‘අහන්නට ලැබුණා අපට ආරංචියක්. අනාගතයේ ජනාධිපතිතුමා බවට පත් වෙනවා කියලා අපේ චමල් රාජපක්ෂ මැතිතුමා. ඒක අපි දැනගෙන හිටියේ නැහැ. අපි බොහොම සන්තෝෂ වෙනවා..’

‘..මාත් කියනවා ඒ කඩවල්වලට (මුස්ලිම්* යන්න එපා. ඒ කඩවල්වලින් කන්ට බොන්ට එපා කියලා. මොකද ඒක ප‍්‍රසිද්ධ කාරණයක්. අපිට අපේ ජනතාවට වස විස දීපු, අපේ ජනතාව විනාශ කරන්න උත්සාහ ගත්ත පිරිසක් කියන එක ඉතා පැහැදිලිව පේනවා. ඒ නිසා, අපේ බෞද්ධ ජනතාව ආරක්ෂා වෙන්න  ඕනෑ. ඒ කඩවල්වලට යන්නත් එපා. ඒවා ගන්ඩත් එපා. ඒවා කාපු බාල පරම්පරාවට මං හිතනවා අනාගතයේ ¥ දරුවො නැතිවෙයි කියලා..’

‘.. ඒ වගේ ම අර මාතලේ දොස්තර මහත්තයෙක් කරපු වීර ක‍්‍රියාව පිළිබඳව කවුරුත් දන්නවා. ලක්ෂ ගාණක් අපේ දරුවෝ විනාශ කරලා. ඔය වාගේ ජාති ද්‍රෝහීන්ට නිදහසේ ඉන්න දෙන්න හොඳ නෑ. අර කවුද උපාසක අම්මලා වගයක් කිව්වා ගල් ගහලා මරන්න  ඕනෑ කියලා. මම ඒක කියන්නේ නෑ. නමුත් කළ යුත්තේ ඒක තමයි. ඒ විදිහේ වැරැුද්දක් කළා නම් අපේ මනුස්සයෙක් අපි පෙති ගහලා දානවා. ඔය නීතිරීති  ඕවා හරියන්නෙ නෑ.’

පසුගිය ජූනි 15 වන දා දොඩම්වල දියකෙළිනාවළ කිත්සිරිමෙවන් රජ මහ විහාරස්ථානයේ පැවති උත්සවයක් අමතමින් සියම් නිකායේ අස්ගිරි පාර්ශ්වයේ මහානායක වරකාගොඩ ඥානරතන හිමි දැක්වූ අදහසකි ඒ.

මේ ප‍්‍රකාශයෙන් අස්ගිරි නාහිමි කියන දේ මෙසේ සාරාංශ කළ හැකිය.

1. චමල් රාජපක්‍ෂ ජනාධිපති වේ නම් සතුටකි. 2. මුස්ලිම් කඩවලට නොයා යුතුය. 3. මුසල්මානුවෝ බෞද්ධයන් විනාශ කරන්නට සිටින පිරිසකි. 4. මුස්ලිම් කඩවලින් කෑ පසු වඳවෙයි. 5. දොස්තර ෂාෆි ලක්‍ෂ ගණනක් දරුවන් විනාශ කර ඇත. 6. (අන්‍යාගමික* ජාතිද්‍රෝහීන්ට ගල්ගසා මැරිය යුතුය. 7. (බෞද්ධාගමික* ජාතිද්‍රෝහීන් පෙති ගසා මරා දැමිය යුතුය. 8. එවැනි දඬුවම් දීම හැර නීතියේ පාලනයක් රටට නො ගැළපෙයි.

බෞද්ධ මහානායකවරයකුට මෙවැනි බිහිසුණු ප‍්‍රකාශයක් කළ හැකිදැයි කිසිවකු විමතියට පත්විය යුතු නැත. දැන් තිබෙන්නේ එවැන්නන්ගේ බුද්ධාගමක් නිසාය.

මහානායක හිමියන්ගේ මේ වෛරී ප‍්‍රකාශයෙන් කියැවෙන්නේ, ඔහු බුද්ධ ශාසනයේ මහානායක ධුරයක් දැරීමට තබා අඩු ගණනේ බුද්ධ චීවරයවත් දැරීමට නුසුදුසු පුද්ගලයකු බව පමණක් නොව, බුද්ධ ශාසනය නමින් දැන් ඇති ආයතනය රටේ යහපැවැත්මට එරෙහිව කරන්නාවූ මහා විනාශයේද තරම නොවේද?

