ලෝක කුසලාන තරගාවලිය අවසානයට ළඟාවෙමින් තිබෙනවා. අප මෙය ලියන්නේ ජුලි 2 වැනිදා. ඉන්දියාව හා බංග්ලාදේශය අතර තරගයත්, නවසීලන්තය හා එංගලන්තය අතර තරගයත් තවම අවසන් වී නැහැ.

ඕස්ටේ‍්‍රලියාව අවසන් පූර්ව තරගයට සුදුසුකම් ලබා හමාරයි. නවසීලන්තය හා ඉන්දියාවත් විශ්වාසදායී තැනක ඉන්නවා. පුවත්පත පිටවීමට පෙර, ජුලි 3 වැනිදා පැවැත්වෙන එංගලන්තය හා නවසීලන්තය අතර තරගයෙන් එංගලන්තය ජයගත්තොත් ඔවුන්ද අවසන් පූර්ව තරගයට සුදුසුකම් ලබා සිටීවි. එසේ නොවුණොත් බංග්ලාදේශයට හා පාකිස්ථානයට අවස්ථා තියෙනවා. බංග්ලාදේශය ඉන්දියාව හා පාකිස්ථානය යන කණ්ඩායම් දෙකම පරාජය කළොත් ඔවුන්ටත්, පාකිස්ථානය බංග්ලාදේශයට එරෙහි තරගය ජයගතහොත් ඔවුන්ටත් අවස්ථාවක් තිබෙනවා.


දැනට කටයුතු අවසාන වී ඇති අන්දම දෙස බලද්දී ඕස්ටේ‍්‍රලියාව, නවසීලන්තය, එංගලන්තය, ඉන්දියාව හා පාකිස්ථානය යන කණ්ඩායම්වලට කුසලානය ජයගැනීමේ වැඩි ඉඩක් තියෙනවා. මෙය බංග්ලාදේශය අවතක්සේරු කිරීමක් නොවෙයි. ඔවුන් හොඳ සටනක් දෙනු ඇති. එහෙත් දැන් පවතිත තත්වය අනුව ඔවුන් යමක් කරනු ඇතැයි තර්කානුකූලව සිතිය නොහැකියි. එහෙත් ඉතා පැහැදිලිව මෙයා ලියා තැබිය හැකියි. ඔවුන් ඉදිරි තරග දෙකම ඉහළ ලකුණු සාමාන්‍යයක් සමග ජයගෙන, අවසන් පූර්ව තරගයක ඉඩක් වෙන්කරගැනීම ලියුම්කරු මේ ලෝක කුසලානයේදී දකින්නට කැමතිම කාරණයයි. කරුණු කෙසේ වෙතත් මේ පිටුව සැකසෙන මොහොත වෙද්දී බංග්ලාදේශය හා ඉන්දියාව අතර තරගය පැවැත්වෙනවා. පුවත්පත පිටවෙද්දී බංග්ලාදේශයේ ඉරණමෙන් අඩක් විසඳී අවසන්. අපේ මේ කතාව කුසලානය ජයගැනීමේ වැඩි ඉඩක් තිබෙන කණ්ඩායම් පහ ගැනයි. දැනට දැක්වූ දක්ෂතා, එංගලන්තයේ තණතිලිවල කණ්ඩායම් කෙතරම් හුරුපුරුදුද යන්න, පිතිකරු හා පන්දු යැවීමේ බලඇණි ආදිය සලකා බලමින් තරගාවලිය ජයගැනීමේ වැඩි ඉඩක් තිබෙන කණ්ඩායම් පහ පිළිවෙලින් අප ඉදිරිපත් කරනවා.


