභාවය ඉවත් කරගැනීමට අදාල දිවුරුම ලබාදීමයි. (තමන් ඇමෙරිකන් පුරවැසිභාවය අත්හැරියද තමන් ක්ෂේත්‍ර කිහිපයකින් තවදුරටත් ඇමෙරිකාවට බැඳී සිටින බවට දිවුරුම් දිය යුතුය.) ඇමෙරිකානු පුරවැසිභාවය ඉවත් කරගැනීම ලැබෙන්නේ ඒ දිවුරුම ඇමෙරිකාවට යැවීමෙන් පසුය. ඇමෙරිකානු රාජ්‍ය දෙපාර්තමේන්තුව ඉන්පසුව පුරවැසිභාවය ඉවත් කරගැනීමේ සහතිකය නිකුත් කරයි. ඒ සහතිකය නිකුත් කරන්නේ කලින් කී දිවුරුම ලබාදුන් දිනයේ ඇමෙරිකන් පුරවැසිභාවය ඉවත් කරගත් බව සඳහන් කරමින් බව ඇත්තය. එහෙත් ඒ සහතිකය දෙන්නේ පසුවය. ඒ නිසා තමන් ඒ සහතිකය ඉදිරිපත් කොට ලාංකික ගුවන් බලපත්‍රය ලබාගත් බව ඔහු කියන කතාව බොරුවකි.
ඇත්තෙන්ම ඔහු දින වකවානු විකෘති කරමින් මේ බොරුව කියන්නේ සිය අලුත් ලාංකික ගුවන් ගමන් බලපත්‍රය පසුපස තිබෙන වංචාව වසාගැනීමටය. මැයි 03 වැනිදා සහතික කර තිබුණු ඔහුගේ පුරවැසිභාවය ඉවත් කරගැනීමේ සහතිකය ලංකාවට පැමිණ තිබුණේ ජුලි මාසයේදී බව ඔහුට සමීප ආරංචිමාර්ග පවසයි.
එහෙත් ඔහු ලාංකික පුරවැසියෙකු බව සඳහන් ගුවන් බලපත්‍රය ලබාගෙන තිබුණේ ඊට පෙරය. මැයි 07 වැනිදාය. මීට පෙර ඬේලි එෆ්ටී පුවත්පතද වාර්තා කර තිබුණු පරිදි ඔහු ගුවන් බලපත්‍රය ලබාගෙන තිබුණේ පුරවැසිභාවය ඉවත් කරගැනීමේ සහතිකය ඉදිරිපත් කරමින් නොවේ.


මැයි 03 සිකුරාදාවකි. එදින අනුමත කළ සහතිකය තමන්ගේ අතට මැයි 07 වැනිදාට පෙර ලැබුණු බව ගෝඨාභය රාජපක්ෂ කියන්නේද. එසේ කියන්නේනම් ඇමෙරිකානු රාජ්‍ය දෙපාර්තමේන්තුව සාමාන්‍ය ක්‍රමවේදවලට පිටින් ගොස් ගෝඨාභය රාජපක්ෂගේ ඉහත සහතිකයට අනුමැතිය දුන් දිනයේම එය වහාම ඇමෙරිකාවෙන් තැපැල් කර ඇතිවා විය යුතුය. ඉන්පසුව සති අන්තය ඇතුලත ඇමෙරිකාවෙන් ලංකාවටත් පැමිණ ඇත. ඉන්පසුව ඔහු ලංකාවේ නව ගුවන් ගමන් බලපත්‍රයක් ලබාගැනීමට අදාල අයදුම්පත්‍ර පුරවා ආගමන විගමන දෙපාර්තමේන්තුවට ඉදිරිපත් කොට ඒවාට අනුමැතියත් ලැබී නව ගුවන් බලපත්‍රයක් ලබාගැනීමත් මැයි 07 වැනිදා සවස 3 වෙදදී සිදුවිය යුතුය. එය තර්කානුකූළව සැලකුවොත් සිදුවිය හැක්කක් නොවේ. සිදුව තිබුණේත් එය නොවේ.