වරකාගොඩ ඥානරතන හිමි, නූගත්, රට ලෝකය ගැන අවබෝධයෙන් හීන, හුදෙක් සංඝ පරම්පරාවේ ජ්‍යෙෂ්ඨත්වය නිසා මහානායක ධුරයට පත්, රාජපක්‍ෂවරුන්ගේ දේශපාලනයෙන් මෙහෙයැවෙන පුද්ගලයකු වන්නට පුළුවන. එවැනි පුද්ගලයකුගෙන් චමල් රාජපක්‍ෂට, මෛත‍්‍රීපාල සිරිසේනට හෝ රනිල් වික‍්‍රමසිංහට ආවැඞීමක් බලාපොරොත්තු විය හැකිය. එවැනි විටෙක, අහවල් භික්‍ෂුව අහවල් පක්‍ෂයේ, අහවල් දේශපාලකයාගේ ගැත්තෙකි’යි කියා ඒ ගැන නොසලකා හැරීමටද අපට හැකිය. එහෙත්, බුදුදහමේ මූලික ඉගැන්වීම්වලට පවා එරෙහිව කෙරෙන මෙවැනි ප‍්‍රහාරයක් නම් රටේ බෞද්ධයන් ඉවසිය යුතු නැත.

බුදුදහම මුළුමනින්ම පාහේ අහිංසාවාදය මත ගොඩනැගුණු, සියලූ සතුන්ට මෛත‍්‍රිය පැතිරවීම පදනම් කරගත් දහමකි. සියලූ සත්ත්වයෝ නිදුක් වෙත්වා කියනු මිස, මිනිසුන් ගල් ගසා මැරීමේ ක‍්‍රමයක් එහි දැක්වෙන්නේ නැත. ප‍්‍රාණඝාතයෙන් වැළකීම දෛනික ශීලයේ පළමුවැන්න බව කියන එහි, මිනිසුන් පෙති ගසා මරා දැමිය යුතුයැ’යි කියැවෙන්නේ ද නැත.  සියලූ සත්වයන් දඬුවමට, මරණයට බිය බව කියන බුදුදහම, සිය ශ‍්‍රාවකයන්ට උපදෙස් දෙන්නේ තමා උපමා කොට ඝාතනයෙන් වැළකී සිටින ලෙසය. දැන් මේ මහානායක භික්‍ෂුව දෙසන්නේ ඒ මූලික බෞද්ධ ඉගැන්වීම්වලට සපුරා පටහැණි කතාවකි.

නියම බෞද්ධ ශාසනයක් රටේ පවතිනවා නම්, එවැනි භයානක කතාවක් මහා සභාවක දෙසන භික්‍ෂුවකට, සිය ශාස්තෘවරයාගේ මූලික ඉගැන්වීම්වලටම පටහැණි දෙයක් කීවේය යන චෝදනාව නැගිය යුතු නොවේද? භික්‍ෂු හාසනයේ වගකීම් දරන අන් සියලූ භික්‍ෂූන් ඉදිරිපත්ව මෙවැන්නන්ගෙන් බුදුදහම බේරා ගැනීම සඳහා විනය ක‍්‍රියාමාර්ග ගත යුතු නොවේද? ඔහුට අඩු ගණනේ චීවරයවත් දැරීමට ඇති අයිතිය ගැන ප‍්‍රශ්න කළ යුතු නොවේද? බුදුදහම දිනෙන් දින පිරිහෙමින් පවතින්නේ මෙවැන්නන්ගේ දායකත්වය නිසාත් බව අවබෝධ කරගත යුතු නොවේද?

අස්ගිරිය විහාර පාර්ශ්වයේ මහානායක හිමි අද මෙවැනි ප‍්‍රකාශයක් කරන විට, තකට තක ලෙස, අස් ගිරිය පාර්ශ්වයේ අනුනායක වෙඬරුවේ උපාලි හිමි, රට පාලනය කරන්නට ඉල්ලන්නේ මිනීමරු හිට්ලර් කෙනෙකි. ගෝඨාභය රාජපක්‍ෂට මිනීමරු හිට්ලර් කෙනෙකු වී හෝ රට සංවර්ධනය කර දෙන්නටයැයි එහිමියන් ආරාධනා කළේ, මීට හරියටම අවුරුද්දකට පෙර 2018 ජුනි මාසයේදීය. අස්ගිරිය ලේඛකාධිකාරි මැදගම ධම්මානන්ද භික්‍ෂුව මේ පෙරහැරේ ඊළඟ සාමාජිකයාය. අලූත් ආණ්ඩුක‍්‍රම ව්‍යවස්ථාවක්, සුළුතර වාර්ගික ජනතාව සමග බලය බෙදාහදාගැනීම,  වැනි ඉදිරිගාමී පියවරවලට සම්පූර්ණයෙන්ම විරුද්ධ මැදගම ධම්මානන්ද හිමි, කවදා හෝ රාජපක්‍ෂවරයකු රටේ නායකයා කිරීමට මහන්සිවී වැඩ කරන්නෙකි.