මේ පිළිවෙල සකසද්දී අප තරගාවලියේ මෙතෙක් තණතිලි හැසිරුණු විදිය, පිතිකරුවන් සාර්ථක වූ අන්දම ආදිය ගැනත් සැලකිලිමත් වුණා.
මෙතෙක් තරගවලදී අපට විශේෂ කාරණා කිහිපයක්ම දකින්න ලැබුණා. සාපේක්ෂව හයේ පහරවල් වැඩි ක‍්‍රිකට් යුගයක මේ ලෝක කුසලාන තරගාවලිය පැවැත්වෙනවා. ඒ නිසා ඉස්සර ලෝක කුසලානවලට වඩා හයේ පහරවල් අද වැඩියි. එහෙත් මෙවර තරගාවලියේදී දැවැන්ත හයේ පහරවලට වඩා පිටියේ හිදැස් අතරින් හතරේ පහරවල් එල්ලකරන පිතිකරුවන් සාර්ථක වූ අන්දම දැකිය හැකියි. එංගලන්තයේ පිට්ටනි සාපේක්ෂව කුඩා වුණත්, නූතන පන්දු යවන්නන් හයේ පහරවල් එල්ලකරන පිතිකරුවන්ට මුහුණදීමේ වැඩි සූදානමකින් පැමිණ සිටි බව පෙනෙනවා. ඉයන් මෝගන්ගේ හයේ පහර සංග‍්‍රහය හැරුණාම බොහෝවිට දැවැන්ත පහරවලට යන පිතිකරුවන් මෙවර අසාර්ථක වුණා. වරින් වර දුර්වල පන්දුවකට පමණක් හයේ පහරක් එල්ලකරමින් උපක‍්‍රමශීලීව පිතිකරණයේ යෙදෙන පිතිකරුවන් සාපේක්ෂව සාර්ථක වුණා. විස්තර විචාරයේ සිටි කුමාර් සංගක්කාරද පෙන්වූ පරිදි, නැවතත් තාක්ෂණයෙන් යුත් පිතිකරුවන්ට වැඩි අගයක් ලැබෙන යුගයක් එළැඹෙනවා විය හැකියි. වෝනර්, ෆින්ච්, ජෝ රූට්, කේන් විලියම්සන්, රෝහිත් ෂර්මා, බාබර් අසාම් ඇතුළු මෙවර සාර්ථක වූ පිතිකරුවන් සියලූදෙනාම වැර යොදා හයේ පහරවල් එල්ලකිරීම වෙනුවට උපක‍්‍රමශීලී වෙමින් සිය ඉනිම් ගොඩනංවන බව පෙනුණා. දැවැන්ත හයේ පහරවලින් ලකුණු සොයන ක‍්‍රිස් ගේල්, ජොස් බට්ලර්, හාර්දික් පාණ්ඩ්‍යා, ග්ලෙන් මැක්ස්වෙල්, තිසර පෙරේරා වැනි පිතිකරුවන් බොහෝදෙනෙකු තමන් පැතූ රිද්මයට එන්නට අරගල කරන අයුරු පෙනෙන්නට තිබුණා.


අනෙක් අතර මෙවර දඟපන්දු යවන්නන් සාපේක්ෂව අසාර්ථක වුණා. විශේෂයෙන්ම ඕස්ටේ‍්‍රලියාව, එංගලන්තය හා නවසීලන්තය යන ‘සුද්දන්ගේ‘ කණ්ඩායම් දඟපන්දු ඉදිරියේ අසාර්ථක වන බව කීම තවදුරටත් මිථ්‍යාවක් පමණයි. ඉන්දීය තරගයේදී චාහල් හා කුල්දීප් දෙපළට පහරදෙමින් එංගලන්තය ඒ කාරණය තහවුරු කළා. ඒ නිසා මෙවර තරගාවලියේදී වැඩිම කඩුලූලාභීන් සියලූදෙනාම වේගපන්දු යවන්නන්. මෙවැනි ලක්ෂණ සලකා බැලූ කල හොඳ වේගපන්දු යවන්නන් සිටින, තාක්ෂණය පාවිච්චි කරන පිතිකරුවන් සිටින, එංගලන්තයේ තත්වයන්ට හුරුපුරුදු කණ්ඩායම්වලට වැඩි අවස්ථා තිබෙනවා. අප පිළිවෙළ සකසන්නේ ඒ අනුවයි. එහෙත් මේ තත්වයන් යනු තත්වයන් පමණයි. තත්වයන් අතික‍්‍රමණය කරමින් සාර්ථකත්වය ලැබූ අවස්ථා ක‍්‍රිකට් පිටියේදී අප ඕනෑ තරම් දැක තිබෙනවා.


