කොළඹ වරායේ ජය කන්ටේනර් ටර්මිනල්හි සේවය කළ සේවකයෙකු කොවිඞ්-19 රෝග ලක්ෂණ පෙන්නුම් කොට කොළඹ ජාතික රෝහලෙහි ප‍්‍රතිකාර ලබමින් සිටින නිසා ජය කන්ටේනර් ටර්මිනල්හි ජේටීසී 1 හා ජේටීසී 2 දොඹකරවල සේවා නවත්වා ඇතැයි කොළඹ වරායේ වෘත්තිය සමිති නියෝජිතයෙක් පැවසීය.


ආරංචිමාර්ග අනුව වාර්තා වන්නේ කොවිඞ්-19 ඇතැයි සැක සහිත සේවකයාව කොළඹ ජාතික රෝහලට ඇතුළත් කර ඇතත්, ඔහුට රෝගය ඇතිදැයි පීසීආර් පරීක්ෂණයකින් තවමත් තහවුරු වී නොමැති බවය. කෙසේ වෙතත් එම පුද්ගලයා ඉන්දියාවේ සංචාරයකට ගොස් පැමිණි අයෙකු බව වාර්තා වේ.