අස්ගිරි පාර්ශ්වය කෙතරම් පසුගාමී ප‍්‍රතිපත්තියක සිටින්නේදැයි පැහැදිලි වන තවත් සරල උදාහරණයක් වන්නේ, දළදා මාලිගාව ඉදිරිපිටින් දිවෙන ඒ26 මාර්ගය විවෘත කිරීමට ඔවුන් දක්වන මාරාන්තික විරෝධයයි. එම මාර්ගය වසා තිබීම නිසා මහනුවර ඇතිවී තිබෙන බරපතළ පරිසර ¥ෂණයත්. ජනජීවිතයට ඇති අවහිරයත්, පාසල් ළමුන් පවා රෝගීන් බවට පත්කරන භයානක තත්ත්වයත් ගැන නොඇසූ කන් ඇතිව සිටින අස්ගිරි පාර්ශ්වය, ඒ26 මාර්ගය විවෘත කිරීමට ඇති එකම බාධකයයි. ‘බහුජන හිතාය බහුජන සුඛාය’ පිණිස හැසිරෙන ලෙස බුදුන් නියම කළ භික්‍ෂු ශාසනයේ වර්තමාන පොල්මඃක්කාරයන් ලෙස හැසිරෙන අස් ගිරි මහානායක ඇතුළු නායකකාරකාදින්ගේ බහුජන විරෝධී පිළිවෙත එසේය. සියම් නිකායේ අනෙක් පාර්ශ්වය වන මල්වතු පාර්ශ්වයේ මහානායක හිමියන් ඇතුළු එම පාර්ශ්වය  එදා සිට අද දක්වාම ඒ26 මාර්ගය විවෘත කර මහජනතාවට සිදුවී ඇති අපහසුතාව නැතිකළ යුතුය යන ස්ථාවරයේ සිටින බව ඔවුනට ගෞරවය පිණිස සටහන් කළ යුතුය.

පුදුමය නම්, මහින්ද රාජපක්‍ෂ ආණ්ඩු කාලයේ අස්ගිරියෙන් මෙවැනි ශාසනමාමක කාහලයක්  පිට නොවීමයි. මහින්ද රාජපක්‍ෂගේ පුත‍්‍රයන් දළදා මාලි ගාව ආසන්නයේ කාර් රේස් පදින්නට සූදානම් වන විට, එවකට අස්ගිරි මහානායක උඩුගම බුද්ධරක්ඛිත හිමි හීන් හඬක් නැගූ මුත්, අවසානයේ නාමල් රාජපක්‍ෂගේ කාර් රේස් ව්‍යාපෘතිය නිරුපද්‍රැතව පවත්වන්නට ධර්මානුකූලව සහාය දුන්නේය.

මහානායක හිමියන්ගේ මේ අදහස් අනුව, අස් ගිරිය මුස්ලිම් විරෝධයේ පුරෝගාමියෙකි. මුසල්මානුවන් හා බෞද්ධයන් ගල් ගසා මැරීමේ, පෙති ගසා මැරීමේ තිරශ්චීන දඬුවම් නැවත ක‍්‍රියාත්මක කළ යුතුයැයි සිතන පන්සලකි. ජනාධිපති සමාවෙන් නිදහස් වී සිටින මුස්ලිම් විරෝධයේ තාරකාව හැටියට සැලකෙන ගලගොඩඅත්තේ ඥානසාර භික්‍ෂුවගේ අන්තවාදී අදහස් ප‍්‍රසිද්ධියේ අනුමත කළ බෞද්ධ ආයතනයක් වේ නම් ඒ අස්ගිරිය පාර්ශ්වයයි. 2017 දී ප‍්‍රසිද්ධ නිවේදනයක් නිකුත් කරමින් අස්ගිරි කාරක සංඝ සභාව කීවේ, ‘ගලගොඩ අත්තේ ඥානසාර භික්ෂුවගේ ආවේගකාරී හැසිරීම් රටාව සහ අදහස් ප‍්‍රකාශන ශෛලිය කිසිසේත් අනුමත නොකරන නමුත් උන්වහන්සේගේ මතවාදය බැහැර නොකරන’ බවයි. ඥානසාර හිමියන්ගේ ‘මතවාදය’ කුමක්ද? මුස්ලිම් විරෝධයයි. සිංහල බෞද්ධ අන්තවාදයයි. බුරුමයේ විරතු නමැති සාහසික භික්‍ෂුව අනුගමනය කරන මානව විරෝධී පිළිවෙතයි. අස්ගිරිය බැහැර නොකරන්නේ ඒ ෆැසිස්ට් මතවාදයද?

ඥානසාර භික්‍ෂුව බුද්ධ චීවරය දරන්නට නුසුදුසු වන්නේ යම් සේද, ඥානසාර භික්‍ෂුව හා සමාන මනසකින් මෙහෙයැවෙන අස්ගිරිය මහානායක, අනුනායක, ලේඛකාධිකාරී වැන්නන්ද එසේම චීවරයට සුදුසු වන්නේදැයි සොයාබලන්නට ධර්මධර, විනයධර භික්‍ෂූන් හා බෞද්ධයන් පෙරට ආ යුතුය.x