ඕස්ටේ‍්‍රලියාව
තරගාවලියේ දැනට පැවති තරගවලදී අවිවාදිතවම අංක එකේ කණ්ඩායම ලෙස ඉන්නේ භයානක ඕස්ටේ‍්‍රලියාවයි. මෙතෙක් තරගවලදී වැඩිම කඩුලූ ලැබූ පන්දු යවන්නා වන මිෂෙල් ස්ටාර්ක්ද, වැඩිම ලකුණු ලැබූ පිතිකරුවන් දෙදෙනා වන ඬේවිඞ් වෝනර් හා ඒරන් ෆින්ච්ද ඉන්නේ ඕස්ටේ‍්‍රලියාව සතුවයි.
තරගාවලියට එද්දී ලෝක ශ්‍රේණිගත කිරීම්වල අංක 5 ස්ථානයේ සිටි ඕස්ටේ‍්‍රලියාව මේ වෙද්දී තරගාවලියේ භයානකම කණ්ඩායම බවට පත්වීම ගැන පුදුම විය යුතු නැහැ. පසුගිය මාර්තු මාසයට පෙර පැවති තරග 26කින් 5ක් පමණක් ජයගෙන සිටි ඕස්ටේ‍්‍රලියාව, මෙතරම් භයානක වීම ගැන පුදුම විය යුතු නැහැ. මතක තබාගත යුත්තේ එංගලන්තය හැරුණාම එංගලන්තයේ තත්වයන්ට වඩාත් හුරුපුරුදු ක‍්‍රිකට් කණ්ඩායම ඕස්ටේ‍්‍රලියාව බවයි. ඔවුන් නිතරම එංගලන්තයේ තරග කරනවා. යථාර්ථය දෙස බලද්දී දැනට වැඩිම අවස්ථාව තියෙන්නේ ඔවුන්ට.


ඕස්ටේ‍්‍රලියාවේ ජයග‍්‍රහණ මාලාවේ පළවැනිම රහස එක දිගට සාර්ථක වූ ඬේවිඞ් වෝනර් හා ඒරන් ෆින්ච්. මේ දෙදෙනාම ශතක දෙක බැගින් හා අර්ධ ශතක තුන බැගින් ලබා තිබෙනවා. ස්මිත් හා උස්මාන් කවාජා ඉන්නේත් ඕනෑ මොහොතක ශතකයක් රැුස්කළ හැකි රිද්මයක.


කෙසේ වෙතත් ඕස්ටේ‍්‍රලියාව මෙතෙක් සාර්ථකම කණ්ඩායම බවට පත්වුණේ පිතිකරණයෙන් පමණක්ම නොවෙයි. මිචෙල් ස්ටාර්ක් කඩුලූ 24ක් ලබාගනිමින්, පහසුවෙන්ම මෙවර වැඩිම කඩුලූලාභී පන්දු යවන්නා ලෙස ඉදිරියෙන් සිටිනවා. ඔහු මෙවර තරගාවලියේ මාරාන්තිකම පන්දු යවන්නා බවට පත්ව සිටින්නේ බොහෝ අය ජස්ප‍්‍රිට් බුම්රාගෙන් බලාපොරොත්තු වූ සාර්ථකත්වය පෙන්වමින්. කඩුලූ පහේ ඒවා දෙකක් හා කඩුලූ හතරේ ඒවා දෙකක් ඔහු ලබා සිටිනවා. ස්ටාර්ක් පමණක් නොවෙයි, අනෙක් ආරම්භක පන්දු යවන්න වන පැට් කමින්ස්ද සාර්ථක රිද්මයක කඩුලූ ලබමින් සිටිනවා.