ඔහුට නව ගුවන් බලපත්‍රය නිකුත් කර තිබුණේ ඔහු නව හැඳුනුම්පතක් ඉදිරිපත් කර තිබුණු නිසාය. ඒ ගුවන් බලපත්‍රය ලැබී තිබුණේ නව හැඳුනුම්පත් අංකය යටතේය. ඔහුගේ ද්විත්ව පුරවැසිභාවය හසු නොවෙන ලෙස නව ගුවන්බලපත්‍රයක් ලබාගන්නට හැකිවුණේ ඒ නිසාය.
ඇත්තෙන්ම පොහොට්ටු පළාත් පාලන නියෝජිතයන් හමුවේ ගෝඨාභය රාජපක්ෂ කර ඇති ඉහත කී ප්‍රකාශයෙන් ඔහුගේ පුරවැසිභාවය ඉවත් කරගැනීමේ පිළිබඳ සැකය තවත් තහවුරු වීමක් පමණක් සිදුව ඇත. ඔහුගේ පුරවැසිභාවය ඉවත් කරගැනීම පිළිබඳ සැකය තහවුරු කරන තවත් කාරණයක් වන්නේ ඇමෙරිකාව ෆෙඩරල් රෙජිස්ටර් වෙබ් අඩවියෙහි නිකුත් කරන ලැයිස්තුවේ ගෝඨාභය රාජපක්ෂගේ නම නොතිබීමය. සාමාන්‍යයෙන් පුරවැසිභාවය ඉවත් කරගැනීමේ ක්‍රියාවලිය සම්පූර්ණ වන්නේ එම ලැයිස්තුවට නම ඇතුලත් වීමෙන් පසුවය.
මේ අතර ගෝඨාභය රාජපක්ෂ මැතිවරණ කොමිෂන් සභාවේ නිලධාරීන්ව අගෝස්තු 26 වැනිදා හමුවී තිබුණි. එහිදී ගෝඨාභය රාජපක්ෂ පුරවැසිභාවය ඉවත් කරගත් බව ලියකිවිලි ලබාදෙමින් තහවුරු කළ බවත්, එය මැතිවරණ කොමිෂන් සභාව පිළිගත් බවත් මාධ්‍යවලින් මහා ඉහළින් වාර්තා කර තිබුණි. එය විශේෂ හමුවක් ලෙස මවා පෙන්වා තිබුණි.
එහෙත් ඇත්තෙන්ම එය විශේෂ හමුවක් නොවේ. ඒ හමුව ගැන විමසන අවස්ථාවලදී මැතිවරණ කොමිෂන් සභාවේ නිලධාරියෙකු කියා තිබුණේ මැතිවරණයකට ඉදිරිපත් වෙන බව කියන ඕනෑම කෙනෙක්ව මුණගැසීම මැතිවරණ කොමිෂන් සභාව සාමාන්‍යයෙන් සිදුකරන කටයුත්තක් බවයි. පක්ෂවල නියෝජිතයන්ට කොමිෂම හමුවීමට අවශ්‍ය නම් සඳුදා දිනයක පැමිණෙන ලෙස මීට පෙර දැනුම් දී ඇත. ඒ අනුව ගෝඨාභය රාජපක්ෂ සඳුදා දිනයක හමුවීමට පැමිණ ඇත.
එම හමුවේදී ඔහු සිය ඇමෙරිකන් පුරවැසිභාවය ඉවත් කරගැනීමේ සහතිකය මැතිවරණ කොමිෂන් සභාවේ නිලධාරීන්ට පෙන්වා ඇත. එහෙත් ආරංචිමාර්ග පවසන්නේ මැතිවරණ කොමිෂන් සභාවේ සභාපති මහින්ද දේශප්‍රිය හා එහි සාමාජික නලින් නලින් අබේසේකර මහතා එම සහතිකය ගැන උනන්දුවක් පෙන්වා ඇත්තේම නැත. මහාචාර්ය රත්නජීවන් හූල් පමණක් එය අතට අරගෙන බැල්මක් හෙලා නැවත ලබාදී ඇත. ‘පේන විදියට නම් හරි.‘ මහාචාර්යවරයා ඉංග්‍රීසියෙන් එසේ පවසා ඇත. එපමණකි. ගෝඨාභය රාජපක්ෂ ඉදිරිපත් කළ සහතිකය ගැන මැතිවරණ කොමිෂන් සභාවේ සාමාජිකයන් එතැනින් එහා උනන්දුවක් දක්වා නැත.


