වැඩ තහනමට ලක්වී සිටින ශී‍්‍ර ලංකා ආයෝජන මණ්ඩලයේ ජේෂ්ඨ නියෝජ්‍ය අධ්‍යක්‍ෂවරයෙකුව බේරා ගැනීම සඳහා ශී‍්‍ර ලංකා ටෙලිකොම් සභාපති ජනපති සොහොයුරු කුමාරසිංහ සිරිසේන විසින් උත්සාහ ගනිමින් සිටින බව වාර්තාවේ.

අදාළ ජේෂ්ඨ නියෝජ්‍ය අධ්‍යක්‍ෂවරයා බේරා ගැනීම සඳහා ටෙලිකොම් සභාපති කුමාරසිංහ සිරිසේන ඉදිරි දිනෙක ආයෝජන මණ්ඩල ප‍්‍රධානීන් හමුවීමට නියමිත බවද එමෙන්ම මේ සම්බන්ධයෙන් ඊට පෙර ඔහු ආයෝජන මණ්ඩල ප‍්‍රධානීන් සමග සාකච්ඡුා කර ඇති බවද වැඩිදුරටත් වාර්තාවේ.

බදුරහිතව ආනයනය කළ නොහැකි භාණ්ඩ තොගයක් බදු රහිතව මුදාහැරීම නියෝජ්‍ය අධ්‍යක්‍ෂවරයා වැඩ තහනමට ලක්වීමට හේතුව වී ඇති අතර එසේ මුදා හැර ඇත්තේ ටෙලිකොම් සමාගමට අයත් භාණ්ඩ බව  අනාවරණයවේ. අදාළ භාණ්ඩ බදු රහිතව නිදහස් නොකරන ලෙස ආයෝජන මණ්ඩල අධ්‍යක්‍ෂ මණ්ඩල තීන්දුවත් පවා තිබියදී බදු රහිතව එම භාණ්ඩ නිදහස් කිරීම එම අධ්‍යක්‍ෂවරයා විසින් සිදුකර තිබේ.