එංගලන්තය
පුවත්පත පිටවෙද්දී එංගලන්තය අවසන් පූර්ව තරගයට සහභාගි වේද නැද්ද යන්න අවිනිශ්චිත බව ඇත්තක්. එහෙත් ඒ තනි තරගය නිසා එංගලන්තයේ විශිෂ්ටත්වය අවතක්සේරු කළ නොහැකියි. ඔවුන් නොසිතූ ලෙස ශ‍්‍රී ලංකාව හා පාකිස්ථානය ඉදිරියේදී අසමත් වුණා. එහෙත් ඉන්දියාව පරදවමින් ඔවුන් තමන් කවුදැයි පෙන්වා අවසන්. ඒ නිසාම අවසන් පූර්ව තරගයට සුදුසුකම් ලැබීමේ අවදානම කෙසේ වෙතත්, මෙවර කුසලානය ජයගැනීමේ ඉඩක් ඇති දෙවැනි කණ්ඩායම එංගලන්තයයි.


තමන්ගේ රටේ වාසිය ඔවුන්ට තියෙනවා. ආබාධයකින් ඉවත්ව සිටි ආරම්භක පිතිකරු ජේසන් රෝයි නැවත කණ්ඩායමට පැමිණ සිටිනවා. එංගලන්තයේ ප‍්‍රවේගකාරී භයානකම පිතිකරුවා වන ජොස් බට්ලර්ට පාකිස්ථානයට එරෙහි ශතකය හැර, මෙවර තමන්ගේ හැකියාව පෙන්වීමට නොහැකි වීම කනගාටුවට කාරණයක්. එහෙත් ජොස් බට්ලර් කුමන මොහොතේ සාර්ථක වේදැයි කිසිවෙක් දන්නේ නැහැ.


ජෝ රූට් හා බෙන් ස්ටෝක්ස් ඉතා සාර්ථක තත්වයක ඉන්නවා. බට්ලර් භයානකම පිතිකරුවා වුව, තාක්ෂණයෙහි උපරිමය පෙන්වන රූට් තමයි එංගලන්තයේ විශිෂ්ටතම පිතිකරුවා. මේ වෙද්දී බෙන් ස්ටෝක්ස් එංගලන්තයේ මැදපෙළින් පිටියට පැමිණ අර්ධ ශතක හතරක් රැුස්කර තිබෙනවා. අනෙක් අතට ලොකු සාර්ථකත්වයක් නොපෙන්වූ ජොනී බෙයාස්ට්‍රෝ ඉන්දීය ශතකයක් රැුස් කරමින් නැවත රිද්මයට පැමිණ සිටිනවා.

තරගාවලිය මුලදී ලකුණු 153ක දැවැන්ත ඉනිමක් ක‍්‍රීඩා කොට, පසුව ආබාධයකින් එළියට ගිය ජේසන් රෝයි නැවත කණ්ඩායමට එක්ව සිටිනවා. ඉයන් මෝගන් තමයි මෙතෙක් ලෝක කුසලානයේ වැඩිම හයේ පහරවල් එල්ලකර ඇති ක‍්‍රීඩකයා. හයේ හරවල් 17ක් සමග ඇෆ්ගනිස්ථානයට එල්ලකළ මහා පරිමාණ ප‍්‍රහාරය දෙස බලද්දී මෝගන්ගේ සාර්ථකත්වය ගැන අලූතෙන් කියන්න ඕනෑ නැහැ. වැඩිම හයේ පහරවල් එල්ලකළ ක‍්‍රීඩකයන්ගේ ලැයිස්තුවේ පළමු ස්ථාන දහයෙන් පහක්ම වෙන්ව තිබෙන්නේ එංගලන්තයටයි. එංගලන්තයේ පන්දු යවන්නන් සුවිශේෂ නැතත්, ඔවුන්ටත් හොඳ ලකුණු ප‍්‍රමාණයක් පාලනය කරගත හැකියි. වැදගත්ම දේ හොඳම පිතිකරු ඇණිය එංගලන්තය සතු වීමයි.


නවසීලන්තය
නවසීලන්තය 2015 ලෝක කුසලානයට හොඳම කණ්ඩායම රැුගෙන ගියා. ඔවුන්ට ලෝක කුසලානය යාන්තමින් මඟහැරුණා. මෙවර ඔවුන් එන්නේ වරද නිවැරදි කරගැනීමේ බලාපොරොත්තුවෙන්. ඔවුන් තරගාවලියේ මුල් අදියර කිහිපයේදීම තම කණ්ඩායම අවසන් පූර්ව තරඟයට තල්ලූ කරවාගත්තා. ඔවුන්ට ලොකුම අභියෝගය එනු ඇත්තේ අවසන් පූර්ව තරගයේදී ඉන්දියාව මුණගැසුණොත්. ශ‍්‍රී ලංකාව, පාකිස්ථානය, ඉන්දියාව වැනි ආසියානු බලවතුන් ඉදිරියේදී බොහෝ අවස්ථාවල නවසීලන්තය දුර්වල වෙනවා.