එයට හේතුව වී ඇත්තේ ගෝඨාභය රාජපක්ෂගේ පුරවැසිභාවය පිළිබඳ තත්වය කුමක් වුවද මැතිවරණ කොමිෂන් සභාව නාමයෝජනා ප්‍රතික්ෂේප නොකිරීමයි. ඔවුන් නාමයෝජනා බාරගනු ඇත. ඔවුන් එම නාමයෝජනා පිළිනොගන්නා තත්වයට පත්විය හැක්කේ යම් පුරවැසියෙකු ගෝඨාභය රාජපක්ෂගේ පුරවැසිභාවය ප්‍රශ්න කරමින් අධිකරණය ඉදිරියට ගියහොත්ය. ඇත්තෙන්ම ගෝඨාභය රාජපක්ෂට තිබෙනවායැයි කියන පුරවැසිභාවය ඉවත් කරගැනීමේ සහතිකය මැතිවරණ කොමිෂන් සභාවට පෙන්වීමෙන් ඇති සෙතක් නැත. ඔවුන්ටද එය අදාල නැත.
මේ වෙද්දී ගෝඨාභය රාජපක්ෂ හිතවාදී මාධ්‍ය උත්සාහ කරන්නේ එවැනි සිදුවීම් හා ප්‍රකාශ මගින් ගෝඨාභය රාජපක්ෂගේ පුරවැසිභාවය පිළිබඳ ප්‍රශ්නය සම්පූර්ණයෙන්ම නිරාකරණය කරගත් බව මවා පෙන්වන්නටය. එහෙත් ඒ බව පෙන්වන්නට ඔහු ගන්නා හැම උත්සාහයක්ම සැකය වැඩිකරන ඒවාය. ඔහුගේ පුරවැසිභාවය පැහැදිළිවම ඉවත් කරගෙන ඇතිනම් ඔහුට ප්‍රසිද්ධියේ ඒ බව පැහැදිළිව ප්‍රකාශ කළ හැකිය.
මීට පෙර කලෙක ගෝඨාභය රාජපක්ෂ ඇමෙරිකන් පුරවැසියෙකුය යන කාරණයත් සඟවා තැබීමට ඔහුගේ පැත්තෙන් විශාල වෙහෙසක් ගෙන තිබුණි. එයට හේතුව දේශප්‍රේමීන්ගේ වීරයෙකු වන ඔහු ඇමෙරිකානුවෙකු වන බව සමාජයට හෙළිවීම වැළැක්වීමේ වුවමනාවය. එහෙත් මේ වෙද්දී ඔහු පුරවැසිභාවයේ ප්‍රශ්නය හත්පොලේ ගාගෙන හමාරය. දැන් ඔහු යුද්ධයට බයේ ලංකාවෙන් ඇමෙරිකාවට පලාගිය බියගුල්ලෙකු බව පැහැදිළිව සමාජය ඉදිරියේ නිරාවරණය වී හමාරය. තමන්ට ජනාධිපතිවරණ අපේක්ෂකත්වය දෙන්නට බැරිනම් මහින්ද රාජපක්ෂගෙන් බලෙන් හෝ ලබාගත හැකි බව තහවුරු වනතෙක්ම ඔහු ඇමෙරිකානු පුරවැසිභාවය රැකගත්තේය. ඔහුට ඇමෙරිකානු පුරවැසිභාවය එතරම් වටිනා වස්තුවකි. ඒ වස්තුව රැකගන්නට ගොස් ඔහුට නිසි වෙලාවට ඒ පුරවැසිභාවය අත්හැරීමට නොහැකි විය. තම පුරවැසිභාවය ඉවත් කරගන්නට බැරිවේදැයි බයෙන් ඔහු ලංකාවේ නීතිය අස්සෙන් රිංගා ගොස් ඇමෙරිකන් පුරවැසිභාවය ඇති ද්විත්ව පුරවැසියෙකුව සිටියදීම ද්විත්ව පුරවැසියෙක්ය යන කාරණය ඉවත් කරගත් ලාංකික ගුවන් ගමන් බලපත්‍රයක් හදාගත්තේය. දැන් ඔහු උත්සාහ කරන්නේ ඒ ඒ බොරු එකිනෙකට සමපාත කරගැනීමටය.


