රේඛා නිලූක්ෂි හේරත්

පසුගිය මාර්තු මාසයේදී ශ‍්‍රී ලංකා ක‍්‍රිකට් ආයතනය විසින් සංවිධානය කළ නිදහස් කුසලානයේ ආරම්භක උත්සවය සඳහා ගීතයක් නිර්මාණය කිරීම සඳහා පමණක් භාතිය ජයකොඩි සහ සන්තුෂ් වීරමන් නම් ගායකයන් දෙපළට රුපියල් දාහතර ලක්ෂ හැත්තෑපන්දහසක මුදලක් ශ‍්‍රී ලංකා ක‍්‍රිකට් ආයතනය විසින් ලබා දී ඇත.
හීරෝ නිදහස් කුසලාන – 2018 ගීතය ගායනා කිරීම සඳහායැයි මෙම මුදල් වෙන් කර ඇත. ශ‍්‍රී ලංකා ක‍්‍රිකට් ආයතනයේ ප‍්‍රචාරණ අංශය විසින් කළමනාකරණ අංශයෙන් මුදල් අනුමත කරවාගැනීම සඳහා යැවූ ගිණුම් වාර්තාවක මෙම වියදම් සඳහන් වෙයි. එම වාර්තාවෙහි තොරතුරු පිළිබඳව අප කළ විමසීමකදී ක‍්‍රිකට් ආයතනයේ නිලධාරීන් ප‍්‍රකාශ කළේ, එක් ගීතයක් සඳහා මෙතරම් මුදලක් ලබාදීම අසාධාරණ බවයි. මීට අමතරව සාමාන්‍ය මුදලට වඩා අධික වියදම් රැුසක් නිදහස් කුසලානය වෙනුවෙන් සිදු කර ඇතැයිද එම නිලධාරීහු වැඩිදුරටත් කීහ.එම වාර්තාවෙහි සඳහන් වන ආකාරයට නිදහස් කුසලානය පිළිබඳව මාධ්‍ය දැනුවත් කිරීම සඳහා පැවති මාධ්‍ය සාකච්ඡුාව ජයික් හිල්ටන් හෝටලයේ පවත්වා ඇති අතර හෝටලය සඳහා රුපියල් 593925ක මුදලක් වැය කර ඇත. එසේ වියදම් කර තිබියදී මාධ්‍ය සාකච්ඡුාවට එල්.ඊ.ඞී. ඒ.වී. පද්ධතියක් ලබාගැනීම සඳහා රුපියල් 185000ක් වියදම් කර ඇත. මාධ්‍ය සාකච්ඡුාවට ශබ්ද පද්ධතියක් ලබාගැනීම සඳහා රුපියල් 37500ක් වැය කර ඇත.
කි‍්‍රකට් වෙතින්

මීට අමතරව පුවත්පත් වෙළඳ දැන්වීම් සඳහා රුපියල් 1926750ක මුදලක් වෙන් කර ඇත. හිරු සහ සියත නාලිකාවල ගුවන් කාලය වෙන් කරවාගැනීම සඳහායැයි රුපියල් 2082352ක මුදලක් වැයකර ඇත. නිදහස් කුසලානය වෙනුවෙන් ප‍්‍රචාරණ අංශයේ සම්පූර්ණ වියදම් ලෙස රුපියල් 45481891ක් හෙවත් රුපියල් මිලියන 45.5ක වියදම් එම වාර්තාවෙන් පෙන්වා දී ඇත.
මේ පිළිබඳව විමසීම සඳහා ශ‍්‍රී ලංකා ක‍්‍රිකට් ආයතනයේ වගකිව යුතු නිලධාරියෙකු සම්බන්ධ කරගැනීමට අප ගත් උත්සාහය අසාර්ථක විය. අප සමඟ අදහස් දැක්වූ ප‍්‍රචාරණ අංශයේ නිලධාරියෙකු පැවසුවේ මෙම මුදල් නිකුත් කිරීම සඳහා ටෙන්ඩර් කැඳවා අනුමැතිය ලබාගත් බවයි. භාතිය සහ සන්තුෂ් දෙපළ විසින් ලබාගත් මුදල පිළිබඳව විමසීම සඳහා එම දෙපළ සම්බන්ධ කරගැනීමට අප ගත් උත්සාහය ද අසාර්ථක විය.