නවසීලන්ත නායකයා වන, ලොව හොඳම පිතිකරුවෙක්ද වන කේන් විලියම්සන් පැතූ අයුරින් හැකියාව පෙන්වීම ඔවුන්ට ඇති ලොකුම ජවයයි. ලකුණු 113ක දැවැන්ත ලකුණු ලබාගැනීමේ සාමාන්‍යයක් ඔහුට තියෙනවා. අත්දැකීම් සපිරි එංගලන්තයේදී සාර්ථක වී ඉතිහාසයක් තිබෙන මාටින් ගප්ටිල් මෙතෙක් උපරිම රිද්මයට ළඟා වී නැහැ. එහෙත් ඉදිරියේදී එය සිදුවීමේ ඉඩ තියෙනවා. ඊට අමතරව අත්දැකීම් බහුල රොස් ටේලර්ද ඉන්නවා. එය වාසනාවට කාරණයක්.


නවසීලන්තයේ වැඩි ශක්තිය ඇත්තේ පන්දු යවන බලඇණියේයි. ඇත්තෙන්ම ඔවුන්ගේ ඉදිරි පෙළ වේගපන්දු යවන්නන් වන ලොකී ෆර්ගියුසන් හා ටෙ‍්‍රන්ට් බෝල්ට් අපේක්ෂා කළාටත් වඩා රිද්මයක් හා සාර්ථකත්වයක් මෙවර පෙන්වා තිබෙනවා. ඇත්තෙන්ම ඔවුන් දෙදෙනාගෙන් නවසීලන්තය මෙවර කුසලානයේ හොඳම පන්දු යවන බලඇණියක් බවට පත්වුණේ ඉන්දියාව හා ඕස්ටේ‍්‍රලියාවට නොදෙවනි වෙමින්. බෝල්ට් කඩුලූ ත‍්‍රිත්වයක්ද ඕස්ටේ‍්‍රලියානු තරගයේදී ලැබුවේ විශිෂ්ට පන්දු යැවීමක් පෙන්වමින්. ඒ සියලූ කාරණා මෙන්ම, එංගලන්තයේ අත්දැකීම් බහුල කණ්ඩායමක් වන නිසා නවසීලන්තයට මෙවර වැඩි අවස්ථා තියෙනවා.


ඉන්දියාව
ඇත්තටම කුසලානය ජයගැනීමේ ඉඩකඩ අතින් ඉන්දියාව සිව්වැනි තැනට දැම්මත්, ලියුම්කරුටත් තිබෙන ලොකුම බය වන්නේ ඔවුන් කුසලානය ජයගැනීමට අන් සියලූ කණ්ඩායම්වලට වඩා සුදුසුකම් ලබා සිටීද යන්නයි. ඔවුන්ව සිව්වැනි තැනට ඇදදැමීමට නිදහසට කරුණු ලෙස ලියුම්කරුට කියන්නට ඇත්තේ කාරණා කිහිපයක්. දෝනිත් ඇතුළුව ඉන්දීය සිව්වැනි පිතිකරුවාගෙන් පහළ පිතිකරුවන් මෙතෙක් සිතූ දක්ෂතා දැක්වුවේ නැහැ. ඒ නිසා ලෝක කුසලාන විචාරකයන්ද පෙන්වන විදියට ඉන්දීය මැදපෙළ දුර්වලයි. ඇෆ්ගන් තරගයේදීත්, එංගලන්ත තරගයේදීත් එය පැහැදිලිව පෙනෙන්නට තිබුණා. අනෙක් අතට එංගලන්ත තත්වයන්ට හුරුවීම අතින්, ඉහතින් කී කණ්ඩායම් තුන ඉන්දියාවට වඩා ඉදිරියෙන් ඉන්නවා.