එහෙත් ඇමෙරිකානු පුරවැසිභාවය ඉවත්කරගැනීමේ සහතිකයක් යනු කුමක්දැයි ඇමෙරිකානු රාජ්‍ය දෙපාර්තමේන්තුවේ නිල වෙබ් අඩවියෙන් කියවා ඇති අයෙකුට එය පට්ටපල් බොරුවක් බව ක්ෂණයෙන් වැටහෙනු ඇත. අඩු තරමේ විකිපීඩියාවෙන් ඒ ගැන කියවෙන කෙනෙකුට වුව බොරුව වැටහෙයි. ඇත්තෙන්ම මේ වෙද්දී ලංකාවේ සිටින ක්‍රියාකාරී පුරවැසියන් ගෝඨාභය රාජපක්ෂගේ පුරවැසිභාවය පිළිබඳ මාතෘකාව ගැන දැඩි අවබෝධයකින් සිටී. පුරවැසිභාවය ඉවත් කරගැනීමේ සහතික දෙන්නේ ගෝඨාභය රාජපක්ෂ කියන ආකාරයට ඇමෙරිකානු තානාපති කාර්යාලවලන් නොවේ. එමෙන්ම එම සහතිකය දෙන්නේ යම් ඇමෙරිකන් පුරවැසියෙකු පුරවැසිභාවය ඉවත් කරගැනීමට අදාල දිවුරුම ඇමෙරිකන් තානාපති කාර්යාලයකට ලබාදෙන දිනයේත් නොවේ. ඒ නිසා එම සහතිකය ලැබුණේ කාගෙන්ද යන්නත්, ලැබුණේ කවදාද යන්නත් ගෝඨාභය රාජපක්ෂ කියූ පට්ටපල් බොරු වෙයි.
දැනට ගෝඨාභය රාජපක්ෂ සත්‍ය යැයි පිළිගෙන තිබෙන, මව්බිම පුවත්පතෙන් ප්‍රසිද්ධ කළ පුරවැසිභාවය ඉවත් කරගැනීමේ සහතිකය දෙස බැලූ කලම ඒ ගැන සැබෑ තත්වය ඕනෑම අයෙකුට පැහැදිළි වෙනු ඇත. එම සහතිකයේ ඉහළ දකුණු කෙළවරේ එම සහතිකය අනුමත කළ දිනය ඇත. ඒ දිනය වන්නේ ගෝඨා ඉහතින් උපුටා දැක්වූ ප්‍රකාශයේදී කී අප්‍රේල් 17 වැනිදාට පසු දිනයකි. 2019 මැයි 03 වැනිදාය. ඒ සහතිකයේම සඳහන්ව ඇත්තේ ඇමෙරිකානු රාජ්‍ය දෙපාර්තමේන්තුවෙන් එම සහතිකයට අනුමැතිය දුන් බවයි.
