ජනාධිපතිවරණයට නාමයෝජනා ලබාදීමෙන් පසු ගෝඨාභය රාජපක්ෂගේ පළමු මැතිවරණ ප‍්‍රචාරක රැුළිය ඔක්තෝබර් 9 වැනිදා අනුරාධපුර සල්ගාදු පිටියේදී පැවැත්වුණි.

එහිදී ඔහු සුපුරුදු පොරොන්දු දේශපාලනයේ යෙදෙමින් පොරොන්දු රැුසක් දුන්නේය. රැුළිය පැවැත්වූයේ අනුරාධපුරේ නිසාදෝ එම පොරොන්දු කෘෂිකාර්මික විය. වී ගොවිතැනින් රට ස්වයංපෝෂිත වනතෙක් ගොවීන්ට පොහොර සහනාධාරය වශයෙන් නොමිලේ පොහොර ලබාදෙන බව ඔහු කීවේය. ඔහුම එහිදී කියා ඇති පරිදි එම පොරොන්දුවට හේතුව වී ඇත්තේ ඔහුගේ අයියා  මහින්ද රාජපක්ෂ ඒ සම්බන්ධයෙන් ඔහුට කරන ලද මතක් කිරීමක්ය.

එම කථාවේ ඔහුගේ අනෙක් ප‍්‍රධානතම අවධාරණය රටේ ආරක්ෂාව සම්බන්ධයෙන්ය. ආමිකාරයන්ව, නේවිකාරයන්ව රණවිරුවන් කළේ ඔවුන් බව ඔහු කියා ඇත. ඔහු මිලිටරි පාලනයක් ගෙන එන්නට යන බවට ආණ්ඩු පාර්ශ්වය චෝදනා කරන බවත්, පේදුරුතුඩුවේ සිට දෙවුන්දරතුඩුව දක්වා බියෙන් සැකයෙන් තොරව යෑමට රට බේරාගත්තේ මිලිටරිකාරයන් බවත් ඔහු කියා ඇත.

එයට අදාල පොරොන්දුව ඔහු ලබාදුන්නේ මේ ආකාරයටය.ිඑදා ඇපකැපවූ රණවිරුවන් විශාල ප‍්‍රමාණයක් හිර ගෙවල්වල ඉන්නවා. අභූත නඩු චෝදනා එල්ලකරලා. මම මේ අවස්ථාවේදී කියන්න කැමතියි දාහත්වැනිදා උදේ වෙනකොට මේ සියළුදෙනාම නිදොස් කොට නිදහස් කරනවා.’

එය නම් මාර කියමනකි. මහින්ද රාජපක්ෂටත් එහා යෑමට සිතා සිටින ගෝඨාභය රාජපක්ෂගේ ඇත්ත තත්වය රටට හෙළිකිරීමකි. මිලිටරි හෙවත් ඒකාධිපති පාලනයකට හොඳම ඉඟියකි.

අධිකරණය සිරදඬුවම් නියම කර ඇති පුද්ගලයකුට සමාව ප‍්‍රදානය කිරීමේ බලය ව්‍යවස්ථාව මගින් ජනාධිපතිවරයාට පවරා ඇත. ජනාධිපතිවරයාගේ සමාව දීමක් මගින් පුද්ගලයෙකු නිදොස් කොට නිදහස් කිරීමකට ලක්වන්නේ නැත.

පුද්ගලයෙකු නිදොස් කොට නිදහස් කරනු ලබන්නේ අධිකරණ ක‍්‍රියාවලියකින් පසු විනිශ්චයකාරවරුන්ය. මෙයින් ගෝඨාභය රාජපක්ෂ කියන්නේ ඔහු විනිශ්චයකාරවරයාද වී අධිකරණයෙන් ලබාදිය යුතු තීන්දු තීරණ ලබාදෙන බවයි.

සිරදඬුවම් නොලබා සිටින පිරිස හැඳින්වෙන්නේ රක්ෂිත බන්ධනාගාරගතව සිටින හෝ රිමාන්ඞ් බන්ධනාගාරගතව සිටින පිරිස වශයෙනි. අධිකරණයක් මගින් ඔවුන්ට ලබාදිය හැක්කේ ඇප පමණය. ඔවුන්ව නිදොස්කොට නිදහස් කිරීමක් හෝ දඬුවමක් ලබාදීමක් සිදුවන්නේ ඒ පිළිබඳ පැවැත්වෙන නඩු විභාගයකින් පසුය.

දැන් ගෝඨාභය රාජපක්ෂ නිදොස් කොට නිදහස් කරනවායැයි කියන්නේ නඩු කටයුතු අවසන් නොවූ එම පුද්ගලයින්වය. එහි තේරුම අධිකරණයක්වත්, විනිශ්චයකාරුවරුන්වත් අවශ්‍ය නැත යන කාරණයය.

ගෝඨාභය රාජපක්ෂ සෑම විටම අවධාරණය කරන්නේ විනයගරුක රටක් යන්නය. ඔහුගේ විනයගරුක රටේ ඔහු කියන ආකාරයටම කටයුතු කරයි නම් අධිකරණයක් තිබිය නොහැකිය. එවැනි රටක් මිලිටරි ඒකාධිපති රටක්  ලෙස මිසක් වෙන කුමන ආකාරයෙන් හඳුන්වන්නද?