නායක කෝලි එක දිගට අර්ධ ශතක පහක් රැුස්කරමින් තමන්ගේ රිද්මය පවත්වාගෙන යෑමට මෙවර සමත් වී තිබෙනවා. එහෙත් ඇත්තෙන්ම කෝලි තවමත් ශතකයක් රැුස්කර නැහැ. රෝහිත් ශර්මා මේ වෙද්දීත් ශතක තුනක් රැුස්කර සාර්ථකත්වයේ උපරිමයේ ඉන්නවා. ධවාන්ගේ අඩුව පුරවන්නට ආ ලෝකේෂ් රාහුල්ද අඩු වැඩි වශයෙන් ලකුණු රැුස්කළා. ඒ අනුව ඔවුන්ගේ මුල් පිතිකරුවන් තිදෙනා තමන්ගෙන් අපේක්ෂිත රාජකාරිය හොඳින්ම කර තිබෙනවා. මුල් පිතිකරුවන් තිදෙනා කලින්ම ඉවත් කරන්න හැකිවුණොත්, ඉන්දීය මැදපෙළ අපහසුතාවට පත් කරන්න පුළුවන් වේවි. ඒත් රෝහිත් ෂර්මා හා කෝලි දවාගැනීම ඉතා අසීරුයි. ඒ සියල්ල කළත්, පන්දු යැවීම අතින් ඉන්දියාව ශක්තිමත්.


මෙවර ඉන්දියාව ලොව අංක එකේ වේගපන්දු යවන්නා වන ජස්ප‍්‍රිට් බුම්රා රැුගෙන ආවා. එහෙත් ඔහු සිතූ තරම් කඩුලූ ගත්තේ නැහැ. ඒ වෙනුවට මෙවර කඩුලූ රැුගෙන සාර්ථකත්වය පෙන්වූ ක‍්‍රීඩකයා මොහොමඞ් ෂාමි. එහෙත් ෂාමිගේ කඩුලූවලින් බහුතරය පසුපෙළ පිතිකරුවන්. ඒ නිසා ඉන්දියාව ඉදිරිපෙළ පිතිකරුවන් බිඳදමන්නට නම් බුම්රාගෙන් උපරිමය ගත යුතුයි. බුම්රා කඩුලූ නොගත් බව ඇත්ත. ඒත් මෙවර තරගාවලියේ ලකුණු රැුස්කරන්නට ඉඩ නොදී ශක්තිමත්ම ලෙස පන්දු යැවූ ක‍්‍රීඩකයා බුම්රා. ඔහු මාරාන්තික පන්දු යවමින් පිතිකරුවන්ට ලකුණක් රැුස් කරන්නට ඉඩ දුන්නේම නැහැ. බුම්රාට එරෙහිව හතරේ හයේ පහරවල් එල්ලකළේ නැති තරම්. ලකුණු 4.44ක ඕවරයකට ලකුණු ලබාදීමේ සාමාන්‍යයක් බුම්රා පවත්වාගෙන යනවා. එංගලන්ත පිතිකරු බෙන් ස්ටෝක්ස් සම්මුඛ සාකච්ඡුාවකදීත් කියා තිබුණේ බුම්රාට මොන පහර ගසන්නටදැයි තමන්ටවත් සිතාගත නොහැකි බවයි. ඒ හැරුණාම කුල්දීප් යාදව් හා යුල්වේන්ද්‍ර චහාල් පන්දු යවන්නන් ලෙස උපරිම සහාය දක්වමින් සිටිනවා. වේගපන්දු යවන්නන්ගේ තරගාවලියක මේ දෙදෙනාත් යමක් කරන්න ඉඩ තියෙනවා.


පාකිස්ථානය
එංගලන්තය නවසීලන්තයට පරාජය වුණොත් පාකිස්ථානයට අවස්ථාවක් ලැබෙනවා. ඒ අවස්ථාව ලබාගත් පසුව අප සිහිතබාගත යුත්තේ එක් කාරණයක්. මේ තමයි පාකිස්ථානය. කවුරුත් නොසිතූ ලෙස තරග ජයගැනීම පාකිස්ථානයේ ක‍්‍රිකට් කලාවයි. ඕනෑ පීඩනයක් මැද නොසිතූ දේවල් කිරීම පාකිස්ථානයේ රිද්මයයි. ඒ නිසා, අනෙක් කණ්ඩායම් තරම් අවස්ථාවක් නැතත් පාකිස්ථානය මෙවර ජයගැනීමේ ඉඩකඩක් තියෙනවා.