අප්‍රේල් 17 වැනිදා සිදුව ඇත්තේ ඔහු පුරවැසිභාවය ඉවත් කරගැනීමට අදාල දිවුරුම ලබාදීමයි. (තමන් ඇමෙරිකන් පුරවැසිභාවය අත්හැරියද තමන් ක්ෂේත්‍ර කිහිපයකින් තවදුරටත් ඇමෙරිකාවට බැඳී සිටින බවට දිවුරුම් දිය යුතුය.) ඇමෙරිකානු පුරවැසිභාවය ඉවත් කරගැනීම ලැබෙන්නේ ඒ දිවුරුම ඇමෙරිකාවට යැවීමෙන් පසුය. ඇමෙරිකානු රාජ්‍ය දෙපාර්තමේන්තුව ඉන්පසුව පුරවැසිභාවය ඉවත් කරගැනීමේ සහතිකය නිකුත් කරයි. ඒ සහතිකය නිකුත් කරන්නේ කලින් කී දිවුරුම ලබාදුන් දිනයේ ඇමෙරිකන් පුරවැසිභාවය ඉවත් කරගත් බව සඳහන් කරමින් බව ඇත්තය. එහෙත් ඒ සහතිකය දෙන්නේ පසුවය. ඒ නිසා තමන් ඒ සහතිකය ඉදිරිපත් කොට ලාංකික ගුවන් බලපත්‍රය ලබාගත් බව ඔහු කියන කතාව බොරුවකි.
ඇත්තෙන්ම ඔහු දින වකවානු විකෘති කරමින් මේ බොරුව කියන්නේ සිය අලුත් ලාංකික ගුවන් ගමන් බලපත්‍රය පසුපස තිබෙන වංචාව වසාගැනීමටය. මැයි 03 වැනිදා සහතික කර තිබුණු ඔහුගේ පුරවැසිභාවය ඉවත් කරගැනීමේ සහතිකය ලංකාවට පැමිණ තිබුණේ ජුලි මාසයේදී බව ඔහුට සමීප ආරංචිමාර්ග පවසයි.
එහෙත් ඔහු ලාංකික පුරවැසියෙකු බව සඳහන් ගුවන් බලපත්‍රය ලබාගෙන තිබුණේ ඊට පෙරය. මැයි 07 වැනිදාය. මීට පෙර ඬේලි එෆ්ටී පුවත්පතද වාර්තා කර තිබුණු පරිදි ඔහු ගුවන් බලපත්‍රය ලබාගෙන තිබුණේ පුරවැසිභාවය ඉවත් කරගැනීමේ සහතිකය ඉදිරිපත් කරමින් නොවේ.
මැයි 03 සිකුරාදාවකි. එදින අනුමත කළ සහතිකය තමන්ගේ අතට මැයි 07 වැනිදාට පෙර ලැබුණු බව ගෝඨාභය රාජපක්ෂ කියන්නේද. එසේ කියන්නේනම් ඇමෙරිකානු රාජ්‍ය දෙපාර්තමේන්තුව සාමාන්‍ය ක්‍රමවේදවලට පිටින් ගොස් ගෝඨාභය රාජපක්ෂගේ ඉහත සහතිකයට අනුමැතිය දුන් දිනයේම එය වහාම ඇමෙරිකාවෙන් තැපැල් කර ඇතිවා විය යුතුය. ඉන්පසුව සති අන්තය ඇතුලත ඇමෙරිකාවෙන් ලංකාවටත් පැමිණ ඇත. ඉන්පසුව ඔහු ලංකාවේ නව ගුවන් ගමන් බලපත්‍රයක් ලබාගැනීමට අදාල අයදුම්පත්‍ර පුරවා ආගමන විගමන දෙපාර්තමේන්තුවට ඉදිරිපත් කොට ඒවාට අනුමැතියත් ලැබී නව ගුවන් බලපත්‍රයක් ලබාගැනීමත් මැයි 07 වැනිදා සවස 3 වෙදදී සිදුවිය යුතුය. එය තර්කානුකූළව සැලකුවොත් සිදුවිය හැක්කක් නොවේ. සිදුව තිබුණේත් එය නොවේ.
ඔහුට නව ගුවන් බලපත්‍රය නිකුත් කර තිබුණේ ඔහු නව හැඳුනුම්පතක් ඉදිරිපත් කර තිබුණු නිසාය. ඒ ගුවන් බලපත්‍රය ලැබී තිබුණේ නව හැඳුනුම්පත් අංකය යටතේය. ඔහුගේ ද්විත්ව පුරවැසිභාවය හසු නොවෙන ලෙස නව ගුවන්බලපත්‍රයක් ලබාගන්නට හැකිවුණේ ඒ නිසාය.