මේ වෙද්දීත් පාකිස්ථානයේ තරුණ, දීප්තිමත් පිතිකරු බාබර් අසාම් සාර්ථකත්වය පෙන්වමින් සිටිනවා. ශතකයක් හා අර්ධ ශතක දෙකක් ඔහු රැුස්කර තිබෙනවා. ෆකර් සමාන්, ඉමාම් උල් හක්, මොහොමඞ් හෆීස් හා හැරිස් සොහේල් ලොකු අසාර්ථකත්වයක් පෙන්වා නැහැ. ඕනෑ වෙලාවක ඔවුන්ට සාර්ථක විය හැකියි. බාබර් වටා ඔවුන් එක්වුණොත් ජයගත හැකියි. අවසන් වරට එංගලන්තයේ පැවති මහා එක්දින තරගාවලිය වන ශූරයන්ගේ කුසලානය ජයගත්තේත් පාකිස්ථානය බව අමතක කළයුතු නැහැ.


පාකිස්ථානයේ වේගපන්දු යවන බලඇණිය තරගාවලිය අවසානය ළංවෙද්දී එක්වරම ක‍්‍රියාත්මක වූ අන්දම අපූරුයි. මුල්ම තරග කිහිපයේදීම කොහේදෝ සැඟව සිටියාක් මෙන් ඔවුන් එළියට පැමිණියා. අත්දැකීම් බහුල වහාබ් රියාස් ඇෆ්ගනිස්ථානය සමග තරගයේදී උපරිම විනයකින් පන්දු යවන අන්දම පෙනුණා. ඒ අතර ෂහීන් ෂා අෆ‍්‍රිඩි නම් අවුරුදු 19ක ක‍්‍රීඩකයා අවසන් තරග තුනේදී ක‍්‍රියාත්මක වෙමින් පාකිස්ථානයේ භයානකම පන්දු යවන්නා බවට පත්වූ අන්දම පුදුම සහගතයි. ඒ අතර පාකිස්ථානයේ බලාපොරොත්තු සහිත වේගපන්දු යවන්නා වන, මෙවර තරගාවලියේ වැඩිම කඩුලූ යවන්නන් අතර සිටින මොහොමඞ් අමීර්වත් අමතක නොකළ යුතුයි. ඉතින්, කුසලානය ජයගන්නට අවැසි අමුද්‍රව්‍ය පාකිස්ථානයටත් තියෙනවා.

වෙද්දී එක්වරම ක‍්‍රියාත්මක වූ අන්දම අපූරුයි. මුල්ම තරග කිහිපයේදීම කොහේදෝ සැඟව සිටියාක් මෙන් ඔවුන් එළියට පැමිණියා. අත්දැකීම් බහුල වහාබ් රියාස් ඇෆ්ගනිස්ථානය සමග තරගයේදී උපරිම විනයකින් පන්දු යවන අන්දම පෙනුණා. ඒ අතර ෂහීන් ෂා අෆ‍්‍රිඩි නම් අවුරුදු 19ක ක‍්‍රීඩකයා අවසන් තරග තුනේදී ක‍්‍රියාත්මක වෙමින් පාකිස්ථානයේ භයානකම පන්දු යවන්නා බවට පත්වූ අන්දම පුදුම සහගතයි. ඒ අතර පාකිස්ථානයේ බලාපොරොත්තු සහිත වේගපන්දු යවන්නා වන, මෙවර තරගාවලියේ වැඩිම කඩුලූ යවන්නන් අතර සිටින මොහොමඞ් අමීර්වත් අමතක නොකළ යුතුයි. ඉතින්, කුසලානය ජයගන්නට අවැසි අමුද්‍රව්‍ය පාකිස්ථානයටත් තියෙනවා.