ඇත්තෙන්ම පොහොට්ටු පළාත් පාලන නියෝජිතයන් හමුවේ ගෝඨාභය රාජපක්ෂ කර ඇති ඉහත කී ප්‍රකාශයෙන් ඔහුගේ පුරවැසිභාවය ඉවත් කරගැනීමේ පිළිබඳ සැකය තවත් තහවුරු වීමක් පමණක් සිදුව ඇත. ඔහුගේ පුරවැසිභාවය ඉවත් කරගැනීම පිළිබඳ සැකය තහවුරු කරන තවත් කාරණයක් වන්නේ ඇමෙරිකාව ෆෙඩරල් රෙජිස්ටර් වෙබ් අඩවියෙහි නිකුත් කරන ලැයිස්තුවේ ගෝඨාභය රාජපක්ෂගේ නම නොතිබීමය. සාමාන්‍යයෙන් පුරවැසිභාවය ඉවත් කරගැනීමේ ක්‍රියාවලිය සම්පූර්ණ වන්නේ එම ලැයිස්තුවට නම ඇතුලත් වීමෙන් පසුවය.
මේ අතර ගෝඨාභය රාජපක්ෂ මැතිවරණ කොමිෂන් සභාවේ නිලධාරීන්ව අගෝස්තු 26 වැනිදා හමුවී තිබුණි. එහිදී ගෝඨාභය රාජපක්ෂ පුරවැසිභාවය ඉවත් කරගත් බව ලියකිවිලි ලබාදෙමින් තහවුරු කළ බවත්, එය මැතිවරණ කොමිෂන් සභාව පිළිගත් බවත් මාධ්‍යවලින් මහා ඉහළින් වාර්තා කර තිබුණි. එය විශේෂ හමුවක් ලෙස මවා පෙන්වා තිබුණි.
එහෙත් ඇත්තෙන්ම එය විශේෂ හමුවක් නොවේ. ඒ හමුව ගැන විමසන අවස්ථාවලදී මැතිවරණ කොමිෂන් සභාවේ නිලධාරියෙකු කියා තිබුණේ මැතිවරණයකට ඉදිරිපත් වෙන බව කියන ඕනෑම කෙනෙක්ව මුණගැසීම මැතිවරණ කොමිෂන් සභාව සාමාන්‍යයෙන් සිදුකරන කටයුත්තක් බවයි. පක්ෂවල නියෝජිතයන්ට කොමිෂම හමුවීමට අවශ්‍ය නම් සඳුදා දිනයක පැමිණෙන ලෙස මීට පෙර දැනුම් දී ඇත. ඒ අනුව ගෝඨාභය රාජපක්ෂ සඳුදා දිනයක හමුවීමට පැමිණ ඇත.
එම හමුවේදී ඔහු සිය ඇමෙරිකන් පුරවැසිභාවය ඉවත් කරගැනීමේ සහතිකය මැතිවරණ කොමිෂන් සභාවේ නිලධාරීන්ට පෙන්වා ඇත. එහෙත් ආරංචිමාර්ග පවසන්නේ මැතිවරණ කොමිෂන් සභාවේ සභාපති මහින්ද දේශප්‍රිය හා එහි සාමාජික නලින් නලින් අබේසේකර මහතා එම සහතිකය ගැන උනන්දුවක් පෙන්වා ඇත්තේම නැත. මහාචාර්ය රත්නජීවන් හූල් පමණක් එය අතට අරගෙන බැල්මක් හෙලා නැවත ලබාදී ඇත. ‘පේන විදියට නම් හරි.‘ මහාචාර්යවරයා ඉංග්‍රීසියෙන් එසේ පවසා ඇත. එපමණකි. ගෝඨාභය රාජපක්ෂ ඉදිරිපත් කළ සහතිකය ගැන මැතිවරණ කොමිෂන් සභාවේ සාමාජිකයන් එතැනින් එහා උනන්දුවක් දක්වා නැත.
එයට හේතුව වී ඇත්තේ ගෝඨාභය රාජපක්ෂගේ පුරවැසිභාවය පිළිබඳ තත්වය කුමක් වුවද මැතිවරණ කොමිෂන් සභාව නාමයෝජනා ප්‍රතික්ෂේප නොකිරීමයි. ඔවුන් නාමයෝජනා බාරගනු ඇත. ඔවුන් එම නාමයෝජනා පිළිනොගන්නා තත්වයට පත්විය හැක්කේ යම් පුරවැසියෙකු ගෝඨාභය රාජපක්ෂගේ පුරවැසිභාවය ප්‍රශ්න කරමින් අධිකරණය ඉදිරියට ගියහොත්ය. ඇත්තෙන්ම ගෝඨාභය රාජපක්ෂට තිබෙනවායැයි කියන පුරවැසිභාවය ඉවත් කරගැනීමේ සහතිකය මැතිවරණ කොමිෂන් සභාවට පෙන්වීමෙන් ඇති සෙතක් නැත. ඔවුන්ටද එය අදාල නැත.
මේ වෙද්දී ගෝඨාභය රාජපක්ෂ හිතවාදී මාධ්‍ය උත්සාහ කරන්නේ එවැනි සිදුවීම් හා ප්‍රකාශ මගින් ගෝඨාභය රාජපක්ෂගේ පුරවැසිභාවය පිළිබඳ ප්‍රශ්නය සම්පූර්ණයෙන්ම නිරාකරණය කරගත් බව මවා පෙන්වන්නටය. එහෙත් ඒ බව පෙන්වන්නට ඔහු ගන්නා හැම උත්සාහයක්ම සැකය වැඩිකරන ඒවාය. ඔහුගේ පුරවැසිභාවය පැහැදිළිවම ඉවත් කරගෙන ඇතිනම් ඔහුට ප්‍රසිද්ධියේ ඒ බව පැහැදිළිව ප්‍රකාශ කළ හැකිය.
මීට පෙර කලෙක ගෝඨාභය රාජපක්ෂ ඇමෙරිකන් පුරවැසියෙකුය යන කාරණයත් සඟවා තැබීමට ඔහුගේ පැත්තෙන් විශාල වෙහෙසක් ගෙන තිබුණි. එයට හේතුව දේශප්‍රේමීන්ගේ වීරයෙකු වන ඔහු ඇමෙරිකානුවෙකු වන බව සමාජයට හෙළිවීම වැළැක්වීමේ වුවමනාවය. එහෙත් මේ වෙද්දී ඔහු පුරවැසිභාවයේ ප්‍රශ්නය හත්පොලේ ගාගෙන හමාරය. දැන් ඔහු යුද්ධයට බයේ ලංකාවෙන් ඇමෙරිකාවට පලාගිය බියගුල්ලෙකු බව පැහැදිළිව සමාජය ඉදිරියේ නිරාවරණය වී හමාරය. තමන්ට ජනාධිපතිවරණ අපේක්ෂකත්වය දෙන්නට බැරිනම් මහින්ද රාජපක්ෂගෙන් බලෙන් හෝ ලබාගත හැකි බව තහවුරු වනතෙක්ම ඔහු ඇමෙරිකානු පුරවැසිභාවය රැකගත්තේය. ඔහුට ඇමෙරිකානු පුරවැසිභාවය එතරම් වටිනා වස්තුවකි. ඒ වස්තුව රැකගන්නට ගොස් ඔහුට නිසි වෙලාවට ඒ පුරවැසිභාවය අත්හැරීමට නොහැකි විය. තම පුරවැසිභාවය ඉවත් කරගන්නට බැරිවේදැයි බයෙන් ඔහු ලංකාවේ නීතිය අස්සෙන් රිංගා ගොස් ඇමෙරිකන් පුරවැසිභාවය ඇති ද්විත්ව පුරවැසියෙකුව සිටියදීම ද්විත්ව පුරවැසියෙක්ය යන කාරණය ඉවත් කරගත් ලාංකික ගුවන් ගමන් බලපත්‍රයක් හදාගත්තේය. දැන් ඔහු උත්සාහ කරන්නේ ඒ ඒ බොරු එකිනෙකට සමපාත කරගැනීමටය.